تكنيك الجامسو Jamsu لتثبيت المكياج فترة طويلة

ريهام محمود
ريهام محمود
في
مكياج
1788

مشكلة بتقابل معظمنا في المكياج وهي عدم ثباته طول اليوم وانه بيسيح بسرعة, وحتى مع استعمال البودر او البرايمر او مثبت المكياج بنيجي على اخر اليوم بنلاقي البشرة امتصت المكياج كله, عشان كده النهاردة هنقول لكل بنات حوا على طريقة جديدة وهي تكنيك الجامسو لتثبيت المكياج, هو تكنيك كوري ظهر بقاله فترة وبقى تريند جدا وبدأ كتير من المشاهير والموديلز في استخدامه عشان يثبتوا مكياجهم فترة طويلة, وفي السطور الجاية هنقولك ازاي تعملي التكنيك ده.

تكنيك الجامسو لتثبيت المكياج:

كلمة جامسو هي كلمة كورية وترجمتها الحرفية “الغمر” او “الغوص”, وده التكنيك اللي بتعتمد عليه الطريقة دي وهي انك بتغمري الوش في مية باردة بعد ما تحطي المكياج عشان تثبتيه, ويمكن من اللحظة الاولى كده كتير من البنات يفكروا ان الطريقة ممكن تعمل نتيجة عكسية وتشيل المكياج, لكن بتجارب بنات كتير جدا للتكنيك ده اثبته فعاليته وانه فعلا بيساعد على تثبيت المكياج, ومن خلال موضوعنا هننقلكم تجربة بنت من البنات اللي جربوا الطريقة دي.

ازاي تعملي طريقة الجامسو Jamsu Makeup:

الطريقة بسيطة جدا, اول حاجة حطي كريم الاساس والكونسيلر, بعدها في منتج سحري هنستخدمه وهو البيبي بودر, حطي منها بالفرشة طبقة سميكة على الوش, دلوقتي غطسي وشك في طبق فيه مية باردة لمدة 30 ثانية بس مش اكتر.

بعدها خرجي وشك من المية ونشفيه بالراحة بالفوطة او بمناديل بطريقة الطبطبة كده, هتلاقي البشرة اتخلصت من اي بودرة زيادة وكريم الاساس زي ما هو, وهتلاحظي ان الوش ناعم جدا ومات اوي ومسامات البشرة اختفت تماما.

تكنيك الجامسو لتثبيت المكياج 1
تكنيك الجامسو لتثبيت المكياج 1

بعد كده حطي باقي المكياج بتاعك, واخرجي وشوفي نتيجة التكنيك بنفسك, هتلاقي مكياجك ثابت مع العرق والحر وهيفضل معاكي طول اليوم, وصاحبة التجربة قالت انه استمر معاها لحد 10 ساعات وكان زي ما هو ومسحش وفضل زي اول ما حطته بالظبط, وبتنصح بيه لو هتقضي يومك كله بره ومش عايزة تاخدي مكياج معاكي في الشنطة, او قبل مناسبة مهمة او فرح.

طبعا التكنيك ده مناسب جدا للبنات اللي بشرتهم دهنية اوي وبيعانوا دايما ان المكياج بيسيح وبشرتهم بتمتص المكياج بسرعة او بتفرز دهون كتير, الطريقة دي هتخلصك من كل المشاكل دي.

تكنيك الجامسو لتثبيت المكياج 2
تكنيك الجامسو لتثبيت المكياج 2

الطريقة بالفيديو:

اعملي مثبت المكياج بنفسك في البيت

مثبت المكياج
مثبت المكياج

مقالات متعلقه

ازاي تستخدمي بودرة تثبيت المكياج بطريقة صح

ازاي تستخدمي بودرة تثبيت المكياج بطريقة صح

نصايح مكياج هتساعدك على منع الزيوت الزيادة في منطقة التي زون بشكل فعال

نصايح مكياج هتساعدك على منع الزيوت الزيادة في منطقة التي زون بشكل فعال

نصايح مفيدة لطريقة عمل Baking لتثبيت المكياج

نصايح مفيدة لطريقة عمل Baking لتثبيت المكياج