نصايح وحيل موضة وجمال سهلة وبسيطة هتطلعك بأفضل لوك كل يوم

بقلمريهام محمود فيبشرة visibility1105

عشان تطلعي بلوك حلو كل يوم اكيد ده بياخد منك وقت كتير قدام المرايا عشان تظبطي كل حاجة من لبس لمكياج لعناية بالبشرة, عشان كده النهاردة هنقولك حيل موضة وجمال عشان تطلعي بأحلى لوك كل يوم بأقل وقت ومجهود.

حيل موضة وجمال عشان تطلعي بأحلى لوك:

اختاري الجينز الغامق:

لما تكوني في اختيار بين الجينز الغامق والفاتح, اختاري الجينز الغامق, طيب ليه؟ لان شكلهم بيبقى انيق اكتر واشيك من الجينز الفاتح اللي بيكون شكله كاجوال اكتر, لكن الجينز الغامق بيدي ستايل مميز لاي لبس, وبسهولة تقدري تحوليه للوك انيق بلبس كعب عالي معاه.

حيل جمالية عشان تطلعي بأحلى لوك
حيل جمالية عشان تطلعي بأحلى لوك

ضيفي لمسات نهائية للوك:

في لمسات نهائية كده وحاجات بسيطة اوي ممكن تعمليها لكن بتفرق جدا في الشكل النهائي للوك واحنا دايما بننساها, زي مثلا انك تتني كم القميص بيطلع شكله انيق اكتر, تتني رجل البنطلون الجينز, تنضفي الشوز قبل ما تخرجي, خدي بس كام دقيقة قبل ما تخرجي واعملي الحاجات دي هتتفاجئي بالنتيجة وقد ايه انها فرقت معاكي.

ممكن تتني الجينز تنية او اتنين على حسب طول البنطلون بتاعك.

حيل جمالية عشان تطلعي بأحلى لوك
حيل جمالية عشان تطلعي بأحلى لوك

وهنا لو لابسة طبقات زي شيميز وكادريجان ممكن تتنيها بالطريقة دي, اتني الاول الكارديجان تنية عريضة, وبعدين ارفعي الكم لفوق, وساوي التنيات, وبعدين اتني الشيميز وخليه فوق تنية الكارديجان على الحرف, زي ما هو باين قدامنا في الصورة كده.

حيل جمالية عشان تطلعي بأحلى لوك
حيل جمالية عشان تطلعي بأحلى لوك

شوفي من هنا حيل ونصايح للازياء هتنقذ حياتك ماحدش قالك عليها قبل كده.

حطي ماسكارا وكونسيلر بس لو كنتي مستعجلة:

واحدة من اسهل الحيل اللي ممكن تعمليها عشان تطلعي بلوك حلو بأبسط طريقة انك تحطي لمسات بسيطة من المكياج, لو معندكيش وقت انك تطبقي مكياج كامل, انتي محتاجة لمستحضرين اتنين بس هيخلوا وشك شكله حلو بشكل فوري, وهما الماسكارا والكونسيلر, اختاري كونسيلر افتح درجة من لون بشرتك عشان تداري الهالات السودا تحت عينيكي, والماسكارا هتظهر شكل الرموش والعين.

حيل جمالية عشان تطلعي بأحلى لوك
حيل جمالية عشان تطلعي بأحلى لوك

شوفي من هنا 19 حيلة عبقرية بالكونسيلر لازم تكوني عرفاهم.

العناية المناسبة ببشرتك:

اكيد البشرة الصحية والعناية بالضوافر والشعر هما اساس اللوك الحلو حتى لو مش حاطة مكياج خالص, العناية المناسبة للبشرة دايما افضل من كل ماركات المكياج, عشان كده لازم تتأكدي انه يكون في روتين يومي واسبوعي تمشي عليه بانتظام, نضفي بشرتك ورطبيها بشكل يومي, واعملي سكراب وماسك للبشرة مرة في الاسبوع, الروتين البسيط ده هيساعدك ان بشرتك تكون صحية بشكل طبيعي.

والجدول اللي قدامنا ده بيوضح ايه المنتجات اللي تستخدميها الصبح وايه اللي تستخدم بالليل:

الصبح:

– هيكون استخدام المنتجات بالترتيب ده.

– غسول البشرة.

– التونر.

– المرطب او كريم النهار.

– الصن بلوك.

بالليل:

– غسول البشرة.

– التونر.

– علاج البقع “لو بتستخدمي”.

– السيروم.

– كريم العين.

– المرطب او كريم الليل او تدليك البشرة بالزيت.

حيل جمالية عشان تطلعي بأحلى لوك
حيل جمالية عشان تطلعي بأحلى لوك

وفي الجدول ده بيوضح الروتين اليومي والاسبوعي والشهري والموسمي والسنوي للعناية بالبشرة والشعر والضوافر:

الروتين اليومي:

دي الحاجات اللي تتعمل كل يوم

– غسول البشرة وممكن تستخدمي غسول مقشر.

– التونر.

– المرطب.

– علاج البقع والتصبغات.

– التأمل.

– شاور دافي.

– شرب المية.

– نامي كويس.

– كلي اكل صحي عشان ده هينعكس على بشرتك بشكل ايجابي.

الروتين الاسبوعي:

الحاجات اللي هتتعمل كل اسبوع بس

– ماسك البشرة.

– تدليك البشرة.

– تدليك فروة الراس.

– التمارين.

– تغيير اكياس المخدة.

– تنضيف فرش المكياج.

الروتين الشهري:

الحاجات اللي تتعمل كل شهر

– المانيكير.

– الباديكير.

– تنضيف الحواجب.

– علاج مرطب للشعر.

الروتين الموسمي:

دي الحاجات اللي تتعمل كل موسم.

– تغيير منتجات العناية بالبشرة.

– اعملي لنفسك Spa day اهتمي بجسمك وبشرتك وضوافرك واعملي ريفريش كده لنفسك.

– قص الشعر.

– اعملي علاج بالمساج.

الروتين السنوي:

– اعملي فحص طبي عام.

حيل جمالية عشان تطلعي بأحلى لوك
حيل جمالية عشان تطلعي بأحلى لوك

لو مشيتي على الروتين ده بانتظام هيفرق جدا معاكي, ياللا ابدأوا من دلوقتي انتظموا عليه وهتلاحظوا النتيجة بنفسكم.

11 سر وحيلة جمالية من موديلز فيكتوريا سيكريت بيحافظوا بيها على جمالهم

اسرار جمالية من الموديلز