طريقة مكياج عيون انجلينا جولي بالخطوات والصور

ريهام محمود
ريهام محمود
في
مكياج
2369

لو هنبص على لوك انجلينا جولي ومكياج عيونها هنلاقي انها دايما متمسكة برسمة عين معينة بتظهر بيها في كل اطلالاتها وبتدي عيونها نظرة حلوة جدا وملفتة, ولو انتي بتحبي مكياج عيونها او شكل عينك زيها ونفسك تعملي نفس رسمة عينيها, النهاردة من خلال موضوعنا هنقولك طريقة مكياج عيون انجلينا جولي بالخطوات والصور عشان تقدري تنفذيها بنفسك في البيت بكل سهولة.

طريقة مكياج عيون انجلينا جولي:

اول حاجة بغض النظر عن اللوك او رسمة العين اللي هتعمليها لازم قبل المكياج ترطبي العين وتحطي برايمر كقاعدة اساسية للمكياج, لان ده هيخلي المكياج يتوزع بالتساوي ويبقى شكله ناعم واحلى على العين, ده غير انه هيثبت لفترة اطول.

الحاجات اللي هتحتاجيها:

ايشادو.

ايلاينر.

ماسكارا.

فرش.

رموش صناعية “اختياري”.

طريقة مكياج عيون انجلينا جولي 1
طريقة مكياج عيون انجلينا جولي 1

الخطوات:

1- الخطوة (1):

غمضي عينك وباستخدام فرشة صغيرة حددي منطقة تنية الجفن, يعني الفرشة يكون مكانها بالظبط لما تحسي بمقلة العين تحتها.

طريقة مكياج عيون انجلينا جولي 2
طريقة مكياج عيون انجلينا جولي 2

2- الخطوة (2):

خدي ايشادو باللون البني المات وابدأي حطيه على منطقة تنية الجفن اللي احنا حددناها في الخطوة الاولى.

ابدأي امزجيها كويس على تنية الجفن, الاسلوب ده بيساعد على تحديد منطقة التنية وبيبرز العين اكتر.

بالنسبة للجفن كله ممكن تختاري ايشادو بلون محايد يمشي مع اللون اللي انتي اختارتيه لمنطقة تنية الجفن, وهي هنا في اللوك ده استخدمت بودرة شفافة على الجفن كله عشان تبقى طبيعية اكتر وتدي ايحاء ان الجفن مرسوم.

طريقة مكياج عيون انجلينا جولي 3
طريقة مكياج عيون انجلينا جولي 3

3- الخطوة (3):

خدي نفس الايشادو البني اللي استخدمتيه وحطيه على الجفن اللي تحت, وركزي اكتر على الزاوية الخارجية للعين عشان تعملي لوك ناعم.

ولو اتلغبطي او الرسمة طلعت من بره الجفون ممكن تصلحي اللغبطة باللوس بودر امشي بس على اللغبطة بالفرشة.

متنسيش تملي فراغات الحواجب عشان تظهري شكل العين وتحددي الوش.

طريقة مكياج عيون انجلينا جولي 4
طريقة مكياج عيون انجلينا جولي 4

4- الخطوة (4):

بمجرد ما تخلصي دمج الايشادو كويس على العين, تقدري دلوقتي تحطي الرموش الصناعية وتقدري تختاري شكل الرموش اللي يريحك, وخطوة الرموش دي اختيارية ممكن تستغني عنها, لكن اكيد الرموش بتظهر العين اكتر.

– نصايح سريعة لتركيب الرموش الصناعية:

اقطعي الرموش لنصين, او لثلث عشان تخلي تركيبها اسهل.

ممكن تحطي طبقة ماسكارا قبل ما تركبي الرموش.

دايما قيسي حجم الرموش على عينيكي, وبعدها تقدري تقطعيها على حسب شكل عينك, ولو لاحظتي بعد ما ركبتي ان في فراغات ما بين رموشك الطبيعية والرموش الصناعية, ممكن تملي الفراغات بايلاينر سائل او جل ده هيخلي الرموش تطلع شكلها طبيعي اكتر.

طريقة مكياج عيون انجلينا جولي 5
طريقة مكياج عيون انجلينا جولي 5

شوفي من هنا بالخطوات ازاي تركبي الرموش الصناعية.

5- الخطوة (5):

بمجرد ما تخلصي من تثبيت الرموش, حطي الايلاينر بفرشة بزاوية او مدببة, ابدأي الرسمة من الزاوية الخارجية للعين, وامشي بالتدريج لحد ما توصلي للزاوية الداخلية للعين, وخلي الايلاينر قريب جدا من خط الرموش بحيث انها تغطي خط الرموش الصناعية زي ما قولنا عشان تبان طبيعية.

استخدمي ايشادو يكون نفس لون الايلاينر وبالفرشة امشي بيه على خط الايلاينر بتاعك ده هيديه كثافة اكتر, كمان هيثبت الايلاينر بتاعك ويمنع تشققه او تجعده.

طريقة مكياج عيون انجلينا جولي 6
طريقة مكياج عيون انجلينا جولي 6

6- الخطوة (6):

استخدمي نفس لون الايلاينر اللي استخدميه للجفن اللي فوق, وادمجيه بالفرشة على الجفن اللي تحت.

طريقة مكياج عيون انجلينا جولي 7
طريقة مكياج عيون انجلينا جولي 7

7- الخطوة (7):

استخدمي اداة تني الرموش عشان تدي طول اكتر للرموش وترفعيهم, وده كمان بيدي وسع اكتر للعين.

حطي الماسكارا على الرموش اللي فوق واللي تحت في كذا طبقة, ممكن تحطي طبقتين او تلاتة من الماسكارا عشان تدي كثافة اكتر لرموشك.

اللمسة النهائية هتكون الروج ممكن تخلي شفايفك بلون روج محايد, او تجربي اللون الاحمر او البينك او السيمون الغامق, وانجلينا جولي معروفة بشفايفها الممتلئة عشان كده في اللوك ده اختارت استخدام لون زاهي وهو اللون البينك عشان تظهر جمال الشفايف.

طريقة مكياج عيون انجلينا جولي 8
طريقة مكياج عيون انجلينا جولي 8

وده هيكون الشكل النهائي للوك:

طريقة مكياج عيون انجلينا جولي 9
طريقة مكياج عيون انجلينا جولي 9

طريقة رسم الايلاينر السائل للمبتدئين بالخطوات والصور

طريقة رسم الايلاينر السائل للمبتدئين
طريقة رسم الايلاينر السائل للمبتدئين

مقالات متعلقه

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا

نصايح مكياج للعيون المبطنة

نصايح مكياج للعيون المبطنة

اعرفي ازاي تختاري محدد الشفاة Lip liner  لاستخدام كل يوم، وايه هي الانواع الموضة دلوقتي

اعرفي ازاي تختاري محدد الشفاة Lip liner لاستخدام كل يوم، وايه هي الانواع الموضة دلوقتي