دليل كامل ل 5 ستايلات ساعات مختلفة محتاجة يكونوا عندك

ريهام محمود
ريهام محمود
2011

عايزة تشتري ساعة ومش عارفة تختاري ايه؟ الساعات تعتبر اكسسوار رائع جدا بيضيف رقي للوك بتاعك وبيكمله, لكن اكيد في ستايلات كتير من الساعات اللي ممكن تختاري بينهم, عشان كده النهاردة من خلال موضوعنا هنقولك على اهم 5 ستايلات ساعات للمناسبات المختلفة.

ستايلات ساعات للمناسبات المختلفة:

1- The Smart Watch:

الساعات الذكية تعتبر ثورة في عالم الساعات لانها مختلفة عن الساعات بشكلها التقليدي, وهي مناسبة جدا للاشخاص اللي بيلعبوا رياضة بشكل خاص لان فيها اوبشن كتير منها انها ممكن تقولك عدد الخطوات اللي مشيتيها عشان تحسب السعرات الحرارية الخاصة بيكي, بتابع نظام نومك.

ولكل الاشخاص اللي بيحبوا يتابعوا الموبايل بتاعهم 24 ساعة يوميا, كل اللي هيحتاجوه هي الساعة الذكية, لان ممكن تتابعي الاشعارات الجديدة على موبايلك من خلالها, حتى كمان تقدري عن طريقها تعملي مكالمات, وتسجلي مواعيدك والحاجات المهمة عشان متنسيش حاجة.

2- The Business Watch:

ساعة العمل هي المناسبة انك تلبسيها في الشغل وهي الساعة اللي بتكون بسيطة مافيهاش تفاصيل كتير ومن العلامات التجارية المعروفة زي Seiko presage مناسبة جدا للشغل.

3- The Cute Watch:

لو بتدوري على ساعة تلبسيها مع اللبس الكاجوال او ستايل يكون قريب شوية من شخصيتك وتعبر عنها, اختاري الساعة تكون بألوان جريئة, اختاري واحدة بلونك المفضل او اختاري ستايل الساعات اللي ممكن تغيري الاستيك بتاعها بألوان مختلفة حسب لبسك, ممكن كمان تختاري خلفية بتصميم مختلف وغير تقليدي.

4- The Luxury Watch:

ستايل الساعات الفاخرة مناسب جدا للمناسبات لانه بيكون فيه تفاصيل زي ستراس او فصوص مينفعش انها تتلبس اي وقت, لكن اهم حاجة انك تختاري شكل او تصميم مناسب لشخصيتك.

5- Radio Controlled Watch:

ده نوع يعتبر اختراع حديث نوعا ما, وهي ساعة مراقبة لاسلكية بيتم التحكم فيها عن طريق الراديو, ودي اللي هتكوني محتاجاها لو انتي شخص بيسافر كتير, لانها هتضمن لك ظبط الوقت بدقة جدا ايا كان المكان اللي كنتي فيه في اي بلد.

واكيد في انواع ساعات كتير, لكن دي تعتبر اكتر 5 انواع للاغراض الاساسية اللي المفروض يكونوا عندك.

موضة ساعات الايد السويسرية لسنة 2018

موضة ساعات الايد السويسرية لسنة 2018
موضة ساعات الايد السويسرية لسنة 2018

مقالات متعلقه

ستايلات للبس العباية المفتوحة في رمضان

ستايلات للبس العباية المفتوحة في رمضان

موضة الفستان المضلع لموسم الشتا

موضة الفستان المضلع لموسم الشتا

افضل تنسيقات الوان لدولابك في الشتا

افضل تنسيقات الوان لدولابك في الشتا