افكار للبس الجامعة عشان تطلعي بلوك ستايلش وعملي ومريح
بنات كتير بيحتاروا في اختيار لبس الجامعة لانهم بيكونوا محتاجين لبس انيق وشكله حلو وفي نفس الوقت عملي ومريح, والنهاردة هنساعدك في المهمة دي وهنشوف مع بعض مجموعة افكار للبس الجامعة عشان تطلعي بلوك ستايلش وشكله حلو وفي نفس الوقت يكون مريح وعملي ومناسب لجو الجامعة.
افكار للبس الجامعة:
– غالبا في بداية الجامعة بيكون الجو لسه خريف ومش برد اوي ومش بتكوني محتاجة لبس تقيل اوي, في الجو ده تقدري تنوعي بين اكتر من ستايل خفيف ومناسب للجو ممكن تنسقي على البنطلون الجينز شيميز جينز او كاروه, او تلبسي الشيميز مفتوح وتحتيه اندر شيرت, او تيشرت وعليه جاكيت جينز, وممكن كمان الجاكيت الجينز تلبسيه على فستان ماكسي او ميدي, ممكن تلبسي تيشرت او شيميز وفوقية بليزر, وممكن بدل الجينز تغيري شوية وتلبسي بنطلون Army او جلد كمان هيمشي معاهم كل الحاجات اللي احنا قولناها, كل الاختيارات دي قدامك تقدري تنسقي فيها زي ما انتي عايزة.
– لما يبدأ الجو يدخل في البرد شوية اكيد هتحتاجي حاجات اتقل ابدأي بقى نسقي على البنطلون الجينز سويتر, او سويت شيرت مع فيست, تيشرت مع كارديجان.
– وفي الجو البرد اوي ممكن انك تبدأي تنسقي الطبقات, ممكن تعملي تلات طبقات وتلبسي اندر شيرت وفوقيه شيميز وفوقيه جاكيت, او تنسقي طبقتين وتلبسي شيميز وفوقيه سويتر ويكون الشيميز اطول من السويتر وتطلعي لياقته من بره عشان تعملي لوك حلو ومختلف, او السويتر التقيل وفوقيه جاكيت جلد.
– وعشان تكملي اللوك بتاعك متنسيش السكارف في الايام البرد, والشوز انسب حاجة للايام اللي هتكون مش برد اوي هو السنيكرز او الشوز الفلات, وفي البرد ممكن انك تبدأي تلبسي البوت الطويل او الانكل, وبننصحك تبعدي عن الكعب في اختيار الشوز لان في الجامعة محتاجة حاجة عملية ومريحة اكتر.
تعالوا نشوف مع بعض بالصور افكار للبس الجامعة:
افكار لستايلك فى الجامعة تمشي مع لوك مكياج طبيعى
