نصايح للمكياج اللامع عشان تطلعي بأحلى لوك

ريهام محمود
ريهام محمود
في
مكياج
1002

غالبا كتير من البنات بيكونوا محتارين في الاختيار بين المكياج المات واللامع, لكن خبراء المكياج بينصحوا بتجربة المكياج اللامع عشان تدي توهج لبشرتك, لكن الافضل انك تتجنبيه في فصل الصيف او الجو اللي في رطوبة, وبما اننا خلاص داخلين على الشتا هيكون مناسب جدا للوقت ده, والنهاردة هنقولك نصايح للمكياج اللامع وازاي تحطيه صح عشان تطلعي بلوك حلو.

– نصايح للمكياج اللامع:

1- المكياج المات عادة بيخلي شكل الوش مطفي اوي, وعشان تدي توهج لو انتي حاطة كريم اساس وبودر مات ممكن تستخدمي معاهم بلاشر لامع او هايلايتر عشان تدي تاتش لامع وتخلي البشرة متوهجة وشكلها حلو.

2- المكياج اللامع الميزة فيه انه بيدي تأثير Dewy او متوهج للوش بأقل كمية, يعني لو حطيتي كريم الاساس السائل او الكريم المرطب الملون مع كمية بسيطة من بودرة ملمعة هتكون كافية جدا عشان تدي توهج لبشرتك.

3- عشان تبرزي عضمتين الخد بننصحك تستخدمي برونزر,  او هايلايتر كريمي.

4- اكيد بننصح باستخدام المكياج اللامع عشان تدي لوك مشرق للبشرة, لكن لازم تاخدي بالك من الجو زي ما قولنا تجنبيه في فصل الصيف او الايام اللي بيكون فيها رطوبة, في الصيف الافضل تستخدمي المكياج المات لان اللامع ممكن يدي لوك دهني اوي للبشرة.

نصايح للمكياج اللامع 1
نصايح للمكياج اللامع 1

– خطوات المكياج اللامع:

كريم الاساس:

اختاري كريم الاساس او ال BB اللي بيدي لوك نهائي مشرق وغالبا هنلاقي معظم الماركات اللي موجودة هتديكي اللوك ده, وعشان تعملي تغطية كاملة ممكن تستخدمي موس او كريم اساس معدني, وافرديه على بشرتك باستخدام الفرشة.

نصايح للمكياج اللامع 3
نصايح للمكياج اللامع 3

الهايلايتر:

الهايلايتر هيساعدك تبرزي ملامح الوش زي المنطقة اللي فوق عضمتين الخد, وجسر الانف, الجبهة, الدقن, منتصف الشفة اللي فوق عند منطقة قوس كيوبيد.

نصايح للمكياج اللامع 8
نصايح للمكياج اللامع 8

العيون:

ممكن مع المكياج اللامع تستغني عن الايشادو عشان اللوك يطلع طبيعي اكتر وميبقاش اوفر زيادة, ممكن تستخدمي كمية بسيطة من الهايلايتر اللي استخدمتيه على عضمة الخد فوق الجفون, لكن لو انتي اصلا جفونك دهنية ممكن تستغني عن الخطوة دي.

نصايح للمكياج اللامع 20
نصايح للمكياج اللامع 20

الشفايف:

مع اللوك اللامع متستخدميش احمر شفايف بلون قوي, ولو انتي شفايفك غامقة وعايزة تداري لونها ممكن تحطي لون روج نيود او قلم تحديد تملي بيه الشفايف كقاعدة اساسية, وبعدها حطي فوقيه الليب جلوس او ملمع الشفايف بلون بينك او نيود او دهبي والليب جلوس الدهبي كمان هيدي للشفايف لوك ممتليء حلو جدا.

نصايح للمكياج اللامع 21
نصايح للمكياج اللامع 21

تثبيت المكياج:

الخطوة الاخيرة عشان تثبتي المكياج استخدمي مثبت مكياج ومتستخدميش بودر لانها هتضيع اللوك اللامع اللي انتي عملتيه من على البشرة وهتطفيها, لكن مثبت المكياج هيثبت المكياج اللامع بتاعك فترة طويلة.

نصايح للمكياج اللامع 22
نصايح للمكياج اللامع 22

تعالوا نشوف مع بعض افكار للمكياج اللامع:

في 4 خطوات بس اعملي مكياج مشرق ومضيء للصيف

خطوات مكياج للصيف
خطوات مكياج للصيف

مقالات متعلقه

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 حيل تجميلية بسيطة ممكن تعمليها عشان تطلعي بلوك احلى في وقت سريع