ازاي تستخدمي ال Airbrush Makeup

بقلمريهام محمود فيمكياج visibility188

ال Airbrush Makeup من تقنيات المكياج اللي ظاهرة بقالها فترة وبقى في كتير من الميكب ارتيست بيستخدموها لانها بتظهر شكل المكياج على طول زي ما بيطلع في التصوير بالظبط, وميزتها انها بتوزع المكياج على البشرة بشكل موحد ومتساوي, والنهاردة من خلال موضوعنا هنقولك ازاي تستخدمي ال Airbrush Makeup.

الاسلوب ده في المكياج بيستخدم بشكل خاص للتصوير, لان طريقة الرش بتدي لوك طبيعي وتوزيع متساوي للمكياج وتداري عيوب البشرة وبيطلع الوش في التصوير صافي تماما بعكس الطريقة التقليدية في المكياج هنلاحظ انه في الكاميرا مع العدسات اللي بتكون دقتها عالية ان المسامات وتجاعيد الوش بتكون ظاهرة.

وال Airbrush Makeup او فرشة المكياج الهوائية ممكن تستخدم لكريم الاساس والبلاشر وللشفايف والحواجب والعيون يعني لمكياج الوش كله هتطلعوا بشكل مثالي جدا, وكمان تعتبر طريقة صحية لانك مش بتلمسي البشرة خالص.

وكمان بالنسبة للمحترفين ومتخصصين المكياج هي تعتبر وسيلة سريعة بالنسبة لهم, ويقدروا يستخدموها كمان انهم يعملوا بيها تأثيرات على الوش ويحددوا الملامح.

ازاي تستخدمي ال Airbrush Makeup
ازاي تستخدمي ال Airbrush Makeup

– قبل ما نعرف طريقة الاستخدام هنقولك شوية اساسيات عن الفرشة:

فرشة المكياج الهوائية هي عبارة عن تصميم بحجم صغير مع ضواغط بقوة بسيطة, بتحتوي على ابرتين واللي بيحصل لما الهوا واللون بيتقابلوا مع بعض, ابرة منهم بتدفع الهوا والتانية للون, وتقدري كمان انك تتحكمي في كمية المكياج, وده بيخليكي تطلعي بالنتيجة اللي انتي عايزاها.

الانواع المختلفة لل Airbrush Makeup:

الفرشة ليها تلات انواع وهي فرشة على اساس مائي, وعلى اساس الكحول, وعلى اساس السيليكون.

1- الفرشة على اساس مائي:

 النوع ده بيتكون من المية, وبالتالي المكياج اللي بيطلع منها بيكون من غير لمعة, وسهل يتعمل بيها تغطية كاملة, والنوع ده بيفضله دايما الاشخاص اللي بيتعرضوا لاضاءة عالية كتير لان الوش هيظهر من غير لمعة.

2- الفرشة على اساس كحول:

النوع ده من الفرش قدرته هايلة جدا في ثبات المكياج ممكن يقعد معاكي لحد 5 ايام, ولكن مشكلتة انه بيحتوي على نسبة 99% من الكحول, عشان كده بننصح انه ميستخدمش بشكل يومي.

3- الفرشة على اساس سيليكون:

لو بتحبي اللوك الطبيعي يبقى الفرشة السيليكون هي المناسبة ليكي, لانها بتطلع المكياج درجته مطابقة مع لون البشرة, لكن مع ذلك هي ممكن تميل انها تطلع اللون اغمق شوية عشان كده مع النوع ده اختاري دايما الدرجة الافتح من الدرجة الطبيعية بتاعتك.

ازاي تستخدمي ال Airbrush Makeup
ازاي تستخدمي ال Airbrush Makeup

– ازاي تستخدمي ال Airbrush Makeup:

1- الفرشة هتطلع معاكي نتيجة احسن لو حد هو اللي رش المكياج على وشك, وعلى الرغم انك ممكن تستخدميها بنفسك عشان تتجنبي فرصة ان المكياج يدخل في عينك وانتي بترشي الافضل انك تخلي حد هو اللي يعملك المهمة دي.

2- طريقة المكياج دي بتختلف عن طريقة المكياج بالطريقة التقليدية اللي احنا متعودين عليها, عشان كده الافضل لما تشتريها تقري الكتيب اللي معاها كويس ولو معاها سي دي شوفيه عشان تعرفي عنها اكتر.

3- الطريقة دي على عكس طريقة المكياج التقليدية, عشان تعملي اكتر من طبقة مكياج من غير اي مشاكل, خلي الطبقة الاولى تنشف تماما الاول وبعدها تقدري تحطي طبقة تانية.

4- مع طريقة المكياج التقليدية بيكون سهل انك تصححي الغلطات اللي ممكن تقعي فيها اثناء المكياج, لكن ده مينفعش مع طريقة الفرشة, عشان كده استخدمي كمية مكياج صغيرة كل مرة عشان متحطيش اكتر من اللازم ومتعرفيش تصححية خصوصا مع البلاشر والهايلايتر.

5- ممكن تمرني على استخدامها على قطعة ورق, او على شخص تاني غيرك او على ضهر ايدك عشان تاخدي فكرة اكتر عن استخدامها بشكل صح وكمية المكياج اللي ممكن ترشيها في كل مرة.

6- اتمرني على خلط الدرجات عشان تدي لوك احلى للمكياج.

7- افضل طريقة لاستخدام الفرشة هي انك ترشي بيها وهي بعيد عن الوش بمسافة 6 بوصات تقريبا, ورشي رشات صغيرة من المكياج في مناطق محددة عشان تتحكمي بشكل افضل, مع التمرين هتقدري تعملي طبقات وتستخدميها بعد كده بسهولة وبشكل اسرع.

8- افضل طريقة لرش المكياج ياما تستخدمي حركات دائرية, او من ورا لقدام.

9- زي ما قولنا ان في اكتر من نوع من الفرشة زي اللي على اساس المية, وعلى اساس الكحول, وعلى اساس السيليكون, اختاري منهم الانسب لنوع بشرتك.

10- ممكن تستشيري خبيرة مكياج لو عايزة تعرفي اكتر عن النوع اللي يناسبك.

11- الضغط بيتحكم في مدى نجاح توزيع المكياج, كل ما زودتي الضغط زادت المساحة المطلوبة.

12- متخلطيش ما بين نوعين فرش في المكياج زي الكحول والسيليكون لان كل واحدة فيهم المكياج بينشف في مدة مختلفة عن التانية.

13- دربي نفسك على كميات المكياج عشان متهدريش فيه كتير.

14- وفي نفس الوقت متخففيش الضغط اوي بحيث انه يطلع كمية صغيرة اوي من المكياج.

ازاي تستخدمي ال Airbrush Makeup
ازاي تستخدمي ال Airbrush Makeup

طريقة استخدام ال Airbrush Makeup بالفيديو:

ايه هو ال Eyelash lift..اعرفي معانا كل حاجة عنه

Eyelash lift
Eyelash lift