9 عادات يومية بتأذى العمود الفقري اعرفيها وتجنبيها

بقلمآية حسان فيصحة visibility646

آلام الضهر من أكتر الحاجات اللى ممكن تتعب أى حد، خصوصا لو كنتى بتشتغلى وكمان مسؤولة عن شغل البيت او لو حتى بتدرسي و محتاجة تتحركي كتير وبشكل مستمر، عشان كده فى المقال ده بنت حوا هيعرفوكي على 9 عادات يومية بتأذى العمود الفقري لازم تعرفيها وتتجنبيها.. 

9 عادات يومية بتأذى العمود الفقري، اعرفيها وتجنبيها

1- التدخين : 

مفيش شك ان التدخين عادة مدمرة و سيئة جدا، لكن بجانب كل آثارها السيئة و الأمراض اللي بيسببها، التدخين بيسبب آلام الظهر لأن النيكوتين بيعمل خلل في سيولة الدم الطبيعية بداخل الحبل الشوكي وده بيسبب ضرر للضهر. 

التدخين

2- لو نومك مش منتظم : 

الأبحاث اثبتت ان حالة الخلايا الموجودة فى منطقة الديسك مابين فرات العمود الفقرى بتعتمد بشكل مباشر على مدى استقرار الدورة الدموية للجسم، ولما ايقاعك اليومي بيختلف زي انك لو مصابة بأرق او بتسهرى  طول الليل وبتنامي طول النهار بتبدأ الخلايا دي فى انها ماتأديش وظيفتها كويس وده فى الآخر بيتسب ف وجود التهاب مزمن و بيخلى ضهرك يتعرض للألم أكتر و بيسبب مشاكل الديسك والعمود الفقري، وكمان في دراسات بتقول ان المواد الكيميائية الطبيعية المضادة للإلتهاب بينتجها الجسم أفضل خلال النهار، عشان كده مهم  انك تبقى صاحية مش نايمة خلال النهار فلازم يبقى نومك منتظم و تنامي كويس بالليل وتصحي فايقة للنهار. 

3- الشغل وانتي واقفة : 

كلنا بنسمع ان القعدة كتير حاجة مضرة، لكن كمان الوقوف طول الوقت بيكون ضار، عشان كده الشغل لفترات كتيرة وانتى واقفة او لفترات كتيرة وانتى قاعدة فى الحالتين بيسبب ضرر كبير لعمودك الفقري، وبيكون لها تأثير كبير و بتتسبب في آلام الكفين والرقبة.

العضلات والمفاصل بتحتاج المرونة عشان تفضل في  في صحة كويسة، والوضع السيئ هو واحد العلامات الأولى على بتترحركى بطريقة غلط. في معظم الأحيان ، لو كانت رأسك أو كتفك في وضع غلط، ده معناه انك مابتتحكميش في الجزء العلوي من جسمك كويس. وده هيتسبب في الاخر في وجود تقوسات وبالتالي ضغط أكبر على الجسم، عشان كده مهم تقفى و تقعدي وتمشي بضهر مفرود وتخلي حركتك طول اليوم متقسمة ما بين الأوضاع التلاتة دول مش ثابتة على وضع واحد. 

بتشتغلى وانتى واقفة

4- لبس الشوز الغلط : 

آلام الظهر و العمود الفقري ممكن كمان تكون بسبب لبسك للشوز الغلط، قللي الضغط والشد على رجلك عن طريق انك دايما تلبسي شوز من نوع وخامة عالية و دايما البسي شراب على البوت او السنيكرز علشان تقللى الضغط على رجلك وحاولى تقلي من لبس الكعب على قد ما تقدري. 

لبس الشوز الغلط

5- مابترتاحيش طول اليوم : 

كتير مننا مابينتبهش اننا مابنرتاحش كفاية ، وأول علامة تقلقك انك لازم ترتاحي هى الام العمود الفقري، وعشان كده مهم انك تاخدي بريك ولو 5 دقايق كل ما تحسي بقلة راحة أو بوادر ألم في ضهرك. وعشان تقللى الضغط على العمود الفقرى وعلى عضلاتك نامي على ارض مستوية وارفعي رجلك لفوق.

مابترتاحيش كفاية

6- بتشتغلي في وظيفة مابتحبيهاش : 

أبحاث اتعملت في أستراليا اثبتت ان آلام الظهر منتشرة بشكل كبير فى الناس اللى بتشتغل في وظيفة مابتحبهاش، ومالقوش اى اسباب عضوية لكن الآلام بتبقى بسبب الضغط النفسي بشكل كامل ، عشان كده لو بتكرهى وظيفتك حاولى تلاقي بديل عشان الموضوع ده مايأثرش على صحتك. 

مابتحبيش شغلك

7- التفكير زيادة عن اللزوم : 

أحيانا بتبقى المشكلة فى ان مخك شغال زيادة عن اللزوم وبيفكر كتير في كل حاجة، او لو شايلة هم حاجة معينة وده بيسبب آلام الضهر و العمود الفقري ، عشان كده حاولى فى اوقات الراحة تجربي تفكري فى حاجة تانية غير شغلك ومشاكلك وتاخدي بريك تفصلى فيه، اتفرجي على فيلم ينسيكي مشاكلك والضغط العصبي وحاولى تفكري في حاجة متفائلة أكتر. 

التفكير زيادة

8- استخدام الموبايل : 

أظهرت دراسة حديثة أن قراءة رسالة نصية بتسبب ضغط كبير على الحبل الشوكي، عشان كده استخدم الموبايل كتير وكمان مسك الموبايل بطريقة غلط زى انك تحنى رقبتك وانتى باصة فى التليفون بيتسبب في فقدان المنحنى الطبيعي للعمود الفقري العنقي وإلى حمل أثقل على الجزء ده من الظهر ، خاصة عند المراهقين.

وحسب العلماء أن الناس اللي بيستخدموا الموبايل من ساعتين إلى أربع ساعات في اليوم في المتوسط ​​وده معناه ان رقبة كل حد فينا تنحني لمدة تتراوح بين 700 و 1400 ساعة في السنة.

الموبايل

 9- مابتعمليش رياضة: 

ماتتجنبيش انك تعملي رياضة، خصوصا الرياضات والتمرينات اللى بتركز على المرونة وتقوية العضلات و العمود الفقري زي اليوجا.

مابتتمرنيش

اعرفى معانا كمان 10 تمارين هتساعدك تتخلصي من دهون الضهر بسرعة