افضل 20 ستايل مختلف لاكسسوارات الشعر..وايه الاكسسوار المناسب لشكل وشك

بقلمريهام محمود فيشعر visibility314

اكسسوارات الشعر من التفاصيل الصغيرة جدا اللي ممكن تضيف جمال لتسريحة الشعر, وزمان شوية كان عندنا معتقد ان اكسسوارات الشعر دي للاطفال بس لكن دلوقتي بقت موضة جدا لاي سن وليها اشكال وستايلات مختلفة, والنهاردة من خلال موضوعنا هنشوف 20 ستايل مختلف من اكسسوارات الشعر, وازاي تختاري الاكسسوار المناسب لشكل وشك.

الاكسسوار المناسب ليكي حسب شكل وشك:

– الوش البيضاوي:

لو انتي صاحبة وش بيضاوي تبقي محظوظة جدا لان كل ستايلات اكسسوارات الشعر بمختلف اشكالها هتليق مع شكل وشك.

– الوش المدور:

لو وشك مدور, يبقى لازم تتأكدي انك متختاريش اكسسوارات تزود من دوران الوش, اختاري ستايل الاكسسوارات اللي تدي طول شوية للوش, وخلي كام خصلة شعر تنزل على الوش هتساعد في ظبط شكل الوش.

– الوش على شكل قلب:

لو وشك على شكل قلب جربي التوكة المشط او البنس البسيطة وارفعي الشعر من جنب واحد بس, الستايل ده هيظبط شكل الوش, ولو هتستخدمي الباندانا بتاعة الشعر خلي الشعر من قدام يكون عالي شوية, او خلي كام خصلة من غير ما تلميهم بدل ما تلمي شعرك كله.

– الوش الطويل:

الوش الطويل استخدمي معاه الاكسسوارات اللي تقلل من طول الوش زي ال Headband اللي بتحط على الجبهة هتاخد شوية من طول الوش وهتبين حجم الجبهة اصغر وهتحول التركيز على عينيكي.

– الوش المربع:

مع الوش المربع اتأكدي انك مع اي ستايل اكسسوار الافضل انك تلمي شعرك كله على ورا باحكام.

اكسسوارات الشعر

ستايلات اكسسوارات الشعر:

1- Bow الفيونكة:

الاكسسوار الفيونكة من الستايلات اللي بتدي شكل حلو جدا للشعر, والستايل ده موجود من زمان من قبل حتى ظهور التوك الميكي ماوس, ممكن تستخدمي شريط تربطيه على شكل فيونكة, او تستخدمي التوكة الفيونكة.

اكسسوارات الشعر
اكسسوارات الشعر

2- Hair comp pins التوكة المشط:

التوكة المشط من الستايلات اللي موجودة من زمان جدا, وبتغير شكل الشعر لما بتتحط عليه كاكسسوار.

اكسسوارات الشعر
اكسسوارات الشعر

3- Hair clips التوكة الكلبس:

التوكة الكلبس هتبقى اول اكسسوار ممكن تفكري فيه لو عايزة تضيفي تفصيلة صغيرة او بسيطة لتسريحة شعرك, وهتلاقي منها اشكال كتير جدا ممكن تختاري بينهم.

اكسسوارات الشعر
اكسسوارات الشعر

4- Hairbands:

اعتقاد غلط ان النوع ده من التوك للاطفال بس, الستايل ده مناسب لاي سن, وكمان هتلاقي منها اشكال مختلفة تقدري تختاري منهم.

اكسسوارات الشعر
اكسسوارات الشعر

5- Elastic bands:

يعتبر اسهل ستايل توك للم الشعر ومرنة وتقدري تشكليها على الشعر زي ما انتي عايزة.

اكسسوارات الشعر
اكسسوارات الشعر

6- Headbands:

ستايل ال Headbands اللي بيكون على الجبهه كمان موجودة من زمان ورجع تريندي تاني لاكسسوارات الشعر.

اكسسوارات الشعر
اكسسوارات الشعر

7- Pearls:

اللولي من ارقى اكسسوارات الشعر اللي بتستخدم من زمان جدا, وممكن تستخدمي اللولي كاضافة لتسريحة الكحكة بتديها شكل حلو جدا.

اكسسوارات الشعر
اكسسوارات الشعر

8- Flowers الورد:

الورد من الاكسسوارات اللي بتدي نعومة للشعر, والستايل ده طالع موضة جدا لاكسسوارات شعر العروسة.

اكسسوارات الشعر
اكسسوارات الشعر

9- Hairpins بنس الشعر:

بنس الشعر برغم انه اكسسوار صغير وبسيط جدا لكن بيدي شكل مختلف للشعر, وخصوصا ان دلوقتي البنس مبقتش بالشكل التقليدي اللي احنا عارفينه من زمان بس لكن بقى ف منها اشكال مختلفة.

اكسسوارات الشعر
اكسسوارات الشعر

10- Big hair clips:

الاكسسوار ده مناسب جدا للشعر الطويل, وهنلاقي كتير من مصفيين الشعر دلوقتي بيستخدموها لشعر العروسة عشان يدوا للتسريحة شكل مختلف.

اكسسوارات الشعر
اكسسوارات الشعر

11- Hats القبعات:

القبعة استخدامها مش بس للايام اللي بيكون شعرك فيها مش حلو وحابه انك تداريه, لكن القبعة تقدري تلبسيها اي وقت للوك غامض ومختلف, وممكن تختاري ال veil hat لو بتدوري على قبعة بسيطة وتديكي لوك غامض في نفس الوقت.

اكسسوارات الشعر

12- Scarfs السكارف:

السكارف مش بس هيدي لوك حلو للشعر كمان هيحافظ عليه من الحرارة, وهيضيف جاذبية للوك بتاعك, وهيحافظ على تسريحة شعرك من تأثير الجو او الهوا.

اكسسوارات الشعر

13- Tiara:

تاج الشعر هيخليكي تطلعي زي الاميرة, والستايل ده مناسب جدا للعروسة او ممكن تلبسيه في حفلة.

اكسسوارات الشعر

14- Hair jewellery:

مجوهرات الشعر, هنلاقي الهنود بشكل خاص بيحبوا دايما بيلبسوا الستايل ده من الاكسسوارات, والستايل اللي بيكون على شكل وردة بيدي لوك حلو جدا للشعر.

اكسسوارات الشعر

15- Hair rings:

حلقات او خواتم الشعر تعتبر من احدث موضة اكسسوارات الشعر, لو بتحبي اللوك المختلف والمميز يبقى الستايل ده هيكون مناسب جدا ليكي.

اكسسوارات الشعر

16- Beanies:

الستايل ده مش بس لفصل الشتا زي ما احنا متعودين, لكن ممكن يتلبس كمان اثناء ممارسة الرياضة عشان تلمي بيه الشعر وخصوصا لو شعرك طويل.

اكسسوارات الشعر

17- Feathers الريش:

الاكسسوار الريش من الستايلات اللي بتستخدم للشعر من زمان جدا, ومش شرط تكون التوكة الريش كبيرة ممكن تستخدمي اكسسوار ريش بسيط بس يدي دراما للوك بتاعك ويعمل اضافة مختلفة لتسريحة شعرك.

اكسسوارات الشعر

18- Ribbon hair ties:

الشرايط من الاكسسوارات اللي ممكن تستخدميها للم الشعر ديل حصان بسيط.

اكسسوارات الشعر

19- Hair coils:

الشكل ده مناسب جدا مع تسريحة الضفاير الرفيعة “الراستا”, وهتلاقي منها تصاميم كتير تختاري منهم.

اكسسوارات الشعر

20- Wreaths:

ستايل تاني من الورد لكن على شكل اكليل بيتلبس على الشعر من فوق وبيبقى نازل على الجبهة.

اكسسوارات الشعر

احدث قصات الشعر القصيرة ل 2018

قصات الشعر القصيرة
قصات الشعر القصيرة