افضل 10 انواع زبدة كاكاو للشفايف الغامقة

ريهام محمود
ريهام محمود
في
بشرة
44479

مافيش بنت مبتحلمش بشفايف ناعمة ووردي وشكلها حلو لكن المشكلة اللي بتقابل كتير من البنات هي غمقان الشفايف, واحنا اتكلمنا في موضوع قبل كده عن وصفات طبيعية لتفتيح الشفايف الغامقة, النهاردة هنقولك افضل انواع زبدة كاكاو للشفايف الغامقة بتحتوي على عامل حماية من الشمس ومغذيات صحية وعناصر مغذية بتساعد على ترطيب وتنعيم وتفتيح الشفايف.

– تعالوا نعرف الاول اسباب غمقان الشفايف:

1- التعرض الزيادة لاشعة الشمس.

2- الشفايف الجافة والمشققة.

3- التدخين.

4- بقع من منتجات معينة.

5- فقر الدم او الاضطراب في الاكل.

6- وراثة.

7- المواد اللي موجودة في معجون الاسنان او الالوان الصناعية او العطور اللي موجودة في منتجات الشفايف.

لو بتواجهي مشكلة غمقان الشفايف لاي سبب من الاسباب اللي احنا قولناها دي هنقولك الحل ليها من خلال افضل انواع زبدة الكاكاو اللي هتساعدك في ترطيب وتفتيح الشفايف بشكل فعال.

افضل انواع زبدة كاكاو للشفايف الغامقة 1
افضل انواع زبدة كاكاو للشفايف الغامقة 1

– افضل انواع زبدة كاكاو للشفايف الغامقة:

1- The Body Shop Vitamin E Lip Care SPF 15:

زبدة كاكاو من بادي شوب بتحتوي على فيتامين E اللي بيهدي الشفايف وبيحميها من تأثير اشعة الشمس والهوا البارد اللي ممكن يسبب جفاف الشفايف.

مميزاتها:

بتحتوي على فيتامين E اللي يعتبر من افضل مضادات الاكسدة اللي هتساعد على حماية الشفايف من عوامل البيئة اللي ممكن تأثر بشكل سلبي على شفايفك وبيساعد كمان على منع الجذور الحرة وتجديد الخلايا.

بتحتوي على عامل حماية SPF15.

بتهدي وبترطب الشفايف الجافة المتشققة.

بتساعد على تفتيح الشفايف مع الاستمرار في الاستخدام لمدة متقلش عن 3 شهور.

بتحتوي كمان على شمع العسل والزيوت اللي بتساعد على ترطيب الشفايف.

افضل انواع زبدة كاكاو للشفايف الغامقة 2
افضل انواع زبدة كاكاو للشفايف الغامقة 2

2- Kiehl’s Lip Balm:

زبدة الكاكاو دي بتحتوي على اللانولين المهديء للشفايف, وزيت اللوز الحلو وفيتامين A, E

مميزاتها:

بتوفر رطوبة وتغذية مكثفة للشفايف.

بتساعد على اصلاح تشقق الشفايف.

بتحتوي على فيتامين A, E اللي يعتبروا مصادر لمضادات الاكسدة اللي بتمنع الجذور الحرة والاضرار.

بيحتوي على زيت جنين القمح واللانولين اللي بيساعدوا في ترطيب الشفايف ومنع التصبغ.

ممكن يكون عيبها الوحيد ان قوامها سايل شوية.

افضل انواع زبدة كاكاو للشفايف الغامقة 3
افضل انواع زبدة كاكاو للشفايف الغامقة 3

3- Neutrogena Norwegian Formula Lip Moisturizer SPF 15:

زبدة كاكاو نيتروجينا بتساعد على ترطيب وتنعيم الشفايف الجافة, وبتحتوي على عامل حماية UVA, UVB, SPF 15.

مميزاتها:

بترطب الشفايف الجافة.

بتحتوي على SPF 15.

 خالية من مادة ال PABA وهي مادة كيميائية موجودة في كتير من منتجات العناية بالجمال.

خالية من العطور, ومن غير لون.

بتحتوي على زيت بذور الخروع وشمع العسل اللي بتساعد على الترطيب والتفتيح وبتخلي شكلها صحي ولونها وردي مع الاستمرار في الاستخدام.

افضل انواع زبدة كاكاو للشفايف الغامقة 4
افضل انواع زبدة كاكاو للشفايف الغامقة 4

4- Biotique Bio White Whitening Lip Balm:

بتساعد على تغذية الشفايف لانها بتحتوي على خصائص طبيعية مغذية وصبار الالوفيرا وبتساعد على تفتيح الشفايف وحتى كمان بتفتح حدود الشفايف من بره, بتحتوي على عامل حماية من الشمس SPF 30 اللي بيساعد على حماية الشفايف من اشعة الشمس.

مميزاتها:

اورجانيك او عضوية بنسبة 100%.

بتحتوي على SPF 30.

بتساعد على علاج التصبغ.

بتساعد على ترطيب الشفايف.

افضل انواع زبدة كاكاو للشفايف الغامقة 5
افضل انواع زبدة كاكاو للشفايف الغامقة 5

5- Vichy Aqualia Thermal Lips:

بتساعد على علاج جفاف الشفايف وبتغذيها, بتحتوي على 4 مكونات مرطبة وبتساعد على علاج جفاف الشفايف وهما زبدة الشيا والجلسرين وحمض الاسياتيك وفيتامين E.

مميزاتها:

بتوفر رطوبة مكثفة للشفايف طول اليوم.

الشفايف بتمتصها بسرعة.

من غير لون مع ريحة خفيفة وملمسها خفيف وغير دهني.

خالية من البارابين ومسببات الحساسية.

بتساعد على علاج تشقق وجفاف الشفايف والخطوط.

بتساعد على تفتيح الشفايف.

ممكن يكون من عيوبها بس انها غالية شوية وكمان مافيهاش عامل حماية من الشمس SPF.

افضل انواع زبدة كاكاو للشفايف الغامقة 6
افضل انواع زبدة كاكاو للشفايف الغامقة 6

6- Palmer’s Cocoa Formula Butter Lip Balm SPF 15:

زبدة كاكاو بالمرز بتساعد على منع وحماية الشفايف من الجفاف والتشقق, غنية بفيتامين E اللي زي ما قولنا يعتبر من مصادر مضادات الاكسدة, بتحتوي على عامل حماية SPF 15.

مميزاتها:

بتحتوي على SPF 15.

بتحتوي على فيتامين E.

من غير لون, وريحتها خفيفة.

بتساعد على الترطيب لفترة طويلة من غير ما تحتاجي تحطي منها كل اكتر من مرة.

عيبها انها ممكن تكون قوامها شمعي شوية وده هيخليها مش خفيفة على الشفايف, ومش هتجيب نتيجة مع الشفايف المتشققة اوي.

افضل انواع زبدة كاكاو للشفايف الغامقة 7
افضل انواع زبدة كاكاو للشفايف الغامقة 7

7- The Body Shop Cocoa Butter Lip Care Stick:

بتحتوي على زبدة الكاكاو الحقيقية مع ملمس ناعم يشبه الزبدة, بيساعد على ترطيب الشفايف.

مميزاتها:

بتساعد على علاج جفاف وتشقق الشفايف.

بتوفر الترطيب للشفايف لساعات.

بتحسن صحة الشفايف بشكل عام.

ريحتها لذيذة جدا زي ريحة الكاكاو الخام.

من غير لون, وخفيفة الوزن.

ممكن تستخدم لتقشير وازالة الجلد الميت من الشفايف.

بتحتوي على زيت الزيتون وزبدة الكاكاو وزيت اللوز الحلو وزيت جوز الهند وكلها مكونات مفيدة جدا للشفايف.

بتساعد في علاج التصبغ وغمقان الشفايف مع الاستمرار في الاستخدام.

عيبها بس انها مش بتحتوي على عامل حماية من الشمس SPF, وللاشخاص اللي عندهم حساسية من العطور ممكن تبقى ريحتها نفاذه ومزعجة بالنسبة لهم.

افضل انواع زبدة كاكاو للشفايف الغامقة 8
افضل انواع زبدة كاكاو للشفايف الغامقة 8

8- Himalaya Herbals Natural Moisturizing Lip Butter:

بتحتوي على مزيج من المكونات اللي بتساعد على تغذية الشفايف وترطيبها.

مميزاتها:

مكوناتها كلها طبيعية.

بتساعد على ترطيب الشفايف.

ملمسها مش دهني, وريحتها حلوة جدا.

من غير لون, وخفيفة الوزن, والشفايف بتمتصها بسرعة.

مناسبة للشفايف الحساسة.

بتحتوي على زبدة سال وزبدة كوكوم وزبدة مانجا وزبدة الكاكاو وفيتامين Eاللي بيساعدوا على تغذية الشفايف بشكل كبير جدا.

بتساعد على تقليل التصبغ وغمقان الشفايف.

عيبها الوحيد انها مش بتحتوي على عامل الحماية من الشمس SPF.

افضل انواع زبدة كاكاو للشفايف الغامقة 9
افضل انواع زبدة كاكاو للشفايف الغامقة 9

9- Nivea Lip Balm Original Care:

بتحمي الشفايف لساعات طويلة, وبتمنع جفاف الشفايف.

مميزاتها:

بتساعد على ترطيب الشفايف الجافة جدا بشكل كبير.

الشفايف بتمتصها بسرعة.

تمنها رخيص.

مش هتحتاجي تحطي منها اكتر من مرة لانها بتدوم لفترة طويلة.

بتحتوي على خصائص مغذية من زيت الجوجوبا وزبدة الشيا اللي بيساعدوا على منع فقدان الرطوبة من الشفايف.

ممكن تستخدميها كاساس قبل احمر الشفايف.

بتدي اضاءة ولمعة للشفايف وبتخليها ناعمة وشكلها صحي.

عيبها انها مش بتحتوي على SPF, وممكن تسيب بقع بيضا على الشفايف لو حطيتي منها كمية زيادة عن اللزوم.

افضل انواع زبدة كاكاو للشفايف الغامقة 10
افضل انواع زبدة كاكاو للشفايف الغامقة 10

10- Biotique Bio Almond Overnight Therapy Lip Balm:

بتحتوي على مجموعة من الزيوت المرطبة زي زيت عباد الشمس وزيت اللوز الحلو وزيت الكوشومبي وزيت الخروع وزيت السمسم, بتحتوي كمان على فيتامين E ومضادات الاكسدة اللي بتساعد على تغذية وحماية الشفايف بعمق.

مميزاتها:

بتدي ترطيب مكثف للشفايف.

بتحتوي على مكونات طبيعية مفيدة ومرطبة ومغذية.

ريحتها خفيفة.

ناعمة على الشفايف.

بتساعد على تفتيح الشفايف مع الاستمرار في الاستخدام

سعرها معقول في متناول الايد.

ممكن يكون عيبها ان وزنها مش خفيف, وبتاخد وقت شوية على ما تظهر نتيجتها لانها بتتكون كلها من مكونات طبيعية بتاخد وقت.

افضل انواع زبدة كاكاو للشفايف الغامقة 11
افضل انواع زبدة كاكاو للشفايف الغامقة 11

لو بتعاني من جفاف وتشقق الشفايف اعرفي معانا ازاي تتخلصي من المشكلة دي

علاج جفاف وتشقق الشفايف
علاج جفاف وتشقق الشفايف

مقالات متعلقه

10 فوايد مذهلة من استخدام الجلسرين على الشفايف

10 فوايد مذهلة من استخدام الجلسرين على الشفايف

10 طرق لعمل زبدة الكاكاو بنفسك في البيت .. اعرفيها معانا

10 طرق لعمل زبدة الكاكاو بنفسك في البيت .. اعرفيها معانا

تفتيح الشفايف الغامقة بوصفات طبيعية من مطبخك

تفتيح الشفايف الغامقة بوصفات طبيعية من مطبخك