7 حيل للعناية بالبشرة ليهم تأثير سحري على بشرتك

ريهام محمود
ريهام محمود
في
بشرة
20528

جو الصيف من حر وشمس ورطوبة بيسببوا مشاكل كتير للبشرة وبيأثروا عليها تأثير سلبي, ومنتجات البشرة اللي موجودة في السوق مش كلها دايما بتكون مفيدة ده غير انها مكلفة, عشان كده النهاردة هنقولك على حيل طبيعية للعناية بالبشرة هتحافظ على بشرتك وهتحميها في اي جو.

حيل طبيعية للعناية بالبشرة:

1- سكراب البيكنج صودا “الكربوناتو”:

البيكنج صودا ليها فوايد جمالية هايلة جدا للبشرة لانها بتخلص البشرة من الجلد الميت وبتساعد على تقشيرها وممكن كمان تستخدم كمنظف للبشرة الحساسة.

اعملي عجينة عبارة عن 3 معالق كبيرة من صودا الخبز ومعلقة كبيرة مية, اغسلي وشك بالمية والغسول بالطريقة العادية وبعدين دلكي بشرتك بعجينة صودا الخبز بالراحة في حركات دائرية لمدة دقايق, بعدها اغسلي وشك بالمية.

حيل طبيعية للعناية بالبشرة 1
حيل طبيعية للعناية بالبشرة 1

شوفي من هنا ازاي تعملي ازالة الجلد الميت من البشرة باستخدام البيكنج صودا.

2- السكر والملح:

الجمع ما بين السكر والملح والعسل وزيت جوز الهند بيعمل خلطة فعالة جدا لتقشير الوش والجسم, استخدميه من مرة لمرتين في الاسبوع لتقشير البشرة, هتمنع المسام الواسعة وحب الشباب.

حيل طبيعية للعناية بالبشرة 2
حيل طبيعية للعناية بالبشرة 2

شوفي من هنا وصفات طبيعية لتقشير الجلد.

3- زيت المارولا:

زيت المارولا بيجي من شجرة المارولا في جنوب افريقيا, وهو زيت غني جدا بالاحماض الدهنية, عشان كده يعتبر مفيد وفعال جدا لترطيب البشرة الجافة والملتهبة بشكل خاص, وبيساعد على تنعيم البشرة جدا وبيخليها زي بشرة الاطفال, وممكن كمان يستخدم للشعر بيرطبه وينعمه.

والزيت الميزة فيه انه مش دهني والبشرة بتمتصه بسرعة ومش بيسيب اثر دهني او لمعان على البشرة, وبيحافظ على البشرة صحية.

حيل طبيعية للعناية بالبشرة 3
حيل طبيعية للعناية بالبشرة 3

4- فيتامين A:

خبراء ومتخصصين الجلدية بينصحوا دايما باختيار الكريمات الليلية اللي بتحتوي على فيتامين A او اللي معروف باسم الريتينول, لكن انتي ممكن تزودي فايدة الكريم بتاعك باضافة فيتامين A تحضريه بنفسك في البيت, اخلطي كام نقطة من زيت الورد او زيت الجزر للكريم الليلي اللي انتي بتستخدميه.

الزيوت دي مفيدة جدا لعلاج ندبات البشرة, وخصوصا ندبات حب الشباب, لكن خليكي حذرة مع استخدام الزيوت لو حامل, وكمان متستخدميش منتجات بتحتوي على فيتامين A خلال فترة النهار لانها ممكن تأثر على الحماية الطبيعية من اشعة الشمس, عشان كده الافضل يكون استخدامها ليلي بس.

حيل طبيعية للعناية بالبشرة 4
حيل طبيعية للعناية بالبشرة 4

5- زيت شجرة الشاي:

كتير من الدراسات اثبتت ان زيت شجرة الشاي مفيد جدا في مكافحة بكتيريا الجلد, وبيساعد على تخفيف التهيج والتهاب البشرة, ومنع حب الشباب, ممكن تختاري جل لعلاج حب الشباب يكون بيحتوي على زيت شجرة الشاي او تستخدمي الزيت نفسه بشكل مباشر على البشرة, هتلاقي بشرتك مع الاستمرار الاحمرار فيها اختفى وهتبقى صحية اكتر.

حيل طبيعية للعناية بالبشرة 5
حيل طبيعية للعناية بالبشرة 5

6- خدي حمام صحي:

حاولي تستبدلي الحمام العادي بتاعك بالخليط ده, اخلطي ¼ كوباية دقيق شوفان, ¼ كوباية لبن بودرة, 1/4 كوباية سكر بني, ¼ كوباية اعشاب من اختيارك زي البابونج واطحنيهم مع بعض في الخلاط, وبعدين ضيفي لهم من 10 – 15 نقطة من اي نوع زيت اساسي من اختيارك, و2 معلقة كبيرة عسل نحل, و2 معلقة صغيرة من اي نوع زيت للجسم, هاتي قطعة قماش او شاش حاجة تكون ليها مسامات مفتوحة, حطي الخليط فيها واملي البانيو بشوية مية دافية وانقعي فيه الخليط لمدة دقايق وبعدين املي البانيو كله بالمية وانزلي فيها واستمتعي بالحمام, الخليط ده بيساعد على تنعيم الجسم جدا وبيخليها زي بشرة الاطفال.

حيل طبيعية للعناية بالبشرة 6
حيل طبيعية للعناية بالبشرة 6

7- حاولي تقللي من السكريات:

الباحثين اثبتوا ان اكل السكر ممكن يأدي لظهور التجاعيد والخطوط الرفيعة ويخلي شكل الجلد باهت, عشان كده الافضل انك تحاولي تقللي من السكر المصنع زي الحلويات والخبز الابيض, واستبدليه بالفواكة والتوت, لان الاكلات دي هتلبي رغبتك في نسبة السكر اللي جسمك محتاجها وفي نفس الوقت هتغذي بشرتك بمضادات الاكسدة الصحية المفيدة .

حيل طبيعية للعناية بالبشرة 7
حيل طبيعية للعناية بالبشرة 7

– نصايح للعناية بالبشرة بشكل يومي:

دكاترة الجلد بينصحوا بشوية خطوات بسيطة لو انتظمتي عليها هتساعد انها تحافظ على بشرتك على طول صحية ونضرة ومافيهاش اي عيوب.

– اغسلي بشرتك يوميا مرتين في اليوم, استخدمي الغسول المناسب لنوع بشرتك وعمرك, ومتناميش ابدا بالمكياج.

– ترطيب البشرة مهم جدا لانه هيحافظ على رطوبة ونضارة البشرة, حتى البشرة الدهنية بتحتاج لمرطب خفيف, والترطيب يكون بعد غسل البشرة على طول..شوفي من هنا انواع الكريمات المرطبة المناسبة لكل نوع بشرة.

– استخدمي واقي من الشمس بشكل يومي, حتى في الايام المغيمة البشرة بتتعرض للاشعة فوق البنفسجية.

– تطبيق كريم العين كل يوم بالليل, اختاري نوع يكون بيحتوي على فيتامين A, E, C, K, هيساعدك على منع التجاعيد والهالات السودا.

– حاولي تنامي على الجنب اللي مش بتنامي عليه على طول, يعني غيري الجنب اللي بتنامي عليه من وقت للتاني, لان متخصصين التجميل بيقولوا ان التقنية دي بتساعد على تقليل التجاعيد انها تتطور او تزيد.

حيل طبيعية للعناية بالبشرة 8
حيل طبيعية للعناية بالبشرة 8

روتين سهل للعناية بالبشرة هيخلي بشرتك صحية ونضرة

روتين للعناية بالبشرة
روتين للعناية بالبشرة

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

مكون واحد بس لمنع علامات الشيخوخة

مكون واحد بس لمنع علامات الشيخوخة

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر