8 فوايد مذهلة لعلاج الشعر بالمايونيز..وازاي تستخدميه في الوصفات الطبيعية

بقلمريهام محمود فيشعر visibility3764

المايونيز واحد من المكونات الطبيعية المعروف استخدامها للعناية بالشعر وانه بيساعد في حل كتير من مشاكل الشعر, والنهاردة من خلال موضوعنا هنقولك كل فوايدة, وهنعرف مع بعض وصفات طبيعية بالمايونيز لعلاج الشعر.

– فوايد المايونيز:

1- بيساعد على نمو الشعر:

المايونيز بيحتوي على صفار البيض والخل والزيوت اللي بتشتغل مع بعض لتغذية الشعر وترطيبه, كمان بيحتوي على حمض اميني بيساعد على تغذية فروة الراس لتعزيز نمو الشعر بشكل صحي.

2- التخلص من حشرات الشعر:

المايونيز يعتبر واحد من اكتر العلاجات الطبيعية المستخدمة للتخلص من حشرات الشعر, تغطية فروة الراس والشعر بكمية كبيرة من المايونيز بيساعد على خنق وقتل حشرات الشعر.

3- تنعيم الشعر:

اكيد المايونيز مش هيفرد كسرة او تجعيدة الشعر, ولكن مع الاستخدام المنتظم للمايونيز ده بيساعد على تنعيم الشعر المجعد وده بالتالي هيقلل من التجعيدة بتاعة الشعر ويفرده اكتر.

4- بلسم طبيعي:

بسبب انه غني بالاحماض الامينية والزيوت المغذية, فالمايونيز يعتبر افضل المكونات الطبيعية اللي بتساعد على ترطيب الشعر.

5- علاج جفاف وتجعد الشعر:

اكيد اي بنت طبيعة شعرها كيرلي بيكون صعب عليها التحكم فيه وبتحتاج مجهود للعناية بيه, المايونيز هيساعدك في التحكم فيه من خلال علاج جفاف وتجعد الشعر.

6- بيحمي الشعر المصبوغ:

غالبا الشعر بعد الصبغة بيتعرض للجفاف والتلف, ده غير ان الشعراية اللي بيكون فيها تلف لون الصبغة بيروح منها اسرع من الشعراية السليمة, وهنا يجي دور المايونيز اللي هيحمي الشعر من التلف وبالتالي ده هيحافظ على اللون.

7- بيعالج قشرة الشعر:

المايونيز بيحتوي على الخل اللي بيساعد على الحفاظ على توازن مستويات ال PH وانتاج الزيوت في فروة الراس, لان انتاج الزيت بشكل مفرط في فروة الراس هو الل بيسبب القشرة, واستخدام المايونيز بيساعد على تلطيف فروة الراس وتضييق بصيلات الشعر, وده بيساعد على منع القشرة.

8- علاج هيشان الشعر:

المايونيز بيساعد على قفل الطبقة الخارجية للشعر وده بيخلي رطوبة الجو متدخلش للشعراية من جوه, وبالتالي ده هيحمي الشعر من الهيشان.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

– وصفات طبيعية بالمايونيز لعلاج الشعر:

1- ماسك المايونيز:

كل اللي هتحتاجيه كوباية مايونيز, بلي شعرك بالمية, حطي المايونيز من فروة الراس لحد الاطراف على الشعر كله, دلكي الشعر كويس من الجذور للاطراف لمدة دقايق, بعدها سيبيه 20 دقيقة, واغسليه بشامبو يكون خفيف على الشعر, كرريه مرة في الاسبوع.

ممكن تعمليه بطريقة تانية, جيبي المايونيز حطيه على الشعر كله من  الجذور للاطراف, لمي الشعر كله كحكة عاليه, وسخني فوطة على حمام مية سخنة ولفي بيها الشعر وسيبيه 20 دقيقة, وبعدها اغسليه بشامبو خفيف.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

2- ماسك المايونيز والبيض:

المكونات:

2 بيضة كاملة.

5 معالق كبيرة مايونيز.

الطريقة:

في طبق اخلطي المايونيز والبيض مع بعض واضربيهم كويس لحد ما يبقى عندك خليط ناعم, حطي الخليط على الشعر كله من الجذور للاطراف, سيبيه 20 دقيقة ولنتايج افضل ممكن تلفيه بفوطة سخنة, بعدها اغسليه بشامبو خفيف خالي من السلفات, كرريه من مرة لمرتين في الاسبوع.

البيض غني جدا بالبروتينات اللي بتساعد على تغذية الشعر, وبتحسن مرونة الشعر, وبتقلل من التكسر والتلف.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

3- ماسك المايونيز والعسل:

المكونات:

½ كوباية مايونيز.

2 معلقة كبيرة عسل نحل.

1 معلقة كبيرة خل التفاح.

الطريقة:

اخلطي كل المكونات وقلبيها كوس مع بعض لحد ما الخليط يبقى ناعم, حطيه على شعرك من الجذور للاطراف, غطي الشعر بفوطة سخنة, وسيبيه من 30 – 45 دقيقة, بعدها اغسلي شعرك بشامبو خالي من السلفات, كرريه من 3 – 4 مرات في الاسبوع.

العسل يعتبر مرطب طبيعي للشعر, وبيعمل طبقة عازلة على الشعر ضد الرطوبة, والماسك هيستعد على تنعيم الشعر وهيسهل عليكي التحكم فيه.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

4- ماسك المايونيز وزيت الزيتون:

المكونات:

½ كوباية مايونيز.

½ كوباية زيت زيتون.

الطريقة:

اخلطي المكونات مع بعض كويس, حطي الخليط على الشعر من الجذور للاطراف, غطي الشعر بفوطة سخنة, وسيبيه 30 دقيقة, بعدها اغسليه بشامبو خالي من السلفات, كرريه مراة واحدة في الاسبوع.

الماسك ده مفيد جدا للي بيعانوا من شعر جاف جدا, المايونيز مع زيت الزيتون بيساعدوا على ترطيب الشعر بطريقة فعالة, وعلاج ضرر وتلف الشعر.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

5- ماسك المايونيز والافوكادو:

كوباية مايونيز.

½ ثمرة افوكادو مهروسة.

الطريقة:

اهرسي الافوكادو كويس جدا بحيث انه يبقى ناعم وخالي من اي كتل بعدها ضيفي عليه المايونيز وقلبيهم مع بعض كويس, حطي الخليط على الشعر ولفيه بفوطة سخنة وسيبيه 20 دقيقة, بعدها اغسليه بشامبو خالي من السلفات, كرريه من 3 – 4 مرات في الاسبوع.

الافوكادو غني جدا بالمواد المضادة للاكسدة والزيوت الدهنية اللي بتحافظ على صحة فروة الراس, وبترطب وبتغذي الشعر.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

6- ماسك المايونيز وزيت جوز الهند:

المكونات:

4 معالق كبيرة مايونيز.

2 معلقة كبيرة زيت جوز الهند.

1 معلقة كبيرة زيت زيتون.

الطريقة:

اخلطي المكونات مع بعض كويس, حطي الخليط على الشعر ولفيه بفوطة سخنة, سيبيه 30 دقيقة, واغسليه بعدها بشامبو خالي من السلفات, كرريه مرة واحدة في الاسبوع.

زيت جوز الهند من اكتر الزيوت اللي بتخترق الشعر وبترطبه من جوه, والماسك بيساعد على علاج جفاف الشعر, وبيديه لمعة.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

7- ماسك المايونيز والموز:

المكونات:

2 ثمرة موز مهروسين.

2 معلقة كبيرة مايونيز.

1 معلقة كبيرة زيت زيتون.

الطريقة:

اهرسي الموز كويس جدا لحد ما يبقى ناعم خالص ومافيش فيه اي كتل, بعدها ضيفي له المايونيز وزيت الزيتون وقلبيهم مع بعض, حطي الخليط على الشعر ولفيه بفوطة سخنة, وسيبيه 45 دقيقة, كرريه مرة واحدة في الاسبوع.

الموز بيساعد على تحسين مرونة الشعر, والماسك ده يعتبر من افضل الماسكات لعلاج الشعر الباهت والتالف.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

8- ماسك المايونيز والفراولة:

المكونات:

8 وحدات فراولة.

3 معالق كبيرة مايونيز.

الطريقة:

اهرسي الفراولة كويس لحد ما تبقى عجينة ناعمة خالص, ضيفي لها المايونيز وقلبيهم مع بعض, حطي الخليط على الشعر كله ولفيه بفوطة سخنة, سيبيه لمدة 20 دقيقة, بعدها اغسليه بشامبو خالي من السلفات, كرريه مرة واحدة في الاسبوع.

الفراولة تعتبر واحدة من افضل المكونات اللي ممكن استخدامها للشعر الدهني, والماسك ده بيساعد على توازن الرقم الهيدروجيني لفروة الراس والتحكم في افراز الزيوت, وعلى علاج قشرة الشعر.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

9- ماسك المايونيز والليمون:

المكونات:

1 بيضة كاملة.

1 معلقة كبيرة عصير ليمون.

2 معلقة كبيرة مايونيز.

الطريقة:

اخلطي المكونات كلها مع بعض كويس, حطي الخليط على الشعر كله ولفيه بفوطة سخنة, سيبيه لمدة 20 دقيقة, وبعدها اغسليه بشامبو خالي من السلفات, كرريه مرة واحدة في الاسبوع.

عصير الليمون غني بفيتامين C اللي بيساعد على تعزيز نمو الشعر والتحكم في افراز الزيوت, والماسك ده كمان مناسب جدا للشعر الدهني.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

– نصايح عند استخدام المايونيز:

1- بما ان المايونيز تقيل وقوامه كثيف, الافضل تضيفي له اضافات زي عصير الليمون او الفراولة لو شعرك دهني.

2- استخدمي دايما الشامبو الخالي من السلفات لغسيل الشعر بعد اي ماسك, لان الشامبو العادي بيسبب جفاف الشعر وفروة الراس.

3- استخدمي مية باردة لفاترة في غسل الشعر, لان المية السخنة ممكن تتلف الشعر.

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

11 وصفة لعمل الشامبو بمكونات طبيعية

وصفات لعمل الشامبو بمكونات طبيعية