احدث قصات الشعر القصيرة ل 2018
قصات الشعر القصيرة كانت من اتجاهات الموضة التريندي جدا لكذا سنة, وهنلاقي فيها تنويع جدا وستايلات كتير تقدري تختاري منها, ولو عايزة تظهري بلوك مختلف ومميز اكيد هتعجبك مجموعة القصات اللي معانا النهاردة.
1- Inverted bob:
قصة الشعر القصيرة مع التدريج بتدي شكل حلو جدا للشعر, زي ما هو باين في القصة دي الشعر مدرج وجاي من ورا اقصر من الجانبين.
2- Short layered pixie:
قصة الشعر ال Pixie من القصات اللي هتسهل عليكي التعامل مع شعرك كل يوم لانها مش محتاجة مجهود في العناية بيها.
3- Short undercut:
قصة شعر جريئة ومختلفة, بتقصري الشعر اوي من جنب واحد من الجزء اللي تحت بس, وبتخلي الجنب التاني اطول.
4- Colored pixie:
دي ستايل تاني من قصة ال Pixie بس هنا اللي ظاهر القصة اكتر هو لون الشعر, ممكن تعملي اللون ده بكل سهولة بصبغة ال Crazy color.
5- Line bob:
الكاريه الناعم, مع خصل شعر طويلة من الجانبين من قصات الشعر اللي في بنات كتير بيفضلوها لانها بسيطة وناعمة اوي, وكمان بتناسب اي شكل وش.
6- Medium layered:
الشعر اللي طوله عند الكتف, قدامك اختيارات كتير للوك Messy للشعر, زي ما هو باين قدامنا في الصورة تقدري تختاري اي ستايل منهم.
7- Layered long pixie:
لو شعرك خفيف القصة دي هتكون مناسبة جدا ليكي لان التدريج بتاعها هيديكي كثافة وهيبين الشعر اتقل.
8- Short curly with bangs:
قصة الكاريه مع الكيرلي وقوصة بتطلع حلوة جدا على الوش المدور.
9- Short bob:
الكاريه القصير من القصات اللي بتظهر الوش اوي وبتبرز ملامحه اكتر.
10- Short wavy with side bangs:
طول الشعر الغير متماثل او اللي بيكون فيه جزء طويل وجزء قصير تريندي جدا للموسم ده, ممكن تجربي القصة القصيرة مع الويفي وقوصة جانبية.
11- Shaved short:
كمان من القصات التريندي جدا الكارية القصير اللي فيه جزء Undercut اللي بيكون جزء مقصوص اوي في الجزء اللي تحت من الشعر من جنب واحد بس, وطويل من الجنب التاني مع تدريجة.
12- Messy short bob:
القصة الطبقات او التدريج بقت من القصات الموضة اوي, والقصة دي من القصات اللي ممكن تعمليها لو عايزة تداري اي ديفوهات في الوش, لان زي ما احنا شايفين كده خصل الشعر بتبقى نازلة حوالين الوش.
13- Messy bob:
لو عايزة تظهري قصة الشعر بتاعتك بطريقة سهلة, اعملي لون Bob او منور اوي زي اللون النحاسي اللي بيكون حلو جدا على البشرة الفاتحة.
14- Cute pixie:
الشعر القصير اوي للبنات اللي بيحبوا اللوك المختلف, ممكن تقصيه قصير اوي وتعملي الجزء اللي فوق بخطوط كيرفي ناعمة عشان تدي القصة شكل انثوي.
15- Short layered:
جربي القصة القصيرة مع تدريج, واظهري القصة اكتر بلون احمر.
16- Wavy bob with bangs:
ممكن تخلطي ما بين الكاريه مع ويفي او تموجات ناعمة وخصل شعر حوالين الوش, مع قوصة قصيرة.