دوناتس الايس كريم بالشوكولاتة والنعناع

ريهام محمود
ريهام محمود
614

كلنا بنعشق الايس كريم وبنعشق الدوناتس, احنا النهاردة جايبين لكل بنات حوا وصفة جمعنا فيها الاتنين لعشاق الدوناتس والايس كريم وهي دوناتس الايس كريم بالشوكولاتة والنعناع.

دوناتس الايس كريم بالشوكولاتة والنعناع:

الكمية تقريبا تكفي 9 افراد.

– مكونات الدوناتس:

2 ¼ معلقة صغيرة خميرة فورية.

½ كوباية مية دافية.

¼ كوباية سكر خشن.

¼ كوباية لبن مكثف.

½ معلقة صغيرة ملح.

¼ كوباية زبدة سايحة.

1 بيضة كبيرة.

1 صفار بيضة.

420 جرام دقيق “حوالي 2 ½ كوب”.

½ معلقة صغيرة فانيليا.

1 كوباية سكر مضاف ليها قرفة بودر.

من 3 – 4 كوبايات زيت للقلي.

دوناتس الايس كريم بالشوكولاتة والنعناع 1
دوناتس الايس كريم بالشوكولاتة والنعناع 1

– مكونات ايس كريم الشوكولاتة والنعناع:

1 ½ كوباية كريمة خفق.

½ كوباية لبن مكثف.

2 معلقة كبيرة سكر بودرة.

1 معلقة صغيرة مستخلص الفانيليا او فانيليا عادية.

1 معلقة صغيرة مستخلص نعناع.

نقطتين الوان طعام باللون الاخضر.

رقائق شوكولاتة.

صوص شوكولاتة.

شوكولاتة فارمسيل “للتزيين”.

دوناتس الايس كريم بالشوكولاتة والنعناع 2
دوناتس الايس كريم بالشوكولاتة والنعناع 2

– طريقة تحضير الايس كريم:

1- في طبق كبير اخلطي الكريمة مع السكر البودرة ومستخلص النعناع والوان الطعام والفانيليا اضربيهم مع بعض بالمضرب الكهربا اليدوي, لحد ما الخليط يبقى سميك ومتماسك, وبعدها ضيفي رقائق الشوكولاتة وقلبيها مع الخليط.

دوناتس الايس كريم بالشوكولاتة والنعناع 3
دوناتس الايس كريم بالشوكولاتة والنعناع 3

2- في صينية مستطيلة مبطنة بغلاف بلاستيك كبير يكون اكبر من حجم الصينية عشان هيتغطى بيه الايس كريم من فوق, حطي خليط الايس كريم وساوية بالمعلقة, وغطيه من فوق بالغلاف البلاستيك, وحطيه في الفريزر يتجمد طول الليل او لمدة 4 ساعات على الاقل.

دوناتس الايس كريم بالشوكولاتة والنعناع 4
دوناتس الايس كريم بالشوكولاتة والنعناع 4

3- اقلبي الايس كريم طلعيه من الصينية, واستخدمي قطاعة صغيرة بحجم 3 بوصة تقريبا وقطعيه على شكل دواير صغيرة, وحطيه في طبق وخليه في التلاجة لحد ما تيجي تستخدميه.

دوناتس الايس كريم بالشوكولاتة والنعناع 5
دوناتس الايس كريم بالشوكولاتة والنعناع 5

– طريقة تحضير الدوناتس:

1- في طبق صغير اخلطي الخميرة مع المية الدافية و ½ معلقة صغيرة سكر, غطيها ولفيها بفوطة وسيبيها تتخمر لمدة من 5 – 10 دقايق في مكان دافي.

دوناتس الايس كريم بالشوكولاتة والنعناع 6
دوناتس الايس كريم بالشوكولاتة والنعناع 6

2- بعد ما خليط الخميرة يتخمر ضيفي عليه اللبن, والسكر الباقي, والملح, والزبدة, والبيض, وصفار البيض, والفانيليا, وامزجيهم مع بعض في العجان.

دوناتس الايس كريم بالشوكولاتة والنعناع 7
دوناتس الايس كريم بالشوكولاتة والنعناع 7

3- ضيفي ½ مقدار الدقيق واعجني المكونات كلها في العجان وامزجيهم لحد ما يبقى الخليط ناعم, بعدها ضيفي باقي كمية الدقيق واعجنيهم تاني مع بعض على سرعة منخفضة لحد ما تبقى ناعمة لمدة حوالي من 4 – 5 دقايق, ولو لقيتي الخليط محتاج دقيق تاني ممكن تضيفي له شوية بس ميزدش عن معلقتين كبار مش اكتر من كده, اهم حاجة العجينة متكونش بتلزق في صوابعك لما بتمسكيها, انقلي العجينة في طبق وغطيها بغلاف بلاستيك وسيبيها في مكان دافي لحد ما حجمها يتضاعف, حوالي ساعة ونص تقريبا.

دوناتس الايس كريم بالشوكولاتة والنعناع 8
دوناتس الايس كريم بالشوكولاتة والنعناع 8

4- رشي الرخامة بشوية دقيق وافردي العجينة بالنشابة بسمك متوسط يكون اقل بحاجة بسيطة من ½ بوصة, قطعيها بالقطاعة المدورة بحجم 3 بوصة, بعد التقطيع غطيها بفوطة نضيفة وسيبيها غي مكان دافي لحد ما حجمها يتضاعف, حوالي من 30 – 40 دقيقة.

دوناتس الايس كريم بالشوكولاتة والنعناع 9
دوناتس الايس كريم بالشوكولاتة والنعناع 9

5- في طاسة سخني الزيت على نار عالية, واعملي تيست بقطعة عجين ونزليها في الزيت لو عملت فقاعات حواليها يبقى كده الزيت سخن كفاية, نزلي فيه الدوناتس, ومتحطيش اكتر من 3 دوناتس مع بعض كل مرة, اقليها على على كل جنب لحد ما يبقى لونها بني دهبي فاتح اقلبيها على الجنب التاني, وبمجرد ما تبقى كلها باللون الدهبي طلعيها على ورق مطبخ عشان تمتص الزيت الزيادة.

دوناتس الايس كريم بالشوكولاتة والنعناع 10
دوناتس الايس كريم بالشوكولاتة والنعناع 10

6- سيبيها تبرد شوية لحد ما تبقى دافية كده, غمسيها في السكر اللي بالقرفة من الجانبين.

دوناتس الايس كريم بالشوكولاتة والنعناع 11
دوناتس الايس كريم بالشوكولاتة والنعناع 11

7- اقسمي الدوناتس نصين بالسكينة, وضيفي لها قرص ايس كريم بين النصين, وبعدين حطي صوص الشوكولاتة ورشي فوقيها الشوكولاتة الفارمسيل.

8- والافضل اكيد انك تقدميها في نفس اليوم اللي هتعمليها فيه.

دوناتس الايس كريم بالشوكولاتة والنعناع 12
دوناتس الايس كريم بالشوكولاتة والنعناع 12

5 وصفات مختلفة لطريقة عمل الكب كيك

وصفات كب كيك
وصفات كب كيك

مقالات متعلقه

طريقة عمل الدوناتس الياباني المقلي (ساتا انداجي)

طريقة عمل الدوناتس الياباني المقلي (ساتا انداجي)

طريقة عمل ايس كريم  COOKIE CUPS

طريقة عمل ايس كريم COOKIE CUPS

طريقة عمل الدوناتس المقلية بالصور

طريقة عمل الدوناتس المقلية بالصور