ديل الحصان من التسريحات اللي موجودة من زمان ومش بتبطل, لانها تعتبر من اسهل التسريحات اليومية للشعر, اوقات كتير بنكون مستعجلين اسهل حاجة بنعملها هي ديل الحصان بشكله الكلاسيكي اللي موجود من زمان اللي هو رفع الشعر, لكن احنا النهاردة جايبين لبنات حوا مجموعة طرق لتسريحة ديل الحصان بشكل مختلف ما بين العالي والمنخفض والمجعد والانيق عشان تنوعي كل يوم وتغيري في شكله.

طرق لتسريحة ديل الحصان:

1- Low side braid للشعر الطويل:

تسريحة ديل الحصان الجانبي مع ضفيرة فرنسية, من الستايلات المناسبة جدا للخروج اليومي, وكمان انيقة تنفع لخروج بالليل او مناسبة وحتى لفرح, ومناسبة جدا للشعر الطويل.

2- Silver vixen:

ممكن تلعبي بالالوان وتعملي لون ملفت من الوان ال Crazy color هيظهر اي ستايل ديل حصان هتعمليه, ممكن تجربي الفضي زي اللون اللي في الصورة.

3- Messy side pony:

ديل حصان جانبي بستايل ويفي او مموج, ممكن تجربي الستايل ده للوك يومي مختلف.

4- Plaited ponytail للشعر المتوسط:

الستايل ده مناسب جدا للشعر اللي طوله متوسط, وهو يعتبر تسريحتين في تسريحة واحدة, لانك بتعملي خصلة من الشعر ضفيرة وتلميها مع ديل حصان عالي, التسريحة سهلة جدا وبسيطة وفي نفس الوقت مختلفة.

5- Twin twists لشعر متوسط عند الكتف:

التسريحة دي بتقسمي الشعر نصين, وتبرمي كل نص لجوه لحد ما النصين يتقابلوا في النص زي ما باين في الصورة كده, وتلمي الشعر كله ديل حصان منخفض.

6- Barely there:

لو شعرك متشابك ومعندكيش وقت انك تفكي التشابك بتاعه, التسريحة دي هتكون هي المثالية ليكي, كل اللي هتعمليه هتلمي الشعر كله على ورا باستك بس خليه منخفض تحت منطقة الرقبة يعني ميبقاش الشعر محكوم, وممكن تسيبي كام خصلة شعر من قدام على الوش.

7- Pump up the volume:

التسريحة دي مناسبة جدا لخروج بالليل او لحفلة, امسكي الشعر من قدام وسرحيه بالمشط بالعكس عشان تديه حجم اكبر, وبعدين لمي الشعر كله ديل حصان على ورا.

8- Quiff and curls:

التسريحة دي كمان تنفع جدا لمناسبة, بتعملي Volume او حجم اكبر للجزء اللي قدام من الشعر, وتلميه مع باقي الشعر ديل حصان عالي.

9- Loose braided ponytail:

تسريحة سريعة وبسيطة جدا, هتعملي ضفيرة جانبية, وتلميها مع باقي الشعر في ديل حصان جانبي, وممكن تدي حجم للشعر في النص عشان تظهريها اكتر.

10- Bumped up with bangs لطول الشعر المتوسط:

طريقة تانية عشان نعمل Volume للشعر, سرحي الجزء اللي فوق من الشعر بالمشط بالعكس ولميه كله ديل حصان على ورا, مع قوصة.

11- Messy with strands لشعر متوسط عند الكتف:

لو شعر ويفي او كيرلي بشكل طبيعي, التسريحة دي هتكون مناسبة ليكي جدا, هتلمي الشعر كله على ورا ديل حصان عالي, وتسيبي خصلتين من قدام نازلين على الوش.

12- Braided crown:

هتعملي الجزء اللي قدام من الشعر ضفيرة في النص, وبعدين تلميها على ورا مع باقي الشعر في ديل حصان عالي.

13- French fishtail braid:

تسريحة مميزة ومختلفة جدا, هتعملي ضفيرة فرنسية ديل السمكة بشكل جانبي, وتلميها مع باقي الشعر ديل حصان منخفض.

14- Grecian goddess:

التسريحة دي ملكية وانيقة جدا وتنفع كمان للمناسبات, كل اللي هتعمليه انك هتعملي Volume او حجك اكبر للجزء اللي قدام من الشعر وبعدين هتلميه مع باقي الشعر ديل حصان عالي.

15- Faux hawk:

الطريقة دي بتقسمي الشعر نصين وتلمي اللي فوق لوحدة باستك, وبعدين تدخليه مع النص اللي تحت وتعمليهم ديل حصان واحد.

16- ديل حصان عالي ويفي:

ممكن تعملي الشعر ويفي وتلميه كله على ورا ديل حصان عالي.

17- Criss crossed braids:

لو عايزة شكل جديد ومختلف, ممكن تعملي التسريحة دي وهي ضيرة فرنسية في كل جنب, وبعدين تلميهم على ورا عكس بعض وتعملي ديل حصان منخفض.

18- Face framing waves:

اعملي الشعر Volume من الوسط, ولميه كله على ورا ديل حصان منخفض, وسيبي خصلة شعر ويفي من قدام نازلة على الوش.

19- Sleek and sculpted:

في الستايل ده قسمي الشعر 3 اجزاء, جزء في كل جنب وجزء ورا, وهاتي الجزء اللي في اليمين ناحية الشمال, واللي في الجنب التاني ناحية اليمين يعني اعمليهم عكس بعض, وبعدين لميهم الاتنين مع بعض ديل حصان منخفض على ورا.

20- Horizontal braids:

الضفاير الرفيعة اللي جايه عكس بعض مع ديل حصان منخفض كمان من التسريحات المميزة والمختلفة جدا, ممكن تعملي الخصل ضفاير رفيعة او بس تبرمي الخصلة.

21- Larger than life:

ستايل الشعر العالي من فوق مع ديل الحصان الويفي العالي, من ستايلات الشعر المناسبة جدا للشعر الطويل.

22- Low ponytail with double braids:

في التسريحة دي هتعملي اتنين ضفاير فرنسية في نفس الجنب تحت بعض, وتلميهم مع باقي الشعر في ديل حصان منخفض جانبي, وفي الاخر بعد ما تخلصي التسريحة خدي خصلة شعر لفيها حوالين الاستك او التوكة وهنلاحظ ان الطريقة دي معمولة في كل التسريحات اللي فاتت عشان تداري الاستك ويبقى شكل التسريحة اشيك واحلى.

أفكار لستايلات الشعر على طريقة الـ Half up- Half Down Hair styles