أزاي تختاري البنطلون الليجينج بتاعك صح!
البنطلون الليجينج أكيد بقت قطعة ملابس مهمة بس لازم تعرفى انه ماينفعش يتلبسوا كتير ويبقى استخدامهم زى استخدام البنطلونات مثلا، لأنهم بطبيعتهم بيبقوا ضيقين و بيميلوا لأنهم يبقوا شفافين لأنهم بيتعملوا من خامات خفيفة عشان ماتحسيش بيها في الحركة. علشان كده قبل ما تشتري ليجن او تلبسيه لازم تعرفى انتى محتاجاه ليه وازاى تشتريه، فى المقال ده بنات حوا هيقولولك نصايح أزاي تختاري الليجينج بتاعتك مظبوط ..
نصايح أزاي تختاري البنطلون الليجينج بتاعك صح:
1- عايزة تلبسيها ليه؟
ليه مهم تعرفي أزاي تختاري الليجينج صح ؟ زى ما قلنا، في مناسبات وطرق كتيرة ممكن تلبسي فيها الليجينج، سواء لو كنتى بتلعبي يوجا او هتلبسيهم في الجيم او على دريس مثلا، وكل نوع من دول بيختلف عن التاني في خامته وشكله عشان كده ماينفعش تلبسي الليجينج المخصصة للجيم على بلايز وانتى رايحة اجتماع مثلا، فلازم تعرفى انتى عايزة تلبسيه في اى مناسبة وعلى الاساس ده تختارى الشكل والنوع والطريقة اللى هتلبسيه بيها مع باقى الـ outfit بتاعك.
2- الكواليتي:
وادحة من أهم النصايح الي لازم تهتمي بيها عشان تعرفي أزاي تختاري الليجينج صح هي الكواليتى واحدة من أهم الحاجات اللي لازم تهتمي بيها بدرجة كبيرة وانتى بتشتري اى حاجة تخصك مش بس الليجينج لو كنتى بتشتريهم للحمل او للجيم او البيت لازم تتأكدى انك بتختارى افضل خامة ويفضل تكون قطنية عشان ماتسببش ليكى اى نوع من الحساسية او عدم الراحة خصوصا وانه فى انواع كتيرة جدا بتبقى معمولة من البلوليستر والألياف الصناعية، عشان كده لازم ماتتغريش بالسعر الرخيص لبعض الانواع وتحاولى تختارى افضل حاجة حتى ولو كانت غالية شوية.
3- الراحة :
اهم حاجة في أى قطعة ملابس بتشتريها وتلبسيها خصوصا لو كنتى عارفه انك هتستخدميها كتير وهيكون لبسها متكرر هى انك تتأكدى وتبقى حريصة انها تكون مريحة، والراحة دى مش هتبقى موجودة الا اذا اهتميتي انك تشتري الليجينج من خامة نضيفة ويكون مقاسها مظبوط ونوعها مناسب للنشاط اللي هتستخميها ، يعنى لو علشان الجيم تختاري sports Leggings وهكذا.
4- المقاس:
أكيد البنطلون الليجينج من نوع الملابس اللى بتتمط وتتشد بس برده المقاس مهم ومهما قالولك انها free size وبتناسب اى جسم مهم حاولي تقيسيهم او تختاريهم على مقاسك عشان مايبقوش ضيقيين ويخنقوكى او يبقوا واسعين وشكلهم وحش، المقاس المظبوط مهم جدا زيه زي الخامة عشان تضمنى راحتك وان فلوسك ماتدفعتش على الفاض، فقبل ما تشتريهم لازم تجربيهم عشان تتأكدى انهم مريحين بالنسبه لك، وانتبهى كمان ان اللبس الكتير خصوصا وانتى بتتمرني بيهم و الغسيل المتكرر ممكن يأثر على المقاس ويخلى الليجينج تتمط وتوسع.
اعرفى معان كمان افضل نصايح موضة تنقذك من الحر عشان تستمتعي بالصيف
