15 فكرة ازاي تلبسي ال Fringe Sandals في الصيف
الصنادل من انسب الحاجات المناسبة جدا لموسم الصيف وحرارة الجو, والنهاردة من خلال موضوعنا هنشوف مع بعض افكار للبس ال Fringe Sandals اللي يعتبر واحد من الستايلات المميزة جدا في الصنادل واللي تقدري تنسقيها على اكتر من لوك.
افكار للبس ال Fringe Sandals:
1- الصندل مع ستايل انيق:
ممكن تلبسي الصندل في اواخر الربيع واول الصيف على فستان مع جاكيت قصير, للوك انيق.
2- ال Fringe sandals الاحمر:
لو محتارة في تنسيق لوك للصيف ممكن تعملي لوك بسيط جدا, من بنطلون جينز اسود وتيشرت ابيض وتنسقي معاهم ال Fringe sandal الاحمر عشان تظهري اللوك بتاعك او تديه لمسة مشرقة وصيفية, يعني بكل بساطة عشان تعملي لوك سهل نسقي اي لوك بسيط مع صندل ملون.
3- الدنيم او الجينز مع الصندل:
بكل بساطة البسية على بنطلون وقميص جينز, وممكن كمان تكملي اللوك بشنطة بنفس ستايل الصندل.
4- الصنادل الفلات:
لو مش عايزة تلبسي صندل بكعب مع اللوك الكاجوال بكل بساطة تقدري تعتمدي على الصندل الفلات, ممكن تلبسيه على شورت وتيشرت ابيض او بنطلون جينز مع تيشرت.
5- الصندل مع لبس الشغل:
ممكن تلبسي صندل بلون نيود مع لبس الشغل.
6- ال Fringe sandals الاسود:
لو محتارة تنسقي ايه علي البنطلون الجينز ال Ripped بكل بساطة البسي عليه صندل اسود.
7- الصندل مع اللون الابيض:
ممكن تنسقي صندل باللون البني مع طقم ابيض هيطلع اللوك حلو جدا.
8- الصندل مع ال Pencil skirt:
ال Fringe sandals كمان مناسب جدا مع ال Pencil skirt.
9- صندل وجاكيت Suede او جلد غزال:
لو عندك جاكيت بني من جلد الغزال, بكل بساطة ممكن تلبسي معاه صندل من جلد الغزال بكعب عالي.
10- لوك ابيض واسود:
الصندل الاسود هيطلع حلو جدا مع طقم بالابيض والاسود لو عايزة تعملي لوك كلاسيك.
11- صندل و Pencil skirt من جلد الغزال:
زي ما نسقنا الصندل جلد الغزال مع الجاكيت كمان ممكن تنسقيه مع جيبة من جلد الغزال, وتعملي لوك من تلات الوان, شيميز او توب ابيض مع جيبة بني فاتح وتنسقي عليهم الصندل بالبني الغامق, تدرج الالوان مع بعض هيطلع حلو جدا.
12- الصندل مع Floral romper:
ممكن تنسقي الصندل مع Floral romper او سالوبيت Floral للوك صيفي.
13- صندل احمر بكعب من جلد الغزال مع دنيم Overalls:
ممكن تنسقي الدنيم Overalls مع صندل احمر بكعب من جلد الغزال, وتكملي اللوك بشنطة بيضا للوك مميز وملفت.
14- الصندل الفلات:
اعملي اي لوك بسيط وسهل بتنسيقه مع ال Fringe sandals الفلات.
15- صندل وشنطة بني مع فستان ابيض:
لو لابسة الوان حاسة انها مافيهاش حياة وعايزة تظهريها اكتر, ممكن تضيفي لها الوان من خلال الصندل والشنطة, ممكن تلبسي صندل باللون البني مع شنطة بني بنفس لون الصندل او افتح.