أفكار لستايلات الشعر على طريقة الـ Half up- Half Down Hair styles

بقلمآية حسان فيشعر visibility867

كل يوم في الصيف وطول ما الدنيا حر بيقابلك صراع انا عايزة افرد شعري واخليه سايب عشان يبقى شكله حلو و مايضيعش المجهود اللى عملتيه فى تصفيفه أو انا هلم شعري وارفعه علشان مايزهقنيش ويحررني و يبقى تقيل على رقبتي ،بس أنا برده عايزة انزل بيه مفرود! عشان كده في المقال ده احنا جايبنلك حل سحري يخليكي تتبسطى بشعرك المفرود من غير ما يزهقك وكمان تعملى لوك عصري وجديد، في المقال ده هتعرفى معانا أفكار لستايلات الشعر على طريقة الـ Half up- Half Down Hair styles  ..

 أفكار لستايلات الشعر على طريقة الـ Half up- Half Down Hair styles

1- Half Up Half Down Pony : 

بيعتبر أسهل ستايل فيهم والأكثر عملية و الأسرع وانتي بتعمليه، و الجميل في الستايل ده انه هيليق على شعرك مهما كانت طبيعته سواء كان أملس، ويفي أو كيرلي، وتقدرى تستخدمي معاه اكسسوارات شعر مختلفة من أول البنس ولحد مشابك الشعر المتطرزة ، وبيعتمد الستايل ده على كمية الشعر اللى انتى عايزة تلميه و الكمية اللى عايزة تخليها سايبة، يعنى بتظبطيه انتى ومزاجك.

half up half down pony

2- Half Up Half Down Bun : 

دى علشان تعملي لوك يبين طول شعرك وفى نفس الوقت يمنعه من انه يتطاير أو يهيش وكمان لوك عصري شوية، مناسب أوى لو لابسه حاجة كاجوال أو وانتى رايحة الشغل و ممكن تلبسي معاه اكسسوارات مختلفة للشعر أو  headband، وبيعتمد على تقسيمتك انتى للشعر وعايزة تلمي قد ايه وتسيبي قد ايه مفرود، جمعى خصلة من شعرك و اعمليها bun صغيرة و ثبتيها بأستك شعر أو بنسة وبس. 

half up half down bun

3- Half Up Half Down Double Buns : 

الستايل ده من Half up- Half Down Hair styles سريع جدا فى انك تعمليه خصوصا لو كنتى صاحية متأخرة عن الشغل أو الجامعة وعايزة تسرحي شعرك بسرعة بس في نفس الوقت تعملى لوك وستايل حلوين ماتحسيش معاه انك نازلة شكلك مبهدل أو مش مترتب. كاجوال جدا وممكن تعمليه الصبح او وانتى رايحة الجيم أو لو نازلة مع اصحابك مثلا . 

half up half down dobule bun

4- Half-Up Half-Down Braids : 

النوع ده من تسريحات الشعر بيعتبر حالم وكلاسيكي شوية، مناسب لكل الاوقات تقريبا خصوصا لو كنتى لابسة دريس نهاري أو لو رايحة الشغل وعايزة تعملى لوك ناعم وشيك او لو خارجة او عندك عزومة وعايزة تعملى لوك أنثوي وناعم ، سهل تعمليه بأنك تعملى خصل رفيعة من شعرك على الجنبين على شكل ضفاير وبعد كده تجمعيهم من النص وبكده تكوني جاهزة. 

half up half down braids