7 نصايح عشان تداري حمالة الصدر ومتبانش من تحت الهدوم

بقلمريهام محمود فيموضة وأزياء visibility20465

حمالة الصدر اكيد قطعة مهمة جدا لرفع ودعم الصدر مافيش بنت تقدر تستغنى عنها ابدا, لكن في مشكلة تقريبا بتقابل معظم البنات خصوصا لو بتلبسي دايما حاجات مفتوحة, وهي ان حمالات البرا بتكون باينة من تحت الهدوم, وعشان نحل لك المشكلة دي هنقولك النهاردة 7 نصايح تداري بيهم حمالة الصدر بتاعتك ومتبقاش باينة من تحت الهدوم.

نصايح تداري بيهم حمالة الصدر:

1- جربي دبوس الورق:

لو لابسة بلوزة  Raceback او محرودة اوي من الضهر ومش عايزة حمالة الصدر تكون باينة منها, ممكن تستخدمي الدبوس اللي بنشبك بيه الورق, واشبكي بيه الحمالتين مع بعض, بالطريقة دي هتخفي الحمالات بطريقة بسيطة جدا.

نصايح تداري بيهم حمالة الصدر
نصايح تداري بيهم حمالة الصدر

2- استخدمي الحمالات الشفافة:

معظم البرا بتيجي بحمالات ملونة, في الحالة دي انتي ممكن تشتري حمالات شفافة وتركبيهم على اي برا عندك عشان تحلي مشكلة انها ممكن تبان من تحت هدومك.

نصايح تداري بيهم حمالة الصدر
نصايح تداري بيهم حمالة الصدر

3- خيطي الكب في الفستان:

لو عندك فستان من غير ضهر او حمالة ومش عايزة البرا يبان من تحته هتعملي ايه في الحالة دي ؟ هنقولك الحل بكل بساطة لو عندك برا مش بتلبسيه كتير او مستعدة انك تضحي بيه, ممكن تقصي الكب بتاعه وتخيطيه بكل سهولة في الفستان من جوه, بالشكل ده هتحصلي على دعم للصدر وهيطلع شكله مظبوط ومن غير ما البرا تكون باينة.

نصايح تداري بيهم حمالة الصدر
نصايح تداري بيهم حمالة الصدر

4- استخدمي ال Bra clip:

ال Bra clip او دبابيس البرا هتديكي نفس نتيجة دبوس الورق اللي احنا قولناه فوق في اول نصيحة, لكن الفرق بينهم ان الدبابيس دي معمولة بشكل اكتر امان من دبوس الورق, وهتتجنبي مشكلة ان ممكن دبوس الورق يشكك او يضايقك, والدبابيس دي هتلاقوها في محلات الملابس الداخلية.

نصايح تداري بيهم حمالة الصدر
نصايح تداري بيهم حمالة الصدر

5- جربي ستايل ال Bralette:

الستايل ده من البرا اللي بيكون الحزام او الشريط بتاعه على الرقبة, وهو معمول اصلا عشان يبان لان تصميمة مش مبتذل او شكله وحش بالعكس هو يعتبر قطعة ازياء.

كمان معمول بستايلات مختلفة, وكتير منهم متصممين بحزام خلفي على اسفل الضهر, عشان يخليكي تلبسي عليه اي حاجة انتي عايزاها من غير الحزام ما يبان.

نصايح تداري بيهم حمالة الصدر
نصايح تداري بيهم حمالة الصدر

6- اشتري محول حمالة الصدر:

ال Bra strap converter او محول حمالة الصدر من الحلول الهايلة اللي ممكن تستخدميها عشان تداري بيه حمالة الصدر, ود بيتركب في البرا وبيسحب الحمالات لتحت بشكل امن بحيث ان حمالة الصدر متبقاش باينة لو لابسة فستان ضهره مكشوف, كمان هتلاقيه في محلات الملابس الداخلية.

نصايح تداري بيهم حمالة الصدر
نصايح تداري بيهم حمالة الصدر

7- استخدمي وسادة الحمالات:

اخر نصيحة معانا هي لراحتك عشان تكوني مرتاحة وانتي لابسة البرا بننصحك تشتري وسادة الحمالات دي بتتحط تحت الحمالة عشان تمنعها انها تحتك ببشرتك وتضايقك او تعلم على الجلد وتسبب اي التهاب او تهيج في الجلد, وهي ليها فايدة تانية فعالة جدا انها هتمنع حمالة البرا انها تقع من على كتفك وتبان.

نصايح تداري بيهم حمالة الصدر
نصايح تداري بيهم حمالة الصدر

المرة الجاية لما تلبسي البرا جربي النصايح اللي احنا قولناهم في المقال بتاعنا عشان تطلعي بشكل حلو من غير قلق ان اي حاجة ممكن تبوظ مظهرك.

9 حيل للبس حمالة الصدر بشكل مثالي مكنتيش تعرفيهم قبل كده !

حيل للبس حمالة الصدر بشكل مثالي