8 حاجات مهمة لازم تعرفيها عن كريمات إزالة الشعر

بقلمآية حسان فيبشرة visibility5833

إزالة الشعر باستخدام الكريم أحيانا بتكون هي الحل العملي والأسرع خصوصا لما تكوني مستعجلة، بس علشان تلاقي نتيجة مظبوطة ومرضية يبقى في حاجات لازم تعمليها، عشان كده في المقال ده هنعرفك على 8 حاجات مهمة لازم تعرفيها عن كريمات إزالة الشعر

8 حاجات مهمة لازم تعرفيها عن كريمات إزالة الشعر

1- لازم تعملى تيست:

أكيد بتزهقي من تعليمات انك تعملي تيست قبل ما تستخدمي أى كريم أو مستحضر تجميل جديد بس كريمات إزالة الشعر من أهم الحاجات اللي لازم تعمليلها تيست مظبوط قبل ما تستخدميها لأنها بتفضل على البشرة وقت مش قليل وممكن تتسبب في رد فعل كبير و تعمل هيجان كبير في البشرة وده خطر، علشان كده مهم تتأكدى أنك بتستخدمي كريم آمن على بشرتك خصوصا لو كانت من النوع الحساس. 

لازم تعملى تيست

2- ممكن يكون مفيد في إزالة شعر الوجه:

الـ shaving مش أحن حاجة ممكن تعمليها خصوصا لإزالة شعر الوجه، لكن برده اوقات بيبقى انك تروحي الوافير وتضيعى وقت في المشوار والانتظار حاجة مش عملية أبدا علشان تتخلصي من كام شعراية، وهنا ممكن تبقى كريمات إزالة الشعر مفيدة بس لازم تتأكديانك بتستخدمي الكريم المخصص لإزالة شعر الوجه و تبقي حريصة جدا انك تبعدي عن محيط منطقة العين وطبعا تبعدي عن الحواجب. 

ممكن يكون مفيد في إزالة شعر الوجه

3- أتأكدى انك بتستخدمي أحسن نوع :

في عدد ضخم جدا من كريمات إزالة الشعر في السوق وكلها بروائح وأشكال مختلفة، بس انتي لازم تبقي حريصة انك تختاري الأفضل ليكي من حيث نوع وكثافة الشعر و كمان من حيث نوع وطبيعة بشرتك والمنطقة اللي انتى عايزة تزيلى الشعر منها، زي ما قلنا مثلا انك لازم تستخدمي الكريم المخصص لإزالة شعر الوجه لإزالة شعر الوجه، وضروري كمان تستخدمى الكريمات المخصصة للمناطق الحساسة ولمنطقة البيكيني، فلازم تتأكدي انك بتستخدمي النوع المناسب وإنك بتستخدمي أحسن نوع. 

أتأكدى انك بتستخدمي أحسن نوع

4- لازم تلتزمي بالوقت :

أكيد كلنا بنزهق وبنبقى مش عايزين نستنى على الأقل من 3 لـ 5 دقايق زى ما التعليمات بتقول ولا أننا نصبر، بس الحقيقة هي انك تقدرى تتخلصي من الشعر فعلا وبشكل مرضي لازم تلتزمي بوقت الإنتظار اللي التعليمات بتقول عليه علشان تلاقي نتيجة مظبوطة. 

لازم تلتزمي بالوقت

5- استخدميه على بشرة جافة ونظيفة:

التعليمات اللي بتبقى موجودة على العبوة بتقولك بالضبط ازاى تستخدمى الكريم، بشكل عام مهم جدا انك تستخدمي الكريم على بشرة جافة ونظيفة ، يعنيى ماينفعش تستخدمي الكريم آخر اليوم على بشرتك وهي متربة أو عرقانة لازم تاخدي شاور وتجففي جسمك كويس أوى وبعيدن تستخدمي الكريم علشان بشرتك ماتبقاش متراكم عليها زيوت أو دهون. 

استخدميه على بشرة جافة ونظيفة

6- الكريمات مابتقدرش تشيل الشعر بالكامل:

لازم تعرفى انه الكريمات مابتقدر تشيل الشعر بالكامل او من الجذور لأن الكريم بيتعمق لأول طبقة سطحية في الجلد بس ومابيقدرش يوصل لأبعد من كده عشان كده هتلاحظى انه الشعر بيرجع ينمو تاني بعد 3 لـ4 أيام على طول، بعكس الواكسينج اللي بيزيل الشعر من الجذور. 

الكريمات مابتقدرش تشيل الشعر بالكامل

7- ممكن ريحتهم تبقى غريبة: 

في كريمت إزالة شعر بتبقى ريحتها حلوة فعلا ولكن في كريمات تانية بتبقى ريحتها مواد كيميائية غريبة زي ريحة الدواء كده، عموما ماتستغربيش الريحة الغريبة لأنها مش فارقة كتير، لكن لو حسيتى ان الريحة حشة أو غريبة أوي زيادة عن اللزوم يبقى لازم تتأكدى من صلاحيته. 

ممكن ريحتهم تبقى غريبة

8- لازم تستخدمي الطريقة الصح: 

لما توصلى لمرحة نك هتزيلى الشعر باستخدام الكريم، يبقى لازم تستخدمي الطريقة الصح علشان توصلي لنتيجة ترضيكي، و كان تقللي فرصة هيجان او التهاب البشرة وتستخدمى الآداة اللي ببقى مع الكريم لإزالة الشعر لأنه المسح او استخدام الفوطة في زالة الكريم هيتسبب في فوضى و مش هيخليكي تتخلصي من الشعر صح، أفردي الكريم على المنطقة اللي عايزة تتخلصي فيها من الشعر و سيبيه على الأقل 3 دقايق أو أكتر حسب كثافة الشعر وبعد كده إبدأى في إزالته باستخدام الىداة المخصصة في حركة عكس إتجاه نمو الشعر. 

لازم تستخدمي الطريقة الصح

اعرفي معانا كمان اعملي بنفسك لوشن بعد ازالة الشعر الزائد لبشرة ناعمة جدا