بالفيديو والخطوات: طريقة عمل التشيكن شيبس مع الصوص

بقلمريهام محمود فيأكلات سريعة visibility246

تشيكن شيبس وصفة سهلة وسريعة جدا لعمل الفراخ, والطبق ينفع كمقبلات, او طبق جانبي, او سناكس كده تقعدي تتسلي فيه بين الوجبات, تعالوا نشوف المكونات والطريقة مع بعض.

تشيكن شيبس:

الكمية اللي هنعملها هطلع لنا تقريبا 50 تشيكن شيبس.

– المقادير:

2 صدور دجاج من غير جلد.

3 كوبايات تورتيا شيبس مطحون “هنلاقيه في الهايبر ماركت” ولو مش متوفر ممكن تستبدلوه بدوريتوس مطحون اي نكهة تحبوها.

2 كوب دقيق.

1 معلقة كبيرة كمون.

2 معلقة صغيرة ملح.

زيت للقلي.

تشيكن شيبس
تشيكن شيبس

– مقادير الصوص “التغميسة”:

2 معلقة كبيرة زيت زيتون او اي نوع زيت تفضلوه.

½   كوباية صلصة طماطم او كوباية عصير طماطم عادية.

1 ثمرة فلفل حار مفرومة “وده اختياري لو مش عايزنها حارة ممكن تستغنوا عنه”.

½ بصلة متوسطة الحجم مفرومة.

3 فصوص ثوم متقطعين شرايح رفيعة.

1 كوب ذرة حلوة “هنلاقيها في الهايبر ماركت”.

1 ثمرة فلفل اخضر متقطعة.

100 جرام اي نوع جبنة كريمي.

1 كوب جبنة شيدر مبشورة.

¼ كوب Sour cream “كريمة طبخ”.

2 معلقة كبيرة كزبرة خضرا مفرومة.

تشيكن شيبس
تشيكن شيبس

الطريقة:

تحضير الفراخ: قطعي الصدور لشرايح رفيعة وبعدين كل شريحة قطيعها لقطعتين على شكل مثلث, تبلي الدقيق بالملح والكمون والشطة, غطي شريحة شريحة من الفراخ بالدقيق, وبعدها حطيها في البيض وبعدين في التورتيا او الدوريتوس المطحون, واقليها في زيت سخن على درجة حرارة عالية لمدة 4 دقايق لحد ما لونها يبقى دهبي.

تشيكن شيبس
تشيكن شيبس

تحضير الصوص او التغميسة: في طاسة كبيرة حطي الزيت وضيفي عليه البصل والذرة والثوم والفلفل الحار وصلصة الطماطم وخففيها بشوية مية لكن لو هتستخدمي عصير طماطم يبقى متضيفيش مية, وضيفي عليه الفلفل الاخضر, سيبيه على نار هادية لمدة 20 دقيقة, بعدها ضيفي لها الجبنة الكريمي والجبنة الشيدر, قلبيهم لحد ما الجبنة تدوب, بعدها انقلي الخليط لصينية ممكن تدخل في الفرن ورشي على وشها جبنة شيدر, ودخليها الفرن لمدة 15 دقيقة او لحد ما يبقى لونها بني دهبي, طلعيها وحطي على الوش كريمة الطبخ ورشي فوقيه الكزبرة الخضرا.

قدمي الفراخ مع الصوص كتغميسة لشرايح الفراخ.

تشيكن شيبس
تشيكن شيبس

الطريقة بالفيديو:

طريقة عمل الفراخ المدفونة في الملح

الفراخ المدفونة في الملح
الفراخ المدفونة في الملح