10 عادات ممكن تدمر علاقتك مع شريك حياتك لازم تتجنبيهم

بقلمريهام محمود فيعلاقات visibility1676

لو انتي في علاقة من فترة طويلة وبقى عندك خبرة وادراك ونضج اكتر هتعرفي اكيد ان العلاقات مش بتعتمد بس على الكيميا بين الطرفين والحب الرومانسي, لكن العلاقات في الحقيقة ابعد واصعب من كده وبتحتاج مجهود من الطرفين عشان تستمر, وممكن بتصرفات معينة العلاقة دي تبوظ, وده اللي هنعرفه النهاردة مع بعض هنقولك عادات ممكن تدمر العلاقة لازم تتجنبيها لو عايزة علاقتك تستمر.

عادات ممكن تدمر العلاقة:

1- بتاخدي كل حاجة بشكل شخصي:

في بعض الاحيان بنفسر اي كلمة او تصرف من الطرف التاني انه الكلام ده انتي المقصودة بيه, يعني لو تعبان مثلا من الشغل او مضغوط ممكن انتي تفكري انه متضايق منك انتي, لكن الحقيقة ان مش اي تصرف بيكون انتي المقصودة بيه لازم تفتكري ده كويس, وفكري نفسك دايما ان في حاجات تانية ممكن تأثر على مود الشخص وتصرفاته, لو فكرتي كده هتلاقي الحياة بقت اسهل كتير.

2- عايزة كل حاجة على طريقتك دايما:

العلاقة السعيدة والمتوازنة بين اي اتنين بتدور حوالين الحل الوسط, ومش كل مرة تبقى على طريقتك او تعملي كل حاجة زي ما انتي عايزة وان رغباتك اهم منه, وعايزة تكوني انتي المسيطرة دايما, لازم تعرفي ان العلاقة المتوازنة هي سر العلاقة السعيدة.

عادات ممكن تدمر العلاقة
عادات ممكن تدمر العلاقة

3- تسيبيه يعمل كل حاجة على طريقته هو:

انك بردو تتنازلي باستمرار عن احتياجاتك ورغباتك انتي وكل حاجة تمشي على طريقته هو بس ليها نفس التأثير في تدمير العلاقة, ممكن تفكري انك اكتر عقلانية ومنطقية منه لما تنهي اي جدال بينكم انك تقبلي برأيه هو حتى لو غلط وتضحي بنفسك انتي, لكن ده بمرور الوقت هيأثر عليكي, وهنقول تاني افتكري دايما التوازن والحل الوسط.

4- المبالغة:

لما بنكون في حالة حب بنبدأ نضخم ونبالغ في كل تصرف او اقل حاجة بتتعمل من الطرف التاني, والعادة دي ممكن تدمر السعادة في العلاقة تماما, كل مرة هتلاقي نفسك هتبالغي او هتعملي Overreact وقفي نفسك وفكري بشكل منطقي, اكيد هتلاقي سبب منطقي لتصرفات شريك حياتك في 9 مرات من 10 فكرتي فيهم تفكير بشكل مبالغ فيه.

عادات ممكن تدمر العلاقة
عادات ممكن تدمر العلاقة

5- عدم الثقة:

الثقة هي حاجة بنكتسبها مش شيء فطري, لكن انك تغمضي عينك عن كل حاجة تقولك انك المفروض تثقي في شريكك دي من اكتر العادات اللي ممكن تدمر علاقتك, ممكن تكوني حاسة بعدم امان وبالتالي ده اللي بيخليكي مش واثقة فيه وتبدأي تدوري وراه او تفتشي في تليفونة, لكن لازم تفكري كويس وتشوفي تصرفاته معاكي لو كلها بتقولك انه لازم تثقي فيه يبقى هو ده اللي لازم تعمليه.

6- المقارنة مع ازواج تانيين:

كل علاقة مختلفة تانية, لان فيها اشخاص مختلفين, يعني متفكريش ان علاقتك مثلا اسوأ من صاحبتك لمجرد انها مبينة لك انها عايشة حياة سعيدة ومثالية, لان مافيش ازواج سعدا بشكل دائم, كل علاقة طبيعي بيحصل فيها مشاكل.

عادات ممكن تدمر العلاقة
عادات ممكن تدمر العلاقة

7- المقارنة مع علاقات سابقة:

دي ممكن تكون كمان اسوأ من المقارنة مع ازواج تانيين, لو لقيتي نفسك بتفكري في علاقة سابقة ليكي وتعتقدي انك كنتي سعيدة فيها اكتر من علاقتك اللي انتي فيها, فكري على طول في اسباب انتهاء العلاقة دي, ده هيخليكي ترجعي للواقع.

8- تجنب المواجهة:

كتير من الاشخاص بيخافوا من المواجهة وبيفضلوا الهروب من اي موقف وبيعملوا اي حاجة عشان يتجنبوه, حتى لو ده معناه انهم هيهملوا رغباتهم واحتياجاتهم, وده اكيد مش صح, والمواجهة اكيد مش معناها اننا نتخانق ونصرخ, لكن ممكن تعبري عن الاختلاف في الرأي بطريقة هادية وعقلانية.

عادات ممكن تدمر العلاقة
عادات ممكن تدمر العلاقة

9- تفكري انك ممكن تغيريه:

كتير بيفكروا انهم لو عملوا شوية مجهود ممكن يغيروا الطرف التاني, مثلا لو رفضتي له حاجة معينة تفكري انك كده بتعلميه يكون مهتم اكتر, لو لمحتي له على حاجة معينة مش عجباكي بطريقة غير مباشرة تفكري انه ممكن يتخلى عنها بسهولة, الحقيقة ان نادر جدا انك تغيري شخص بالغ بشكل جذري زي ما انتي متخيلة, ومن ناحية تانية انتي ليه ارتبطتي من الاول بشخص شايفاه ناقص ومش مثالي بالنسبة لك من وجهة نظرك او شخصيته مش عجباكي؟.

10- حب الدراما:

في اشخاص كتير بيكون عندهم حب للدراما عالي جدا وكل حاجة بيكبروها ويدوها اكبر من حجمها, ودي تعتبر من اسوأ العادات, يعني مثلا تهدديه انك هتسيبيه عشان نسي عيد جوازكم او عيد ميلادك وخصوصا لو انتي عارفة مثلا ان هو في الوقت ده عنده مشاكل في الشغل او مشاكل مع عيلتة او مضغوط بأي شكل.

عادات ممكن تدمر العلاقة
عادات ممكن تدمر العلاقة

12 خطوة هتخليكي تعيشي حياة زوجية سعيدة تستمر مدى الحياة

12 خطوة هتخليكي تعيشي حياة زوجية سعيدة تستمر مدى الحياة
12 خطوة هتخليكي تعيشي حياة زوجية سعيدة تستمر مدى الحياة