افكار ستايلات مناسبة للمطار للوك ستايلش ومريح
لو بتسافري دايما او قررتي تسافري في اي وقت اول حاجة بنفكر فيها واللي دايما بتحيرنا هي لبس السفر بشكل عام واللبس المناسب للمطار بشكل خاص, بنبقى مش عارفين ايه اللي ممكن يكون مناسب ويطلعنا بلوك ستايلش وشكله حلو وفي نفس الوقت مريح, وده اللي هنشوفه النهارة من خلال موضوعنا هنقولك افكار ستايلات مناسبة للمطار ستايلش ومريحة في نفس الوقت.
– اختاري حاجة مريحة:
اول حاجة لازم تفكري فيها هي نك تكوني لابسة حاجة مريحة, لانك بتاخدي وقت طويل في الانتظار في المطار وبعد ركوب الطيارة الوقت اللي بتاخديه لحد ما توصلي للمكان اللي انتي ريحاه, عشان كده لازم تختاري لبس مريح وناعم وسهل انك تتحركي فيه, يعني متكونش حاجة ضيقة اوي او سميكة, اختاري الخامات الطبيعية اللي بتسمح بدخول الهوا وتخلي بشرتك تقدر تتنفس, اتجنبي اللبس اللي بيتكرمش بسهولة, ممكن تلبسي ليجينج او بنطلون رياضي هيكون افضل من الجينز واريح في اللبس, وللقطعة اللي فوق اختاريها من القطن سواء بلوزة او تيشرت.
– افتكري القواعد:
زي ما كلنا عارفين ان المطارات بيكون ليها Rules او قوانين معينة, واكيد هتكوني مش عايزة تبقي الشخص اللي يعمل حاجة ضد قوانين المطار وتتعطلي اثناء التفتيش, عشان كده الافضل عشان تعدي اسرع انك تلبسي شوز مريح وممكن تقلعيه بسهولة لان في اوقات كتير بيطلبوا ده اثناء التفتيش, اتجنبي نهائي لبس الاكسسوارات او اي حاجة معدنية, لانها هتخلي جهاز كشف المعادن يعمل انذار وهتضطري تقلعيهم وهتاخدي وقت اطول.
– حطي في بالك الجو:
قبل ما تروحي اي مكان لازم تعرفي الجو بتاعه عامل ازاي, لو بارد يبقى هتحتاجي انك تاخدي معاكي جاكيت او كارديجان, ولو العكس يبقى تاخدي لبس خفيف وتيشرتات, وحطي في اعتبارك ان درجة الحرارة في الطيارة بتكون اعلى شوية من الطبيعي فهتكوني محتاجة تلبسي حاجة خفيفة.
تعالوا نشوف مع بعض بالصور مجموعة افكار ستايلات مناسبة للمطار:
موضة ال Slippers وال Sliders لموسم الصيف
