طريقة عمل مية ميسيلار لجمال بشرتك بمكونات طبيعية في البيت

ريهام محمود
ريهام محمود
في
بشرة
9289

مية الجمال, او اللي معروفة تجاريا بمية ميسيلار وموجودة في كتير من الماركات في السوق, وهي مستحضر تجميل ليه اكتر من استخدام زي ازالة المكياج, وكتونر للبشرة, وبدل ما تروحي تشتريه من بره النهاردة هنقولك طريقة عمل مية ميسيلار في البيت بمكونات طبيعية بسيطة.

– تعالوا نعرف الاول ايه هي مية ميسيلار؟

هي بتكون عبارة عن جزيئات زيت مع المية, وده بيخليها مزيل مكياج ممتاز جدا, بتاخدي منها على قطنة وتضغطي بيها بس على البشرة من غير فرك, المية هتجذب المكياج والاتربة والدهون الزيادة من البشرة, كمان بترطب البشرة وبتغذيها, وبتستخدم كتونر للبشرة, يعني هي تعتبر 3 في 1 مزيل مكياج, وتونر, ومرطب.

– طريقة عمل مية ميسيلار:

هنقولكم اكتر من طريقة لعمل المية كلها بمكونات طبيعية بسيطة.

1- الطريقة الاولى:

المكونات:

1 كوب مية مفلترة.

2 معلقة كبيرة زيت خروع.

1 معلقة كبيرة زيت فيتامين E.

الطريقة:

في ازازة اخلطي كل المكونات مع بعض, واقفلي الازازة ورجيها عشان كل المكونات تختلط مع بعض كويس, وكده تبقى مية ميسيلار جاهزة عندك, ورجيها كل مرة قبل كل استخدام.

طريقة عمل مية ميسيلار 1
طريقة عمل مية ميسيلار 1

2- الطريقة التانية:

المكونات:

4 معالق كبيرة مية ورد.

1 معلقة صغيرة جليسرين.

3 نقط من اي نوع زيت حامل او وسيط  تفضليه زي “زيت الارجان, زيت الجوجوبا, زيت اللوز الحلو, زيت بذور العنب, زيت الزيتون, زيت المشمش, زيت الصبار, زيت جوز الهند, زيت الجزر, زيت البندق, زيت الافوكادو, زيت السمسم, زيت جنين القمح “.

الطريقة:

زي الطريقة اللي فاتت هتخلطي كل المكونات مع بعض في ازازة وترجيها قبل كل استخدام.

طريقة عمل مية ميسيلار 2
طريقة عمل مية ميسيلار 2

3- الطريقة التالتة:

المكونات:

90 مل مية ورد.

3 مل زيت خروع.

20 نقطة من زيت فيتامين E.

الطريقة:

اخلطي كل المكونات في ازازة زي الطرق اللي فاتت.

طريقة عمل مية ميسيلار 3
طريقة عمل مية ميسيلار 3

4- الطريقة الرابعة:

المكونات:

8 معالق كبيرة مية ورد.

1 معلقة كبيرة جليسرين.

1 معلقة كبيرة زيت اطفال جونسون.

الطريقة:

هنخلط كل المكونات في ازازة ونرجها قبل كل استخدام.

طريقة عمل مية ميسيلار 4
طريقة عمل مية ميسيلار 4

– طريقة استخدام مية ميسيلار:

لو هتستخدميها كمزيل مكياح خدي من المية على قطنة واضغطي على البشرة من غير فرك, ولو حاطه مكياج ووتر بروف او ضد المية ممكن تفركي فرك خفيف جدا عشان متأذيش بشرتك, بعدها سيبيها كام ثانية وبعدين ممكن تغسلي بشرتك بالغسول, لو هتستخدميها كتونر ومرطب يبقى بعد ما تغسلي بشرتك بالغسول تاخدي منها على قطنة وتحطي منها على بشرتك وتسيبيها على البشرة من غير ما تغسليها.

طريقة عمل مية ميسيلار 5
طريقة عمل مية ميسيلار 5

اهم 10 حاجات لازم تعرفيهم عن طريقة التنضيف بالزيت للبشرة المعرضة لحب الشباب

طريقة التنضيف بالزيت للبشرة
طريقة التنضيف بالزيت للبشرة

مقالات متعلقه

دليل من خبراء التغذية عن افضل الاطعمة لتعزيز جمال البشرة

دليل من خبراء التغذية عن افضل الاطعمة لتعزيز جمال البشرة

طرق استخدام زيت فيتامين E على البشرة

طرق استخدام زيت فيتامين E على البشرة

طريقة عمل لوشن للجسم باستخدام الجلسرين

طريقة عمل لوشن للجسم باستخدام الجلسرين