اهم 10 حاجات لازم تعرفيهم عن طريقة التنضيف بالزيت للبشرة المعرضة لحب الشباب

بقلمريهام محمود فيبشرة visibility2227

طريقة التنضيف بالزيت للبشرة هي طريقة بسيطة جدا لتنضيف البشرة باستخدام الزيوت الطبيعية, يمكن المعلومة كتير ممكن يحسها غريبة انه ازاي نستخدم الزيت كمنظف للبشرة, لكن عن تجارب ناس كتير للطريقة دي بيأكدوا فاعليتها وانها عملت تغيير كامل لبشرتهم, والنهاردة من خلال موضوعنا هنتعرف بالتفصيل على طريقة التنضيف بالزيت.

مبدئيا كده طريقة التنضيف بالزيت بتساعد على التخلص من الرؤوس السودا والبيضا, وحب الشباب, وبتخلي البشرة نقية وشكلها صحي.

لكن مهم جدا اختيار الزيت المناسب لنوع بشرتك عشان يغذيها ويعالجها وينقيها, والنهاردة هنعرف كل المعلومات دي مع بعض هنقولك ازاي تستخدمي طريقة التنضيف بالزيت لتنقية البشرة المعرضة لحب الشباب, واي انسب انواع الزيوت المناسبة لكل نوع بشرة.

1- ايه اسباب حب الشباب؟

عشان نفهم طريقة التنضيف بالزيت بتشتغل ازاي على البشرة, لازم نعرف الاول ايه هي اسباب حب الشباب.

في اسباب كتير ممكن تسبب حب الشباب منها اسباب داخلية بتحصل جوه الجسم بتسبب حب الشباب زي اختلال الهرمونات, نظام غذائي غير صحي, السموم او الالتهاب, وكل الحاجات دي بتتسبب في انسداد المسام اللي بتأدي في النهاية لظهور حب الشباب.

جلدنا بينتج كتير من الدهون او الزيوت الطبيعية اللي هي في الاساس تعتبر كويسة للبشرة لانها بتحتوي على  فيتامين E وده مضاد للاكسدة بيحمي البشرة من الشيخوخة, لكن لو افراز الزيوت دي على البشرة بتكون زيادة عن اللزوم هنا بيحصل انسداد المسام وده اللي بيأدي لظهور الرؤوس السودا والبيضا اللي ممكن تلتهب بسهولة وتنقل العدوى وتكون البثور والحبوب.

وبالتالي مفتاح البشرة الصحية هو منع انسداد المسام على قد ما نقدر, ونوقف الافراط في انتاج الزيوت والدهون الزيادة على البشرة.

طريقة التنضيف بالزيت للبشرة
طريقة التنضيف بالزيت للبشرة

2- ازاي طريقة التنضيف بالزيت بتشتغل على البشرة؟

تقريبا معظم منتجات البشرة اللي موجودة في السوق وبنستخدمها بتكون قاسية على بشرتنا ومليانة بمواد كيميائية مضرة ده بيخلي الجلد ينشف وبيجرد البشرة من كل الزيوت الطبيعية, وبالتالي الجلد في الحالة دي عشان يعوض نقص الزيوت بيبدأ ينتج زيوت زيادة, وزي ما قولنا الافراط في افراز الزيوت هيأدي لانسداد المسام وتهيج البشرة وفي النهاية هيأدي لحب الشباب.

وطريقة التنضيف بالزيت بتختلف عن اي طريقة تقليدية تانية لتنضيف البشرة, لانها بتعتمد على استخدام الزيت لتنضيف المسام بدل الصابون او الغسول اللي معتمد على المكونات المائية.

والطريقة دي بتعتمد على مبدأ “التذويب” وده معناه ان الزيت اللي بنستخدمه في التنضيف بيخترق مسام البشرة بشكل عميق وبيدوب الدهون بشكل فعال, وبيزيل كل الزيت الغير صحي من بشرتك وبيجدده بزيت نضيف ومغذي.

طريقة التنضيف بالزيت للبشرة
طريقة التنضيف بالزيت للبشرة

3- هل طريقة التنضيف بالزيت مناسبة لاي نوع بشرة ؟

لو هتسألي نفسك هل طريقة التنضيف بالزيت كويسة لبشرتك ولا لا, احنا بنقولك اتأكدي ان الزيوت الطبيعية مفيدة لكل انواع البشرة.

بس اهم حاجة انك تختاري نوع الزيت المناسب لنوع بشرتك, والزيوت الطبيعية كلها بتكون غنية بالاحماض الدهنية المغذية وبالمغذيات المفيدة جدا للبشرة, حتى الاشخاص اللي بشرتهم دهنية يقدروا يستخدموا الطريقة دي, لان الزيوت بتكون خفيفة على البشرة وبتساعد على تنظيم انتاج دهون البشرة, ولو بتعاني من حب الشباب فاتأكدي انك تستخدمي الزيوت اللي مش هتسد مسام البشرة.

طريقة التنضيف بالزيت للبشرة
طريقة التنضيف بالزيت للبشرة

4- طريقة التنضيف بالزيت للبشرة:

دلوقتي تعالوا نعرف ازاي نعمل طريقة التنضيف بالزيت خطوة بخطوة.

1- اول حاجة هاتي نوع الزيت اللي هتستخدميه خدي منه تقريبا معلقة صغيرة وحطيها على كف ايدك وابدأي دلكي بشرتك ببطء في حركات دائرية, وركزي على الاماكن اللي فيها مشاكل اكتر, استمري في التدليك لمدة دقيقتين تقريبا عشان توصلي لافضل النتايج.

2- بعد التدليك سيبي الزيت على البشرة لمدة 30 ثانية.

3- خلال الوقت ده بلي فوطة بمية سخنة درجة المية اللي تحسيها انها مناسبة لبشرة, حطي الفوطة على البشرة لمدة من 20 – 30 ثانية كمان, واختياري انك ممكن تغطي الفوطة المبلولة بفوطة تانية ناشفة عشان تحافظي على البخار.

4- اشطفي الفوطة تاني بالمية السخنة, واستخدمي لفرك الزيت بالراحة من على بشرتك, وكرري بلي الفوطة ومسح البشرة لحد ما تتاكدي انك اتخلصتي من كل الزيت على البشرة.

5- استني لمدة ثواني كده وشوفي لو  بشرتك محتاجة مرطب, ممكن تستخدمي اي نوع كريم مرطب بتستخدميه مناسب لبشرتك, او خدي كام نقطة من الزيت اللي استخدميه في تنضيف بشرتك.

طريقة التنضيف بالزيت للبشرة
طريقة التنضيف بالزيت للبشرة

5- ازاي تدخلي التنضيف بالزيت في روتينك اليومي؟

عشان توصلي لافضل النتايج يبقى لازم التنضيف بالزيت يكون في روتينك اليومي والتزمي بيه لمدة اسبوع او اسبوعين على الاقل, وممكن تعملي التنضيف بالزيت كل يوم او كام مرة بس في الاسبوع وده بيتوقف على نوع بشرتك, لكن مع الجلد المعرض لحب الشباب يبقى مهم انك تعملي الطريقة بشكل يومي.

والافضل انك تبعدي عن الصابون او اي منظفات تانية للبشرة خلال فترة استخدامك طريقة التنضيف بالزيت, لان الصابون او انواع الغسول الخالية من الزيوت للبشرة المعرضة لحب الشباب, تسبب جفاف البشرة من الزيوت الطبيعية وبالتالي زي ما قولنا ده هيخليها تفرز دهون زيادة.

ممكن تستخدمي منظفات طبيعية زي مية الورد, او خل التفاح او غيرها من المنتجات النباتية, لكن حاولي بقدر الامكان تبعدي عن المنتجات العادية اللي بتجرد البشرة من الزيوت الطبيعية.

طريقة التنضيف بالزيت للبشرة
طريقة التنضيف بالزيت للبشرة

6- ايه انواع الزيوت اللي ممكن استخدامها لتنضيف البشرة؟

اكتر جزء مهم في طريقة التنضيف بالزيت هي نوع الزيت المستخدم.

اول حاجة لازم تكون الزيوت عضوية وعالية الجودة ومضغوطة على البارد يعني حاولي تشتريها من مكان مضمون عشان الزيوت متكونش مغشوشة او مخلوطة بانواع زيوت تانية, لان الزيوت الطبيعية بس هي المناسبة لتنضيف البشرة والحفاظ على توازن زيوتها الطبيعية, لان الزيوت المعالجة بشكل مفرط زي زيت الطهي اللي بنستخدمه في الاكل مثلا ممكن انه يسد مسام البشرة.

والوصفة الاساسية لطريقة التنضيف بالزيت هي استخدام زيت الخروع مع زيت حامل اللي هو نوع الزيوت اللي بتستخدم في تخفيف الزيوت الاساسية زي “زيت بذور العنب, زيت الجوجوبا, زيت عباد الشمس, زيت لب المشمش”, وبتختلط بنسب مختلفة حسب نوع البشرة.

زيت الخروع الخروع ليه خصائص تنضيف هايلة جدا للبشرة, يعني زيت الخروع هيشتغل على البشرة كمنظف والزيت الحامل اللي هتخلطيه معاه هيكون مهمته تغذية البشرة, واختياري انك ممكن تضيفي كام نقطة من اي نوع زيت عطري.

وعلى حسب نوع بشرتك تقدري انتي تعملي خليط الزيوت المناسب ليكي.

طريقة التنضيف بالزيت للبشرة
طريقة التنضيف بالزيت للبشرة

7- انواع الزيوت المناسبة للبشرة المعرضة لحب الشباب:

في انواع زيوت كتير ممكن تساعد على علاج البشرة المعرضة لحب الشباب, وفي بعض الزيوت ليها خصائص مضادة للبكتيريا وممكن تساعد على قتل البكتيريا المسببة لحب الشباب, وفي زيوت تانية بتحتوي على نسبة عالية من حمض اللينوليك واللي بتساعد على تقليل مشكلة المسام المسدودة, وفي زيوت بتكون مضادة للالتهابات بتساعد على تقليل التورم والاحمرار المرتبط بحب الشباب.

ويعتبر من افضل الزيوت للبشرة المعرضة لحب الشباب ومش بتسد المسام هي زيت الورد, زيت عباد الشمس, زيت بذور الكمون الاسود, زيت بذور النيم.

– وصفة التنضيف بالزيت للبشرة المعرضة لحب الشباب:

اخلطي 20% من زيت الخروع.

40% من زيت عباد الشمس.

40% من زيت بذور العنب.

ولو بتستخدمي اي منتجات تانية على البشرة مع طريقة التنضيف بالزيت اتأكدي انها خالية من اي مكونات ممكن تسد المسام.

طريقة التنضيف بالزيت للبشرة
طريقة التنضيف بالزيت للبشرة

8- طريقة التنضيف بالزيت للبشرة الدهنية:

على الرغم من انه يمكن كتير يستغربوا ازاي هنحط زيت على البشرة الدهنية, لكن في الواقع انه هو الحل الاكتر منطقية, لان زي ما قولنا ان الجلد بينتج كمية دهون اكتر لما بيكون جاف او مش متوازن.

وزي ما قولنا ان معظم منتجات البشرة بتكون قاسية على الجلد وبتجرده من الزيوت الطبيعية وبالتالي الجلد بينتج دهون اكتر عشان يعوض نقص الزيوت الطبيعية في البشرة, وبالتالي طريقة التنضيف بالزيت هي افضل حاجة ممكن تتعمل للبشرة الدهنية, لانها هتنضف البشرة وفي نفس الوقت هترطبها بعمق.

– وصفة التنضيف بالزيت للبشرة الدهنية:

30% من زيت الخروع.

70% من زيت عباد الشمس وممكن بدل زيت عباد الشمس تستخدمي زيت بذور العنب او زيت اللوز الحلو.

طريقة التنضيف بالزيت للبشرة
طريقة التنضيف بالزيت للبشرة

9- انواع الزيوت المناسبة للبشرة الجافة:

مع البشرة الجافة انتي محتاجة تقللي كمية زيت الخروع لان ليه اثار تجفيفية للبشرة ومش هيكون مناسب للبشرة الجافة اننا نحط منه كمية كبيرة زي انواع البشرة التانية, ومن افضل الزيوت المناسبة للبشرة الجافة ونغذية ليها هي زيت الارجان, زيت نواة المشمش, وزيت الجوجوبا.

– وصفة التنضيف بالزيت للبشرة الجافة:

اخلطي 10% من زيت الخروع.

30% من زيت عباد الشمس.

60% من زيت الافوكادو.

لو حسيتي انك بشرتك بعد التنضيف جافة ممكن تقللي كمية زيت الخروع عن ال 10%.

طريقة التنضيف بالزيت للبشرة
طريقة التنضيف بالزيت للبشرة

10- نصايح عامة:

مهم انك تعرفي اول ما تبدأي في استخدام طريقة التنضيف بالزيت, اعملي اختبار للبشرة بنوع الزيت اللي هتستخدميه, وزي ما قولنا استخدمي الزيوت العضوية او الاورجانبك عالية الجودة والمضغوطة على البارد.

ولو حصلت اي حكة او التهاب على الجلد يبقى في الحالة دي معناها ان بشرتك حساسة من اي مكون في خليط الزيوت اللي استخدمتيه.

الزيت كمان يعتبر مزيل مكياج مثالي جدا, يعني انتي مش محتاجة تعملي ازالة للمكياج قبل التنضيف بالزيت.

لما تبدأي في استخدام طريقة التنضيف بالزيت متضيفيش اي نوع زيت اساسي متعرفيهوش كويس او مش قارية عنه كفاية, لازم تعرفي كويس عنه قبل ما تضيفيه لخليط الزيوت بتاعك.

الفوطة او قطعة القماش اللي هتستخدميها في طريقة التنضيف بالزيت, اتأكدي انك تغسليها وتحافظي على نضافتها باستمرار, لان هيتراكم عليها بقايا الزيوت فلازم تتغسل باستمرار, وممكن تستخدمي قماش او فوطة مصنوعة من الياف دقيقة عشان ميتراكمش زيوت في النسيج بتاعها.

طريقة التنضيف بالزيت للبشرة
طريقة التنضيف بالزيت للبشرة

نصايح من بنت قدرت تعالج حب الشباب في 30 يوم بطرق طبيعية

علاج حب الشباب بطرق طبيعية
علاج حب الشباب بطرق طبيعية