موضة ال Slippers وال Sliders لموسم الصيف

بقلمريهام محمود فيموضة وأزياء 619

كل سنة الموضة بتتغير وبتنزل حاجات جديدة عن السنة اللي قبلها والنهاردة من خلال موضوعنا هنتكلم عن موضة ال Slippers وال Sliders لموسم الصيف وازاي تلبسيهم.

الصيف يعني البحر والانطلاق والخروج, وطبعا مع كل ده بنكون عايزين حاجة مريحة وفي نفس الوقت مناسبة لجو الصيف, ومن الحاجات التريندي جدا السنة دي هي موضة ال Slippers وال Sliders, نازل منهم اشكال وموديلات كتير جدا زي المرصع بالاكسسوار, او بسلاسل, او بيلمع.

ومن الموديلات الموضة جدا السنة دي الستايل اللي بفيونكة كبيرة وهنلاقي منه خامتين القطيفة والساتان, والموديل التاني التريندي جدا كمان هو الستايل الفرو, يمكن النوع ده كنا بنلبسه زمان في البيت وعمرنا ما كنا نفكر اننا نخرج بيه لكن هو نازل للخروج موضة جدا السنة دي بكل الالوان.

تقدري تلبسيهم على اي لبس عندك ممكن يتلبس مع الجينز, السروايل او البنطلونات الواسعة, الشورت, الجيبة القصيرة والماكسي, والبنطلونات القصيرة, يعني هتقدري تلبسيه على اي حاجة عندك طول الصيف.

ونازل منهم مجموعة الوان كبيرة جدا, هنلاقي الالوان الباستيل, والدهبي والفضي الميتاليك, والالوان الزاهية زي الاصفر والاورانج, بالاضافة للالوان المحايدة زي الابيض والاسود والبيج.