بالخطوات والفيديو: طريقة عمل سباجيتي بالليمون مع فراخ كرسبي
لكل البنات اللي بيحبوا السباجيتي والفراخ النهاردة هنعمل الاتنين مع بعض في وصفة سباجيتي بالليمون مع فراخ كرسبي, سهلة ولذيذة جدا ودسمة ومش هتاخد منك وقت في تحضيرها اكتر من 30 دقيقة.
سباجيتي بالليمون مع فراخ كرسبي:
وقت التحضير 30 دقيقة.
الوصفة تكفي من 4 – 6 اشخاص.
– المكونات:
2 معلقة كبيرة زيت.
4 صدور فراخ.
½ كوباية دقيق.
1 ½ كوباية جبنة بارميزان مبشورة.
1 معلقة صغيرة فلفل اسود.
2 معلقة كبيرة زبدة.
3 فصوص ثوم مفرومين.
2 كوب كريمة تقيلة Heavy cream.
عصير ليمونتين.
بشر قشر ليمونة.
الملح والفلفل حسب الرغبة.
500 جرام سباجيتي مسلوقة.
2 معلقة كبيرة بقدونس مفروم.
– طريقة التحضير:
1- اخلطي الدقيق مع كوباية من الجبنة الباميزان ومعلقة صغيرة فلفل.
2- تبلي الفراخ بالدقيق واضغطي عليها كويس.
3- هاتي طاسة ضد الالتصاق حطي فيها الزيت ولما يسخن حطي الفراخ حمريها على الجنبين لحد ما لونها يبقى بني دهبي, طلعيها في طبق وسيبيها على جنب.
4- خفضي النار على الطاسة حطي فيها الزبدة والثوم, وشوحيه شوية لحد ما تلاقي ريحة الثوم طلعت, بعدها ضيفي عصير الليمون, وسيبيه يغلي لحد ما ينقص شوية, بعدها ضيفي الكريمة وباقي الجبنة البارميزان وقلبيهم وسيبي الخليط على نار هادية لحد ما يغلي.
5- ضيفي المكرونة المسلوقة والبقدونس وتبليه بالملح والفلفل حي الرغبة.
6- قدمي المكرونة في الطبق مع شرايح الفراخ, وزينيهم من فوق بالبقدونس “اختياري”.
– الطريقة بالفيديو:
طريقة جديدة وسهلة لعمل الارز بالفراخ One Pot Chicken Rice
