روتين العناية بالشعر الكيرلي عشان تحافظي عليه صحي وقوي وشكله حلو

بقلمريهام محمود فيشعر visibility5931

دايما عند معظم البنات هنلاقي فكرة كده او معتقد ان الشعر الحلو هو الشعر المفرود, لكن الحقيقة ان الاهتمام والعناية هو اللي بيخلي الشعر حلو حتى لو مش ستريت او مفرود, لان كتير مننا طبيعة شعرهم كيرلي فبدل ما تحاولي انك تفرديه اهتمي بيه صح عشان يكون شكله حلو وصحي وبيلمع, والنهاردة من خلال موضوعنا هنساعدك في المهمة وهنقول لكل بنات حوا روتين العناية بالشعر الكيرلي واالمنتجات اللي ممكن تستخدميها عشان تحافظي عليه صحي وقوي وشكله حلو على طول.

روتين العناية بالشعر الكيرلي:

1- غسيل الشعر مرة في الاسبوع:

في بنات كتير هيشوفوا ان غسل الشعر مرة في الاسبوع قليل, لكن هو ده المناسب اكتر للشعر الكيرلي لانه لو غسلتيه اكتر من مرة خلال الاسبوع ممكن ينشف, ويبقى هايش وخشن, بالاضافة ان ممكن يحصل تهيج في فروة الراس, او يسبب قشرة الشعر, وكمان لو قدرتي تقعدي اكتر من الاسبوع يعني تغسليه كل من 2 – 3 اسابيع هيبقى افضل كمان, لان ده اكيد بيكون صعب شوية عشان الشعر هيزيت اوي وهيبقى محتاج يتغسل اكيد.

لما تيجي تغسلي شعرك بالشامبو ركزي اكتر على الجذور وممكن تسرحيه بمشط خشب سنانة واسعة لحد الاطراف, لكن الجذور هي اهم منطقة المفروض نركز عليها الشامبو, عشان هينضف اي زيوت او تراكمات في فروة الراس.

افضل الشامبوهات للشعر الكيرلي:

– The body shop’s rainforest shine shampoo.

– Kerastase Bain Oleo Curl Shampoo.

– Herbal Essences Twisted Curls Shampoos.

– Revlon Flex Gentle Cleansing Body Building Protein Shampoo.

– TRESemmé Climate Protection Shampoo.

– TRESemmé Luxurious Moisture.

– Himalaya Herbals Protein Shampoo.

-Garnier Fructis Sleek & Shine Shampoo.

روتين العناية بالشعر الكيرلي
روتين العناية بالشعر الكيرلي

2- استخدام البلسم:

البلسم مهم جدا عشان نحافظ على ترطيب الشعر ونحافظ عليه ناعم وبيلمع وخالي من اي تشابك, ومش هتحتاجي كمية اكتر من حجم العنبة للشعر كله, وبمجرد ما تحطيه هتلاقي انك بتقدري تمشي صوابعك بين خصلات الشعر بسهولة, والبلسم المفروض تستخدميه في كل مرة تغسلي فيها شعرك.

ولما تيجي تحطي البلسم  ركزي اكتر على وسط واطراف الشعر, وابعدي عن الجذور لان لو البلسم جيه عند جذور الشعر  مجرد ما هينشف هتلاقي الشعر ملزق في بعضه ودهني وشكله مش حلو.

افضل انواع البلسم للشعر الكيرلي:

– TRESemmé Luxurious Moisture Conditioner.

– L’Oreal Paris Evercurl Hydracharge Cleansing Conditioner.

– Herbal Essences Hello Hydration Moisturizing Conditioner.

– The Body Shop Rainforest Moisture Conditioner.

– Himalaya Herbals Damage Repair Protein Conditioner.

– Garnier Fructis Strengthening Conditioner Goodbye Damage.

– Dove Nutritive Solutions Anti-Frizz Oil Therapy Conditioner.

– Pantene Pro-V Total Damage Care Conditioner.

روتين العناية بالشعر الكيرلي
روتين العناية بالشعر الكيرلي

3- كريم بعد غسيل الشعر:

بعد غسل الشعر بالشامبو والبلسم هنيجي للخطوة اللي بعد الغسيل وهي استخدام كريم تصفيف الشعر بعد الغسيل, هيساعد على تغذية شعرك وهيحافظ على شكل الكيرلي.

افضل كريمات تصفيف الشعر بعد الغسيل:

– Himalaya Protein Hair Cream.

– Garnier Fructis Style Curl Sculpting Cream.

– L’Oreal Elvive Total Repair 5.

– L’Oreal Elvive Extraordinary.

– Palmers Coconut Oil Formula.

– زيت الارجان.

روتين العناية بالشعر الكيرلي
روتين العناية بالشعر الكيرلي

4- اعملي ماسك للشعر مرة في الشهر:

الخطوة دي هتدي شعرك تغذية ورطوبة زيادة, ممكن تختاري اي نوع ماسك جاهز يكون داخل فيه زيت جوز الهند او زبدة الشيا او زيت الارجان عشان يرطب الشعر.

وممكن تعملي انتي ماسك ترطيب طبيعي في البيت, ممكن تجربي ماسك زيت جوز الهند, كل اللي هتعمليه هتجيبي معلقة كبيرة من زيت جوز الهند وتدهني بيه اطراف الشعر كويس, وبعدها لمي الشعر كله كحكة وغطيه بكيس بلاستيك وسيبيه لمدة متقلش عن 30 دقيقة او ممكن تنامي بيه وتغسليه الصبح.

روتين العناية بالشعر الكيرلي
روتين العناية بالشعر الكيرلي

ممكن تشوفي من هنا 7 ماسكات بزيت الزيتون لحل كل مشاكل الشعر.

5- استخدمي حامي من الحرارة:

لو انتي بتستخدمي الحرارة لتجعيد الشعر سواء بالسيشوار او الكيرلر يبقى لازم تستخدمي حامي من الحرارة, رشيه على الشعر كله قبل استخدام الحرارة عليه, لان تعرض الشعر للحرارة من غير حماية ممكن يسبب جفافة وتلفه وهيبطء نموه, لكن الحامي من الحرارة هيحمي الشعر وهيحافظ عليه صحي وبيلمع.

وممكن تستخدمي حامي من الحرارة من تيرسميه للشعر الكيرلي TRESemme Heat Tamer Spray.

روتين العناية بالشعر الكيرلي
روتين العناية بالشعر الكيرلي

الفرق بين الانواع المختلفة للشعر الكيرلي..واعرفي شعرك اي نوع فيهم

انواع الشعر الكيرلي