نصايح وأفكار ازاى تترقي في شغلك وتوصلى لمناصب أعلى

آية حسان
آية حسان
1192

كلنا بنشتغل و نجتهد وبنرضى باللقليل فى الاول عشان دايما عندنا أمل انه الكتير هييجى قدام وانه ربنا أكيد هيعوض تعبنا، لكن الانتظار من غير ما تبقى شجاعة وتاخدى خطوة، ومن غير ما تشتغلى على نفسك وتطورى منها عشان تتقدمى مش هيوصلك لحاجة، فلو كنتى بتفكرى تترقى او حاسه انه في ترقية جاية فى الطريق وانتى فعلا تستاهليها لكن مش عارفة توصليلها ازاى؟ فى المقال ده احنا هنساعدك.. اعرفى معانا نصايح وأفكار ازاى تترقي في شغلك وتوصلى لمناصب أعلى

نصايح وأفكار ازاى تترقي في شغلك وتوصلى لمناصب أعلى

1- خليكي مجتهدة:

مستوى آدائك لوظيفتك دلوقتي، هيعتمد عليه تترقي ولا ليه و هيعتمد عليه كمان الصورة او الانطباع اللي هيكونوه عنك رؤساؤك، وتقارير شغلك لما تبقى كويسة وسمعتك او لما يبقى معروف عنك انك موظفة مجتهدة وشاطرة ده هيزكيكي عند مديرينك وهيخليهم يفكروا فيكي لما يحبوا يرقوا حد، لازم تبقى مجتهدة في شغلك. 

خليكي مجتهدة
خليكي مجتهدة

2- خليكي دايما جزء من الفريق:

حاولى تبقى دايما جزء من الفريق اللى انتى موجودة فيه، اتطوعى انك تساعدى زمايلك فى المشروع اللى هما شغالين عليه، اعرضى انك تساعدى مديرك لو سمحلك بده، الحاجات دى هتساعد انك تتعرفي على انك شخص متعاون وبيحب يساعد الناس و ده هيخلى زمايلك يحبوا يشتغلوا معاكى.

خليكي دايما جزء من الفريق
خليكي دايما جزء من الفريق

3- ماتتأخريش عن الشغل:

قاعدة مهم جدا تعرفيها علشان تعرفى ازاى تترقي في شغلك هى انك توصلى الشغل دايما في ميعادك، و ماتاخديش اجازات اكتر من المتاح ليكي، لو اتعرف عنك انك شخص دايما بيتأخر و بيتهرب من الشغل بانه بياخد اجازات كتيرة وغير مبرره ده مش هيبقى مفيد أبدا. 

4- خليكي اجتماعية : 

مهم اوى انك تبقى شخص اجتماعي، احضري تجمعات الشغل والحفلات، لأنه كل ما تتواصلي مع الناس فى المكان اللى بتشتغلى فيه ده هيخليهم يعرفوكى أكتر وهيخليهم يفتكروكى لما يفكروا فى علاوة  او ترقية، المديرين عادة بيميلوا الى انهم يرقوا موظف يكونوا بيعرفوه عن انهم يرقوا موظف عشوائى مفيش بينه وبينهم معرفة شخصية حتى لو كان شاطر. 

خليكي اجتماعية
خليكي اجتماعية

5- كملى تعليمك: 

حاجة كمان مهم تعمليها عشان تعرفى ازاى تترقي في شغلك هى ان لو الشركة او المكان اللى انتى شغاله فيه بيوفر فرص لكورسات او تدريب احضريهم واستفيدى منهم على قد ما تقدرى، ولو مهاراتك محتاجة تتطور وتزيد مهم تكملى تعليمك بالكورسات و الورش عشان تطوريها و بالتالى آدائك فى الشغل يتطور وده يزود فرصك فى الترقية. 

6- ازاى تطلبي انك تترقي؟ 

في العادى المديريرن بيرقوا الموظفين من نفسهم وده بيبقى مريح أكتر طبعا، لكن لو ده ماحصلش في بعض الشركات بيبقى لازم تتقدمى لطلب الترقية بأنك تملى أبليكيشن وتعلمى انترفيو تشرحى فيها انتى ليه مناسبة للمنصب الجديد، ولو مش ده اللى بيحصل فى شركتك برده بقى ممكن تطلبى من مديرك انه يرقيكى لو في منصب متاح وانتى شايفه انك مناسبة ليه فعلا. 

7- خلكيى جاهزة للطلب : 

لو محتاجة كورس او ورشة او لو محتاجة انك تقوي نفسك فى حاجة معينة ضرورية للوظيفة الجديدة يبقى لازم قبل ما تتقدمى او تطلبي الترقية تعمليها وتبقى جاهزة على قد ما تقدرى للوظيفة الجديدة عشان تبقى فرصك قوية و ماتضيعش من ايدك، خليكى دايما جاهزة للطلب. 

8- اتناقشي مع مديرك : 

اتناقشي مع مديرك بخصوص العلاوة او الترقية فى الوقت المناسب وبطريقة لطيفة تبان انها نقاش فعلا مش وكأنك داخله خناقة. 

اتناقشي مع مديرك
اتناقشي مع مديرك

9- خلي أوراقك جاهزة:

دايما اعملى update للـ CV بتاعك أول بأول وخلى أى مستندات شخصية بيطلبوها فى الشغل وأى أوراق ضرورية عشان تتقدمي لمنصب جديد جاهزة و مظبوطة عشان ماتتعطليش في استخراج الأوراق او فى الإجراءات الحكومية، خليكى دايما مستعدة.. ماحدش عارف امتى الفرصة ممكن تيجي! 

خلي أوراقك جاهزة
خلي أوراقك جاهزة

مقالات متعلقه

ضغط الشغل سببلك أرق وقلة النوم، هنقولك تعملي إيه

ضغط الشغل سببلك أرق وقلة النوم، هنقولك تعملي إيه

حاسه يومك كله بيضيع على الشغل؟ اعرفي إزاي تتكلمي مع رئيسك عن الحدود بين الشغل والحياة

حاسه يومك كله بيضيع على الشغل؟ اعرفي إزاي تتكلمي مع رئيسك عن الحدود بين الشغل والحياة

كلمات ما ينفعش تقوليها في الانترفيو.. اعرفيها واتجنبيها

كلمات ما ينفعش تقوليها في الانترفيو.. اعرفيها واتجنبيها