5 اسباب علمية ليه بتفضلي حاسة بتعب اول ما تصحي من النوم الصبح

ريهام محمود
ريهام محمود
في
صحة
17873

لما تنامي من سبع لتسع ساعات يعني يعتبر واخدة ساعات نومك اللي انتي محتاجاها, بشكل عام المفروض هتقومي الصبح نشيطة وان كان في شوية كسل الطبيعين اللي بيكونوا الصبح عندنا كلنا هيروحوا مجرد ما تاخدي شاور وتشربي فنجان قهوة, لكن لو انتي بعد ده كله حاسه بتعب وده بيشمل ارتباك ونسيان وقلة تركيز وصداع وهتحسي ان مودك مش حلو, ده اكيد هيكون ليه سبب وده اللي هنعرفه النهاردة من خلال موضوعنا هنقولك ليه بتقومي تعبانة الصبح برغم انك نايمة عدد ساعات كفاية, وازاي تتخلصي من الشعور بالتعب.

ليه بتقومي تعبانة الصبح:

1- نوعية النوم:

ممكن يحصل عند كتير مننا اضطراب ومشاكل في النوم كذا يوم في الاسبوع, برغم اننا ممكن نكون نايمين كفاية لكن مثلا بنعاني من نوم متقطع او نايمين في جو مش مساعد اننا ننام نوم عميق وبالتالي ده هيخلينا نصحي تعبانين تاني يوم, بالاضافة طبعا لعدد ساعات النوم المفروض تكون بين 7 – 9 ساعات للشخص البالغ لان من غير نوم عدد ساعات كفاية المخ والجسم مش هيتجددوا, والعقل هيبقى استيعابه بطيء, وحركة الجسم كمان هتبقى بطيئة, والمود بشكل عام هيكون مش حلو.

الحل: عشان نحل المشكلة دي لازم نعمل روتين يومي للنوم يعني ننام ونصحى في نفس التوقيت كل يوم, حتى في ايام الاجازات نمشي على نفس النظام, وممكن تعملي روتين كل ليلة يساعدك على النوم بسرعة زي مثلا تاخدي شاور, الاضواء تبقى خافتة, او تطفي النور, تقري لمدة 30 دقيقة كل يوم قبل النوم.

ليه بتقومي تعبانة الصبح 1
ليه بتقومي تعبانة الصبح 1

2- سوء التغذية / او نظام غذائي غير صحي:

على الرغم من انك ممكن تكوني بتاكلي اكل صحي, لكن ده مش معناه انك بتاخدي كمية العناصر الغذائية اللي لازماكي, ونقص التغذية يعتبر واحد من اسباب التعب الصبح.

الحل: اتأكدي انك بتاكلي اكلات صحية وماشية على نظام غذائي متوازن, ممكن تاخدي مكملات غذائية عشان تعوضي نقص الفيتامينات, تعتبر فيتامينات A, C, B12, بالاضافة للمغنسيوم والكالسيوم والزنك من اهم الفيتامينات لصحة المخ.

ليه بتقومي تعبانة الصبح 2
ليه بتقومي تعبانة الصبح 2

3- القلق المزمن:

اكيد مافيش حد فينا مش بيعاني من القلق والضغوط سواء بسبب الشغل او الدراسة او غيرها, لكن القلق لما بيتحول لقلق مزمن هنا بتكون المشكلة وده بيخلينا منامش نوم صحي, وبالتالي هنقوم تاني يوم تعبانين.

الحل: حاولي انك تنظمي وقتك وتعملي جدول زمني لكل الحاجات اللي وراكي, لان ده هيخليكي تقدري تتحكمي في وقتك اكتر وبشكل صح, ويومك يبقى منظم على اساس الجدول ده, وممكن تحاولي تمارسي اي حاجة تقلل من التوتر زي مثلا ممارسة الرياضة, اليوجا, التأمل, وغيرها من الانشطة اللي ممكن تساعدك على التخلص من القلق.

ليه بتقومي تعبانة الصبح 3
ليه بتقومي تعبانة الصبح 3

4- اسلوب حياتك:

اسلوب الحياة الغير صحي ده ممكن يأدي في النهاية لنوم غير صحي, عشان كده لازم اسلوب حياتنا يكون صحي اكتر ونحاول نحافظ على ممارسة التمارين الرياضية بانتظام, حتى التمارين البسيطة بتساعد على اطلاق هرمون الاندروفين وبتساعد على توازن الكوتيزول, وده اللي بيخلينا بنحس بشعور احسن بعد التمارين, وبيقلل من الاجهاد, لان في علاقة ثابتة ما بين التمرين والقوة العقلية.

الحل: زي ما قولنا زودي حاولي ممارسة التمارين الرياضية بانتظام, ومش شرط تكون تمارين عنيفة او تدريب لعدد ساعات طويلة, مجرد المشي السريع يوميا من 15 – 30 دقيقة هيخلينا نحس بشعور احسن وهيقلل الاجهاد والتوتر, واكيد تقدري تزودي التمارين او تتمرني اكتر كل ما تلاقي عندك وقت.

ليه بتقومي تعبانة الصبح 4
ليه بتقومي تعبانة الصبح 4

5- جفاف الجسم:

حطي دايما في اعتبارك الاحصائية دي ان لو انخفضت مستويات المية في الجسم بنسبة 2% بس ده هيأثر على الانتباه والذاكرة, لان المية بتدي المخ الطاقة الكهربائية اللي محتاجها عشان كل وظائف المخ تشتغل بشكل سليم, بما فيهم التفكير والذاكرة, والمية كمان مطلوبة عشان تنتج الناقلات العصبية والهرمونات في المخ.

الحل: وحل المشكلة دي بسيط جدا انك تبقي معاكي ازازة مية في كل مكان وفي كل الاوقات, او تخلي ازازة مية في كل مكان انتي بتقضي فيه وقت كبير, عشان دايما تبقى قدامك ومتنسيش تشربي, ولما تاخدي كفايتك اليومية من المية ده هينعكس بشكل ايجابي على المخ وهيخليكي مركزة اكتر, وهيساعد على سرعة التفكير وهيزود من الابداع.

ليه بتقومي تعبانة الصبح 5
ليه بتقومي تعبانة الصبح 5

10 حاجات المتخصصين بينصحوا متعمليهاش قبل النوم

عادات غلط بتسبب الارق
عادات غلط بتسبب الارق

مقالات متعلقه

افضل وصفات شاي هتساعدك على النوم

افضل وصفات شاي هتساعدك على النوم

8 اوضاع يوجا هندية هتساعدك على النوم بعمق

8 اوضاع يوجا هندية هتساعدك على النوم بعمق

ازاي توقفي التفكير اللي بيخليكي صاحية طول الليل

ازاي توقفي التفكير اللي بيخليكي صاحية طول الليل