طريقة استخدام الديرما رولر لتجديد البشرة..واتعرفي على كل فوايدها

ريهام محمود
ريهام محمود
في
بشرة
3550

الديرما رولر من الحاجات اللي ظهرت في عالم تجميل البشرة من فترة والميزة فيها انك ممكن تستخدميها في البيت بكل سهولة, والنهاردة من خلال موضوعنا هنتعرف على طريقة استخدام الديرما رولر وفوايدها للبشرة.

– تعالوا نتعرف الاول على فوايد الديرما رولر:

1- بتساعد على تجديد البشرة, وعلاج التجاعيد والخطوط الرفيعة.

2- علاج الندبات واثار حب الشباب.

3- علاج الكلف.

4- علاج اثار الشمس.

5- علاج اثار التدخين السلبية على البشرة.

6- شد الجلد.

7- علاج علامات التمدد على البشرة.

8- علاج السيلوليت.

9- علاج الصلع الوراثي, والثعلبة.

طريقة استخدام الديرما رولر 1
طريقة استخدام الديرما رولر 1

– ازاي الديرما رولر بتشتغل على البشرة:

قبل ما نعرف طريقة استخدامها هنعرف الاول هي ازاي بتشتغل على البشرة, الديرما رولر من الاجهزة اللي بتعتمد على تقنية المايكرونيدل والتقنية دي تعتبر واحدة من تقنيات الميزوثيرابي وهي تقنية علاجية بسيطة وفي نفس الوقت آمنة على البشرة وفعالة لتجديد شباب البشرة وعلاج الحبوب والندبات وعلامات التمدد والسيلوليت وكل الفوايد اللي احنا قولناها وحتى كمان بتعالج ثعلبة الشعر, والميزة فيها انها مناسبة لكل انواع البشرة, ومش بتسبب اي تصبغ للجلد زي تقنيات تانية للبشرة.

وتقنية المايكرونيدل عبارة عن استخدام الوخز على البشرة بابرة رفيعة لتحفيز الكولاجين الموجود في البشرة ومن هنا جت فكرة الديرما رولر اللي ممكن نستخدمها في البيت بكل سهولة, وهي عبارة عن مجموعة ابر رفيعة بتوصل تقريبا ل 540 ابرة, بتعمل ثقوب صغيرة على البشرة وبتخترق سطح الجلد وده بيدي المخ اشارات لتحفيز الكولاجين, واصلاح خلايا البشرة, اللي بيأدي لظهور طبقة جديدة من البشرة صحية وخالية من العيوب.

والابر دي بيكون ليها اطوال مختلفة حسب المشكلة اللي بتعالجيها, يعني مثلا علاج ندبات واثار حب الشباب بتحتاج ابر طولها ما بين 1 – 2 ملم, ولتجديد البشرة مش هتحتاجي اكتر من ابرة طولة 0.5 ملم.

طريقة استخدام الديرما رولر 2
طريقة استخدام الديرما رولر 2

– دلوقتي تعالوا نشوف طريقة استخدام الديرما رولر واهم النصايح لاستخدامها:

1- اعرفي حجم الابرة المناسبة:

اول حاجة عشان تجيب معاكي نتيجة يبقى لازم تعرفي طول الابرة المناسبة, لان كل طول ابرة مناسب لمنطقة معينة على البشرة, عادة الابر اللي طولها قصير مناسبة لمنطقة العين والرقبة وضهر الايد, والابر الاطول بتستخدم لمنطقة البطن والاطراف ومنطقة ضهر القدم لان المناطق دي الجلد فيها بيكون سميك عشان كده محتاج ابر اطول لتحفيز انتاج الكولاجين والايلاستين.

– وحجم ابر الديرما رولر بيبتدي من 0.20 ملم, لحد 3.0 ملم.

– الحجم المناسب للوش يكون ما بين 0.50 – 0.75 – 1.0 ملم.

– لمنطقة حوالين العين استخدمي الحجم ما بين 0.20 – 0.25 – 0.50 ملم.

– لعلامات التمدد والسيلوليت والاثار بالجسم استخدمي حجم الابر من اول 1.5 ملم لحد من 2.5 – 3.0 ملم.

– الاحجام المناسبة لفروة راس الشعر استخدمي الاحجام الصغيرة ما بين 0.20 – 0.25 – 0.50 ملم.

طريقة استخدام الديرما رولر 3
طريقة استخدام الديرما رولر 3

2- اختيار ماركة الديرما رولر:

هنلاقي في السوق ماركات ديرما رولر كتير, ويعتبر من افضل الماركات اللي بنرشحهالكم هي FDA, ZGTS, MT, MRS, RC, DR.

وتعتبر افضل مادة اللي مصنوع منها الابر هي التيتانيوم ويجي بعدها الستانلس ستيل.

طريقة استخدام الديرما رولر 4
طريقة استخدام الديرما رولر 4

3- اختيار افضل منتجات العناية المناسبة للبشرة:

عشان نوصل لافضل النتايج من الديرما رولر لازم نختار المنتجات المناسبة لبشرتنا من سيروم وكريمات ومرطبات لان الديرما بتساعد على امتصاصها بشكل افضل.

طريقة استخدام الديرما رولر 5
طريقة استخدام الديرما رولر 5

4- تطهير الديرما رولر قبل استخدامها:

لازم ننضفها ونطهرها كويس قبل الاستخدام عشان نمنع اي تلوث او عدوى, وممكن نستخدم لتطهيرها كحول طبي بنسبة 70% او مية الاكسجين انقعيها فيه لمدة 3 دقايق, وبعد ما تطهريها متحطيهاش على اي سطح ممكن يلوثها تاني او ينقلها اي حاجة تتنقل لبشرتك يعني طهريها قبل الاستخدام على طول.

طريقة استخدام الديرما رولر 6
طريقة استخدام الديرما رولر 6

5- تحضير البشرة:

عشان توصلي لافضل النتايج لازم تجهزي بشرتك قبل استخدام الديرما رولر بغسلها بنوع الغسول المناسب لنوع بشرتك.

طريقة استخدام الديرما رولر 7
طريقة استخدام الديرما رولر 7

6- ادهني البشرة بسيروم او اي منتج للبشرة:

بعد غسل البشرة وتجفيفها, ادهنيها بطبقتين من اي نوع سيروم بتستخدميه للبشرة, او كريم.

طريقة استخدام الديرما رولر 8
طريقة استخدام الديرما رولر 8

7- تكنيك استخدام الديرما رولر على البشرة بشكل صح:

دلوقتي هنيجي لخطوة استخدام الديرما رولر, مرري العجلة على البشرة مع ضغط خفيف جدا وسرعة متوسطة بحيث انك تحسي بوخزات خفيفة وانتي بتمشيها على بشرتك, مرريها على البشرة في اتجاه رأسي وافقي وقطري من 3 – 4 مرات لكل منطقة, واتأكدي انك بتمرريها بشكل صح على البشرة عشان متسببش اي ندبات او اثار جانبية.

واحيانا مكان الوخز بيظهر نقط دم بسيطة على البشرة, في الحالة دي ممكن تغسلي بشرتك بالغسول بعد الاستخدام قبل ما تعملي الخطوة الجاية.

طريقة استخدام الديرما رولر 9
طريقة استخدام الديرما رولر 9

8- تطبيق طبقة تانية من السيروم:

عشان توصلي لافضل النتايج حطي طبقة تانية من السيروم بعد استخدام الديرما, ولو بشرتك مش حساسة من كريمات الريتينول ممكن تحطي طبقة منه على البشرة قبل النوم, والافضل متستخدميش واقي الشمس او كريمات مرطبة بعد استخدام الديرما رولر على طول لانها بتكون تقيلة على البشرة الى حد ما, ممكن تستخدمي تاني يوم الصبح, عشان كده الافضل انك تستخدميها بالليل وتحطي بعدها السيروم او منتجات العناية الليلية بالبشرة.

طريقة استخدام الديرما رولر 10
طريقة استخدام الديرما رولر 10

9- عدد مرات استخدام الديرما رولر:

عدد مرات الاستخدام بتتحدد حسب حجم الابر, كل ما قل حجم الابرة زادت مرات الاستخدام.

– للاحجام الصغيرة من 0.20 – 0.50 بتستخدم مرتين في الاسبوع.

– لحجم الابرة ال 0.50 ملم تستخدم من مرة لمرتين في الاسبوع.

– لحجم الابرة ال 0.75 ملم تستخدم مرة كل كل اسبوعين.

– لحجم الابرة 1.0 ملم تستخدم مرة كل اسبوعين او 3 اسابيع.

– لحجم الابرة من اول 1.5 فيما فوق تستخدم مرة كل 4 – 8 اسابيع.

طريقة استخدام الديرما رولر 11
طريقة استخدام الديرما رولر 11

10- طهري الديرما رولر بعد الاستخدام:

بعد الاستخدام نضفيها تاني بالكحول الطبي, واحفظيها في غلبة بلاستيك عشان تضمني انها تفضل نضيفة.

طريقة استخدام الديرما رولر 12
طريقة استخدام الديرما رولر 12

11- متنسيش ترطيب البشرة:

استخدام مرطب البشرة على طول مهم جدا لان المرطب بيحسن حالة البشرة بشكل عام وبيخليها تتقبل الديرما رولر اكتر وتجيب نتايج احسن, اختاري مرطب مناسب لنوع بشرتك.

ومتشاركيش الديرما رولر بتاعتك مع حد ابدا حتى بعد التطهير لان ده ممكن ينقل عدوى او بكتيريا ممكن تضر الجلد, لازم تكون لاستخدامك الشخصي بس.

طريقة استخدام الديرما رولر 13
طريقة استخدام الديرما رولر 13

12- اتأكدي ان ابر الديرما رولر سليمة:

كل فترة لازم تبصي على الابر بتاعتها عشان تتأكدي انها سليمة مافيش اي ابر مكسورة, وفي حالة ان في ابر مكسورة لازم تتخلصي منها وتجيبي واحدة جديدة, لانها ممكن تسبب التهاب وعدوى للبشرة.

طريقة استخدام الديرما رولر 14
طريقة استخدام الديرما رولر 14

13- النتايج:

اولا الميزة في الديرما رولر بعكس العلاجات التانية لتجديد البشرة اللي بتكوني مش قادرة تمارسي نشاطاتك اليومية بشكل طبيعي غير بعدها لاكتر من اسبوعين, لكن في جلسة الديرما انتي مش محتاجة غير من 2 – 4 ايام بس حسب حجم المساحة المعالجة, وثبت فعليا ان الديرما فعالة جدا في علاج الندوب اثار الحبوب وكل علامات الجلد, وهتشوفي نتايج ملحوظة بعد استخدامها في خلال ايام قليلة.

طريقة استخدام الديرما رولر 15
طريقة استخدام الديرما رولر 15

طرق عمل سيروم بمكونات طبيعية لكل انواع البشرة

طرق عمل سيروم البشرة
طرق عمل سيروم البشرة

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير