ايه هو ال Eyelash lift..اعرفي معانا كل حاجة عنه

بقلمريهام محمود فيمكياج visibility1520

زي ما سمعنا وانتشر مصطلح او تقنية الميكرو بليدنج للحواجب, دلوقتي فيه تريند جديد للرموش اسمه ال Eyelash lift, وهو علاج بيساعد على رفع الرموش وتطويلها بشكل طبيعي, والنهاردة من خلال موضوعنا هنتعرف على تقنية ال Eyelash lift بالتفصيل ايه هي وازاي بتتعمل.

– ايه هي تقنية ال Eyelash lift؟

التقنية دي هي علاج للرموش بالكيراتين بتساعد على رفع وتطويل الرموش بشكل طبيعي من غير مواد كيميائية قاسية او مضره على الرموش ومن غير اي الم لان الجلسة بسيطة جدا, وهتخليكي بعدها مش هتحتاجي تستخدمي ماسكارا او تركبي رموش صناعية او تستخدمي اداة تني الرموش.

– هل تقدري تختاري شكل وحجم الرموش؟

العلاج فيه 3 اختيارات لحجم الرموش, يعني تقدري تختاري الشكل وطول الرموش اللي يناسبك ويناسب شكل عينك اكتر.

– ازاي تستعدي قبل ما تعملي ال Eyelash lift?

لو قررتي تعملي العلاج ده يبقى لازم قبلها ب 3 ايام متستخدميش ماسكارا ضد المية او اداة تني الرموش, عشان تضمني ان الرموش تكون طبيعية وجافة عشان توصلي لافضل النتايج.

– بتاخد وقت قد ايه؟

الجلسة بتاخد حوالي ساعة, ولو هتعملي لون خفيف للرموش هتاخد تقريبا حوالي ساعة وربع.

Eyelash lift
Eyelash lift

– هل في تعليمات بعد العلاج؟

بعد العلاج الافضل ان الرموش متتبلش لمدة 48 ساعة عشان توصلي لافضل النتايج, لان خلال الفترة دي المادة اللي بتستخدم في العلاج بتكون لسه نشطة, وتأثير الرفع لسه شغال على الرموش, بعدها تقدري تتعاملي معاها بحريه وممكن تحطي ماسكارا لو عايزة ومكياج بشكل طبيعي وعادي جدا.

Eyelash lift
Eyelash lift

– بيستمر قد ايه؟

رفع الرموش بيستمر تقريبا من 2 – 3 شهور, ونتايج العلاج بتكون فورية على طول بعد الجلسة وهتشوفي نتايج بشكل واضح جدا خلال الشهر الاول, ولان الشخص العادي تقريبا بيفقد يوميا من 4 – 5 رموش, عشان كده في خلال  5 اسابيع من العلاج من 30 – 40% من الرموش دي هيطلع مكانها رموش جديدة, وعشان الرموش الجديدة الغير معالجة اللي هتطلع تكون قوية ممكن تستخدمي ماسكارا الكيراتين المعالجة للرموش وهنلاقي النوع ده في ماركة Yumi lashes.

Eyelash lift
Eyelash lift

– امتى تقدري تكرري العلاج مرة تانية؟

لان العلاج زي ما قولنا بيحتاج ان الرموش تكون طبيعية وصحية, فالمتخصصين بينصحوا انها ممكن تتعمل تاني بعد 8 اسابيع, عشان يكون في وقت كافي للتخلص من الرموش القديمة.

– تكلفتها قد ايه؟

تكلفتها تقريبا بتكون في حدود 150 دولار يعني تقريبا حوالي 2600 جنية.

Eyelash lift
Eyelash lift

– تعالوا نشوف مع بعض مجموعة صور قبل وبعد علاج رفع الرموش:

– طريقة جلسة علاج ال Eyelash lift بالفيديو:

10 طرق طبيعية لتطويل وتكثيف الرموش

طرق طبيعية لتطويل وتكثيف الرموش