افكار لبس كاجوال للصيف

بقلمريهام محمود فيموضة وأزياء visibility2096

زي ما دايما عودناكم نجيبلكم كل جديد في الموضة, النهاردة هنشوف مع بعض من خلال موضوعنا افكار لبس كاجوال للصيف, عشان تستوحي منها افكار للوك بتاعك.

الصيف السنة دي منوع جدا ومناسب لكل الاذواق, غير السنين اللي فاتت اللي كانت بتبقى في حاجات معينة مسيطرة على موضة الصيف لكن السنة دي هنلاقي فيه تنوع جدا في الاذواق.

هنلاقي ستايل الاوف شولدر اللي معانا من السنة اللي فاتت ومكمل كمان الموسم ده, وستايل البلوزات المقلمة والكاروه كمان من الحاجات التريندي جدا.

كمان الكاريدجان الطويل, والفيست من القطع الموضة جدا للموسم ده, اللي تقدري تنسقيه على الجينز وشيميز او بلوزة او تيشيرت يعني تقدري تلبسيه باكتر من لوك.

بالنسبة للبنطلونات موضة السراويل او البنطلون الواسعة مكتسحة الموسم ده وهنلاقي منها المقلم, او المشجر, اللي تقدري تنسقيهم على بلوزة قصيرة او تيشيرت بلون من الوان البنطلون وتدخليه من جوه البنطلون, او تدخلي جزء منه من قدام وتسيبي الباقي يعني اختاري الستايل اللي تفضليه للبسه.

الفساتين الماكسي والجيبات الماكسي بالخامات الخفيفة زي الشيفون كمان من الحاجات الموضة والمناسبة جدا لموسم الصيف بألوانها الزاهية.

طبعا مننساش نكمل اللوك بتاعنا بالشوز المناسب والافضل للصيف تلبسي الشوزات المفتوحة او السابوهات, مع اختيار الاكسسوار بلون مناسب للبس.

تعالوا نشوف مع بعض بالصور افكار لبس كاجوال للصيف:

صور وأفكار outfits صباحية للصيف

صور وأفكار outfits صباحية للصيف
صور وأفكار outfits صباحية للصيف