10 انواع اكل هتساعدك على تحسين مودك ومنع القلق والاكتئاب
يعتبر القلق والاكتئاب وتقلب المزاج من اكتر الحاجات اللي معظمن بيمر بيها بسبب ضغوطات الحياة عموما, لكن الخبر الحلو اننا ممكن نحسن مودنا بالاكل, والنهاردة من خلال موضوعنا هنقولك على اكلات بتحسن المود وتخليكي تحسي بسعادة وايجابية اكتر لما تاكليها عشان تحطيها في نظامم الغذائي بشكل يومي, وهنقولك الاكلات اللي من الافضل انك تتجنبيها.
اكلات بتحسن المود:
1- البطاطس الشيبسي vs الفيشار:
البطاطس الشيبسي تعتبر اختيار غير صحي كوجبة خفيفة, لانها مقلية ومشبعة بكمية كبيرة من الاحماض الدهنية اوميجا 6, والاحماض دي هتخليكي تحسي بمود مش حلو لانها بتمنع امتصاص اوميجا 3 اللي بيحسن المزاج, وعشان تحسني مودك استبدلي الشيبسي بالفيشار, الفيشار غني بالكربوهيدرات اللي بتساعد على رفع مستويات السيروتونين, وده هيخليكي تحسي بسعادة واسترخاء اكتر.
2- الشوكولاتة بالحليب vs الشوكولاتة الغامقة:
الشوكولاتة الغامقة بتحتوي على مركب Anandamide اللي بيساعد على الشعور بالهدوء والاسترخاء, وبتمنع مشاعر الحزن والالم, ولافضل نتايج اختاري الشوكولاتة الغامقة اللي ميقلش فيها نسبة الكاكاو عن 72%, واقل من 5 جرام سكر, والابحاث اظهرت انه الاشخاص بعد اكل الشوكولاتة الغامقة مش بس بتحسن مزاجهم لكن كمان بتخليهم عايزين يساعدوا غيرهم بشكل اكتر.
3- الموز الاورجانيك او العضوي vs الموز الغير عضوي:
الموز بيحتوي على عناصر بتساعد على تحسين المزاج زي فيتامين B6 والدوبامين, وموزة واحدة كل يوم الصبح كفيلة انها تخلي مزاجك حلو جدا طول اليوم, لكن الافضل انك تختاري الموز الاورجانيك او العضوي اللي بيكون مش مرشوش مبيدات او مواد كيميائية, لان في الغالب الفاكهة والخضروات الغير عضوية بتحتوي على جرعة كبيرة من السموم العصبية اللي ممكن تأثر بشكل سلبي على مزاجك.
4- المشروبات الغازية vs الشاي الاخضر:
اكيد كلنا عارفين ان المشروبات الغازية مش كويسة للصحة عموما, وللحالة المزاجية كمان, ولان المشروبات دي بتحتوي على نسبة عالية من الكربوهيدرات اللي ممكن تعزز او تحسن المزاج بشكل سريع, لكن الارتفاع ده في مستوى السكر هينهار بشكل اسرع من انه يرتفع, وده هيخليكي تحسي بتحول مزاجي مفاجيء يعني هتبقي مبسوطة لفترة قصيرة جدا وبعدين مودك هينزل تاني بسرعة, وكبديل للصودا جربي اشربي شاي اخضر, الثيانين اللي موجود في الشاي الاخضر بيساعد على محاربة القلق, وهيخليكي تحسي باسترخاء اكتر.
5- اللحوم المصنعة vs السلمون:
عادة اللحوم المصنعة بيتم تصنيعها من حيوانات مش متغذية بشكل صحي, بالاضافة انها بتكون محقونة بمواد حافظة ونترات واصباغ معروف انها بتسبب الاكتئاب وتقلبات المزاج, وبديل لده كلي سمك السلمون لانه بيحتوي على فيتامين D والاحماض الدهنية اوميجا 3, وهما من المغذيات اللي ثبت انهم بتزود من مستويات الناقل العصبي الحساس السيروتونين اللي بيساعد على الاحساس بالسعادة والاسترخاء وبيمنع الاكتئاب.
6- السكر والمحليات الصناعية vs العسل:
مافيش شك ان السكر بيدي طعم حلو لاي حاجة يضاف ليها لكن من ناحية تانية هو غير صحي, ولو بنحاول اننا نتجنبه في مشروباتنا زي القهوة والشاي, لكن ممكن نكون بناكله في حاجات تانية وبيدخل في وجباتنا على شكل مثلا بار الجرانولا والخبز, والسكر ممكن يحسن المود لكن بشكل مؤقت ولوقت قصير, ولما هينزل مستوى السكر هتبدأي تحسي بالقلق والاكتئاب, وكمان اكل السكر بكميات كبيرة بيقلل من قدرة الجسم على محاربة الاجهاد, والبديل الصحي ليه هو العسل لانه بيحتوي على عناصر بتمنع الاكتئاب عن طريق تقليل الالتهاب في المخ.
7- المكسرات المملحة vs الكريز:
الكريز مصدر غني جدا بالميلاتونين, وده الهرمون اللي بيساعد على النوم بشكل كويس, والكريز كمان يعتبر من المسكنات الطبيعية اللي بتساعد على الراحة والاسترخاء, عشان كده بدل الفول السوداني والمكسرات المملحة اللي بتحتوي على نسبة عالية من الصوديوم والجلوتامات احادية الصوديوم اللي معروف عنها انها بتسبب الصداع وتقلب المزاج, كلي كريز اللي هيساعدك على تحسين مزاجك.
8- اللحوم الباردة vs المطبوخة:
اللحوم الباردة ممكن تكون اختيار سهل ولذيذ, لكن المواد الحافظة والملونات المضافة ليها ممكن تسبب صداع وتقلبات في المزاج, والافضل والاكتر امان ليكي هو طبخها بدل اكلها نية.
9- زبادي الصويا vs السبانخ:
زبادي الصويا اللي بتتعمل من حليب الصويا, هي اكيد من الحاجات اللي بتساعد الجهاز الهضمي, لكن كمان بتحتوي على الاحماض الدهنية الاوميجا 6 اللي بتمنع الاحماض الدهنية الاوميجا 3, لكن السبانخ غنية بالاوميجا 3 والفولات اللي بتنظم المزاج من خلال زيادة هرمون السيروتونين “هرمون السعادة”.
10- الملح vs الفلفل الاسود المطحون:
الخبراء كلهم بيحذروا من اكل كمية كبيرة من الملح لانه مرتبط بارتفاع ضغط الدم واللي بيأدي في النهاية لمزاج سيء, لكن الفلفل الاسود اللي يعتبر نوع تاني من التوابل اللي ممكن تضيفيه لاكلاتك هو عكس الملح مش هيخليكي تحسي بالاكتئاب, لان الفلفل الاسود بيحتوي على مركب بيبيرين اللي ثبت انه بيمنع الاكتئاب وبيخلي المخ يأدي وظايفه بشكل احسن.
– اشربي كمية مية كفاية:
نصيحتنا الاخيرة ليكي او في مشروب سحري للجسم فهيكون هو المية, لان شرب كمية كافية من المية مش بس بيحافظ على صحة الجسم, لكن كمان بيمنع القلق والاكتئاب, واثبتت الدراسات ان كل ما زادت كمية المية اللي بيشربها الشخص يوميا قلت نسبة تعرضه للقلق والاكتئاب بشكل كبير جدا او حتى انها بتبعد القلق والاكتئاب تماما.
هل الفاكهة مفيدة ولا مضرة لصحتك ؟ اعرفي معانا
