بالفيديو والخطوات: طريقة عمل بيتزا البطاطس

بقلمريهام محمود فيمطبخ visibility300

لو انتي من عشاق البيتزا والبطاطس, النهاردة جمعنالك الاتنين في وصفة واحدة وهنقولك طريقة عمل بيتزا البطاطس طريقة جديدة وسهلة وطعمها لذيذ.

طريقة عمل بيتزا البطاطس:

– المكونات:

معلقة كبيرة زبدة.

2 معلقة كبيرة دقيق.

1 معلقة صغيرة ثوم بودر.

1 معلقة كبيرة اعشاب ايطالية “هتلاقوها في الهايبر ماركت”.

½ كوب لبن.

1 كوباية Heavy cream.

1 ½ كوب صلصة بيتزا.

من 2 – 3 وحدات بطاطس متقطعة شرايح رفيعة.

2 كوب جبنة موتزاريلا.

1 ½ كوب شرايح ببروني.

½ كوب جبنة بارميزان مبشورة.

طريقة عمل بيتزا البطاطس
طريقة عمل بيتزا البطاطس

– طريقة التحضير:

1- سخني الفرن على 204 درجة مئوية”.

2- في طاسة على النار سيحي الزبدة, وبعدين ضيفي عليها الدقيق مع التقليب المستمر, وضيفي وانتي بتقلبي الاعشاب الايطالية وبودرة الثوم, ضيفي اللبن والكريمة وقلبيهم لحد ما الخليط يغلي, اول ما يغلي خفضي النار عليه وسيبيه دقايق لحد ما يبقى ليه سمك شوية, وبعدها ضيفي له صلصة البيتزا وقلبيه وارفعيه من على النار.

طريقة عمل بيتزا البطاطس
طريقة عمل بيتزا البطاطس

3- في صينية طويلة, حطي 1/3 كوب من الصلصة اللي حضرناها في الصينية من تحت وافرديه بمعلقة, رصي فوقيها طبقة من نص كمية بطاطس , وفوقها رشة من الجبنة الموتزاريلا, وبعدها طبقة من شرايح الببروني نص الكمية, وبالمكونات اللي باقية كرري طبقات تانية بنفس الترتيب, والطبقة النهائية اللي من فوق تكون ببروني مع رشة من الجبنة الموتزاريلا والجبنة البارميزان, وممكن بدل الببروني تستخدمي سجق, ولو عايزاها حراقة ممكن تحطي سجق حار وتضيفي للصلصة شوية شطة على حسب الرغبة..

طريقة عمل بيتزا البطاطس
طريقة عمل بيتزا البطاطس

4- حطيها في الفرن لحد ما تستوي, وطلعيها وقطعيها مربعات وقدميها.

طريقة عمل بيتزا البطاطس
طريقة عمل بيتزا البطاطس
طريقة عمل بيتزا البطاطس
طريقة عمل بيتزا البطاطس

– الطريقة بالفيديو:

طريقة عمل دوناتس البطاطس بالجبنة

دوناتس البطاطس بالجبنة