10 استخدامات غير تقليدية لقشر الموز

ريهام محمود
ريهام محمود
في
بشرة
3343

مافيش حد فينا مش بيحب الموز فاكهة مغذية وطعمها لذيذ, لكن كلنا اكيد بناكل الموز وبيكون مصير القشر بتاعه اننا بنرميه, لكن بعد اللي هتقريه في المقال بتاعنا مش هترمي قشر الموز تاني لانه ليه فوايد واستخدامات كتير, والنهاردة هنقولك على استخدامات قشر الموز.

استخدامات قشر الموز:

1- بيساعد على تقليل حب الشباب:

قشر الموز غني بفيتامين C وفيتامين E وبيحتوي كمان على البوتاسيوم والزنك والحديد والمنجنيز, وكل العناصر دي بتساعد على تهدئة التهاب الجلد, وبتمنع مشكلة حب الشباب, بالاضافة لده كمان قشر الموز بيحتوي على اللوتين والكاروتينات ودي تعتبر مركبات قابلة للذوبان في الدهون بتساعد على مكافحة الالتهابات وحب الشباب.

افركي قشر الموز من جوه على بشرتك, سيبيه لمدة من 5 – 10 دقايق, بعدها اغسلي بشرتك بالمية, كرريها مرتين في اليوم.

استخدامات قشر الموز 1
استخدامات قشر الموز 1

2- بيساعد على تقليل التجاعيد:

التجاعيد بتحصل لما الجلد بيفقد مرونته, والفيتامينات ومضادة الاكسدة اللي موجودة في قشر الموز بتساعد على تقليل ومنع التجاعيد.

افركي قشر الموز على بشرتك, وسيبيها لمدة 30 دقيقة, او طول الليل واغسليها الصبح ورطبي البشرة بالكريم المرطب, كرريها 3 مرات في الاسبوع.

استخدامات قشر الموز 2
استخدامات قشر الموز 2

3- تلميع الفضة:

لو عندك فضة لونها انطفى, استخدمي قشر الموز لتلميعها, الجزء اللي جوه من قشر الموز بيحتوي على مواد زي البوتاسيوم اللي بيساعد على تنضيف الحاجات المعدنية.

هاتي قشر الموز حطيه في الخلاط, وضيفي له نص كوباية مية, اضربيه لحد ما يتكون عندك على شكل عجينة, افركي بيه الفضة وسيبيه عليه لمدة دقايق وبعدين امسحيه.

استخدامات قشر الموز 3
استخدامات قشر الموز 3

4- بيساعد على ازالة الشظايا:

قشر الموز غني بالانزيمات اللي ليها تأثير جذب او شد اي حاجة خارج الجلد, وده هيخلي سهل انك تطلعي اي شظية خشب او ازاز من الجلد باستخدام ملقاط.

حطي قشر الموز على المنطقة المصابة من الجلد, وسيبيها لمدة 15 دقيقة, وبعدها شيليه بالراحة من على الجلد من غير فرك, وبعدها اسحبي الشظية بالملقاط.

استخدامات قشر الموز 4
استخدامات قشر الموز 4

5- سماد للزرع:

قشر الموز هيمد التربة بتاعة الزرع بالكالسيوم والمغنسيوم والكبريت والفوسفات والبوتاسيوم والصوديوم, وكلها تعتبر عناصر حيوية بتساعد على نمو الزرع بشكل صحي.

قطعي قشور الموز قطع صغيرة, وادفنيها في التربة تحت اي نباتات عايزة تخصبي التربة بتاعتها, والافضل يكون القشر جنب جذور النباتات, وبعدها اسقيها بالمية عشان تندمج مع التربة.

استخدامات قشر الموز 5
استخدامات قشر الموز 5

6- تبييض الاسنان:

قشر الموز غني جدا بالبوتاسيوم, اللي ممكن يساعد في تقليل البقع الصفرا اللي بتظهر نتيجة شرب مشروبات زي القهوة والشاي وبعض الاكلات زي التوت الازرق والتوت البري.

اغسلي سنانك بالفرشة واغسليها كويس بالمية, افركي سنانك بالجزء اللي جوه من قشر الموز لمدة دقيقتين, بعدها اشطفي سنانك بالمية مرة تانية, وكرريها يوميا.

استخدامات قشر الموز 6
استخدامات قشر الموز 6

7- بيساعد على التقليل من الندبات:

قشر الموز ليه قدرة فعالة جدا انه يقلل من تهيج الجلد زي التورم والاحمرار والندبات, وقشر الموز بيحتوي على احماض دهنية اللي بيتم فصلها واستخدامها بالفعل في المستحضرات اللي بتقلل من أثار الندبات.

هاتي قشر الموز حطيه على المنطقة لمصابة وسييه لمدة ساعة, او طول الليل, وكرريه يوميا.

استخدامات قشر الموز 7
استخدامات قشر الموز 7

8- بيساعد في علاج الصداع والصداع النصفي:

لو بتدوري على طريقة طبيعية لعلاج الصداع والصداع النصفي, الحل في قشر الموز, لان القشرة غنية بالبوتاسيوم ده بيساعد على تخفيف الصداع.

حطي قشرة الموز في الفريزر لمدة ساعة, حطي شريحة واحدة من القشر على الجبهة, وواحدة تانية على الجزء الخلفي من الرقبة, وسيبيها لحد ما تبقى دافية, وكرريها تاني مع قشر الموز البارد لو لسه حاسه بصداع.

استخدامات قشر الموز 8
استخدامات قشر الموز 8

9- بيحافظ على نكهة وطراوة اللحمة:

لو هتعملي لحمة في الفرن عشان تحافظي عليها طرية ومتنشفش منك, حطي معاها في الصينية قشور موز, وبكده هتضمني ان اللحمة هتبقى محتفظة بنكهتها وطعمها, وهيحافظ على الرطوبة من التبخر وده هيخلي اللحمة تفضل طرية.

استخدامات قشر الموز 9
استخدامات قشر الموز 9

10- بيساعد على التخفيف من حكة الجلد:

قشور الموز تعتبر علاج منزلي هايل جدا لحكة الجلد, لان القشور بتحتوي على الهستامين, والمغذيات زي المغنسيوم, وفيتامين C وفيتامين E, عشان كده تعتبر علاج طبيعي فعال للتخفيف من حكة اللبلاب السام او قرص الناموس.

حطي قشرة الموز على المنطقة المصابة, وسيبيه من 10 – 15 دقيقة, وكرريها على كل المناطق المصابة في الجلد.

استخدامات قشر الموز 10
استخدامات قشر الموز 10

فوايد الموز واستخداماته للبشرة والشعر

فوايد الموز للبشرة والشعر
فوايد الموز للبشرة والشعر

مقالات متعلقه

علاج بوتوكس طبيعي تعمليه في البيت بمكونات بسيطة

علاج بوتوكس طبيعي تعمليه في البيت بمكونات بسيطة

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

8 تمارين للتخلص من التجاعيد للحصول على بشرة نضرة ومشدودة

8 تمارين للتخلص من التجاعيد للحصول على بشرة نضرة ومشدودة