9 هرمونات في الجسم مسئولين عن زيادة الوزن..وطرق ازاي تتجنبيهم

بقلمريهام محمود فيتخسيس الوزن visibility2710

زيادة الوزن عادة مرتبطة بالافراط في الاكل, لكن ممكن كمان هرمونات الجسم يكون فيها خلل يسبب زيادة الوزن, وزي ما كلنا عارفين اننا ممكن نكسب وزن بسهولة, لكن فقدانه بيكون صعب جدا, وممكن الخلل الهرموني يحصل لاسباب كتير منها الاجهاد, والعمر, والجينات, واسلوب حياة غير صحي كل ده ممكن يسبب خلل الهرمونات اللي بتأدي لزيادة الوزن, والنهاردة من خلال موضوعنا هنتعرف على 9 هرمونات بتسبب زيادة الوزن, وازاي تتجنبيها.

هرمونات بتسبب زيادة الوزن:

1- هرمونات الغدة الدرقية:

الغدرة الدرقية بتنتج هرمونات هي المسؤولة انها تحافظ على استقلاب الجسم, ونقص الهرمونات دي بيأدي لقصور في وظايف الغدة الدرقية, وغالبا قصور الغدة الدرقية مرتبط بزيادة الوزن بسبب تراكم المية مش الدهون, وده بيخلي الشخص عنده وزن زيادة.

– ازاي تتجنبيها:

استخدمي الملح المعالج باليود.

كلي الاكلات المطبوخة كويس, واتجنبي الخضار الني.

خدي مكملات فيتامين D.

كلي الاكلات الغنية بالزنك زي المحار, بذور القرع, اللحمة البقري واللحمة الضاني, السبانخ, المكسرات, الكاكاو والشوكولاتة الخام, الفراخ, بذور السمسم, الديك الرومي, الجمبري, بذور البطيخ, الثوم, صفار البيض, الافوكادو, التمر والتوت والموز والمشمش.

هرمونات بتسبب زيادة الوزن
هرمونات بتسبب زيادة الوزن

2- الانسولين:

الانسولين هو هرمون بيفرزه البنكرياس, وبيساعد على نقل الجلوكوز للخلايا لاستخدامه كطاقة او تخزينه كدهون, وبالتالي الحفاظ على مستويات الجلوكوز في الدم, لكن بقى الاكل بشكل مفرط للاكلات المصنعة, والوجبات الخفيفة الغير صحية, والمشروبات اللي فيها سكر, ممكن يأدي لتطوير الجسم لمقاومة الانسولين.

وده بيخلي الخلايا العضلية متقدرش تتعرف على الانسولين المرتبط بالجلوكوز, وده بيخلي الجلوكوز يفضل في مجرى الدم, وده بيسبب ارتفاع في مستويات السكر في الدم وبيأدي في النهاية لزيادة الوزن, ومرض السكر من النوع التاني.

– ازاي تتجنبيه:

كتري من اكل الخضروات الورقية الخضرا, والفواكة الموسمية “المشمش, التوت, الشمام, الكريز, التين, البرتقان ابو سره, البابايا, الاناناس, الجوافة, الخوخ, الفراولة, البطيخ, التفاح, الموز, العنب الاحمر, الكيوي”, والخضروات الموسمية .

كلي الاكلات الغنية بالاوميجا 3 زي الاسماك الدهنية “السلمون والتونة”, والمكسرات, وزيت الزيتون, وبذور الكتان.

اشربي عن ما لا يقل 4 لتر مية في اليوم.

مارسي التمارين الرياضية على الاقل 4 ساعات في الاسبوع.

اتجنبي اكل الوجبات الخفيفة, وشرب المشروبات الغازية, والمشروبات المتحلية بالسكر في وقت متأخر بالليل.

هرمونات بتسبب زيادة الوزن
هرمونات بتسبب زيادة الوزن

3- الكورتيزول:

الكورتيزول هو هرمون بتفرزه الغدة الكظرية لما الشخص بيكون مكتئب, قلقان, متوتر, عصبي, غضبان, او عنده اصابة بدنية, ووظيفته الاساسية هي خفض مستويات التوتر عن طريق زيادة مستوى السكر في الدم, وقمع جهاز المناعة, والمساعدة في عملية التمثيل الغذائي للدهون والبروتينات والكربوهيدرات, لكن اسلوب حياتنا الغلط عموما بيخلينا دايما وبشكل مستمر في حالة قلق وتوتر, وده بيأدي لافراز الكورتيزول اللي بيضر بصحتنا بشكل عام عن طريق ترسب الدهون, وتحفيز الخلايا الدهنية.

– ازاي تتجنبيه:

نامي كويس كل يوم ميقلش عن 8 ساعات.

اتجنبي الاكلات المصنعة, والاكلات المقلية.

مارسي التنفس العميق واليوجا والتأمل لمدة ساعة على الاقل كل يوم, لان ده بيساعد على تقليل مستويات التوتر.

قضي وقت مع اهلك واصحابك والاشخاص المقربين منك اللي بترتاحي معاهم, ودي تعتبر افضل طريقة للاسترخاء.

هرمونات بتسبب زيادة الوزن
هرمونات بتسبب زيادة الوزن

4- هرمون التستوستيرون:

غالبا هرمون التستوستيرون يعتبر هرمون ذكوري, لكن كمان النساء بيفرزوه, والهرمون ده بيساعد على حرق الدهون, وبيقوي العضم والعضلات, وبيحسن الرغبة الجنسية, والعمر والاجهاد ممكن يسببوا انخفاض ملحوظ في مستويات هرمون التستوستيرون عند النساء, وده بيأدي لفقدان كثافة العضم, وفقدان كتلة العضلة, والبدانة.

– ازاي تتجنبيه:

التمارين الرياضية بانتظام بتساعد في تحسين هرمون التستوستيرون.

زودي من اكل البروتينات.

زودي من الاكلات الغنية بالالياف في نظامك الغذائي زي الحبوب الكاملة, وبذور القرع, وبذور الكتان, اللوز, التفاح, التين المجفف, المشمش, الموز, التين الشوكي, السبانخ, البطاطا, البروكلي, الجزر, الافوكادو, الفاصوليا البيضا, الخوخ, الككثرى, الفراولة, التوت, التمر, المانجا, الكيوي, الجوافة, الزبيب, البرتقان, الخرشوف, البسلة, الشعير, الحمص, الفول الاخضر, والعدس.

هرمونات بتسبب زيادة الوزن
هرمونات بتسبب زيادة الوزن

5- البروجسترون:

مستوى هرمون البروجسترون والاستروجين لازم يكونوا متوازنين في الجسم عشان يشتغل بشكل صح, وممكن مستويات البروجسترون تنخفض لاسباب كتير منها الاجهاد, استخدام حبوب منع الحمل, انقطاع الدورة الشهرية, وده ممكن يأدي لزيادة الوزن والاكتئاب.

ازاي تتجنبيه:

مارسي التمارين الرياضية بانتظام.

جربي تمارسي التأمل.

اتجنبي التوتر.

هرمونات بتسبب زيادة الوزن
هرمونات بتسبب زيادة الوزن

6- هرمون الاستروجين:

الاستروجين هو الهرمون الانثوي الاساسي, واي خلل في مستويات هرمون الاستروجين ممكن يأدي لزيادة الوزن, وارتفاع مستويات الاستروجين في الجسم ممكن يكون بسبب الافراط في انتاج الهرمون, او بسبب اتباع نظام غذائي غني بهرمون الاستروجين.

ولما ترتفع مستويات هرمون الاستروجين بتتعرض الخلايا المنتجة للانسولين للتوتر, وده بيخليها مقاومة للانسولين, وبالتالي بيحصل ارتفاع في مستوى الدم في السكر بيأدي لزيادة الوزن.

والنساء قبل سن اليأس بيكون عندها مستويات اقل من هرمون الاستروجين, وعشان الجسم يزود الاستروجين بيبدأ انه يدور عن مصادر تانية بتنتج الاستروجين, وواحد من المصادر دي هي الخلايا الدهنية, لما مستوى هرمون الاستروجين ينخفض بيبدأ الجسم بتحويل كل مصادر الطاقة المتاحة لدهون لتجديد مستويات الجلوكوز, وده بيأدي لزيادة الوزن.

– ازاي تتجنبيه:

زودي من اكل الحبوب الكاملة والخضروات والفاكهة الطازة.

مارسي التمارين الرياضية بانتظام.

اتجنبي اللحوم المصنعة.

هرمونات بتسبب زيادة الوزن
هرمونات بتسبب زيادة الوزن

7- اللبتين:

اللبتين هو هرمون بينظم توازن الطاقة في الجسم عن طريق التقليل من الجوع, ولكن لما بناكل الاكلات الغنية بالسكر, فالزيادة في كميات الفركتوز بتتحول لدهون بتترسب في الكبد والبطن ومناطق تانية من الجسم, والخلايا الدهنية دي بتفرز اللبتين, وكل ما زاد افراز اللبتين, الجسم بيبدأ يقل احساسه بيه, وده بيسبب في توقف المخ انه يستقبل اي اشارات لتجنب الاكل.

– ازاي تتجنبيه:

اتجنبي الاكلات الغنية بالسكر, متاكليش اكتر من 3 حصص من الفاكهة يوميا.

زودي من اكل الخضروات الورقية اللي لونها اخضر غامق.

اتجنبي الاكلات المصنعة.

نامي بشكل كافي, من 7 – 8 ساعات يوميا.

حافظي على رطوبة جسمك بشرب كمية مية كفاية يوميا.

هرمونات بتسبب زيادة الوزن
هرمونات بتسبب زيادة الوزن

8- جريلين:

الجريلين هو هرمون بتفرزه المعدة, والجريلين معروف باسم هرمون الجوع اللي بيحفز الشهية وبيزود من ترسب الدهون, ومستويات الجريلين كمان بترتفع لما بيكون الشخص ماشي على نظام غذائي قاسي, او اثناء الصيام.

– ازاي تتجنبيه:

 مارسي التمارين الرياضية بانتظام.

كلي وجبات صغيرة كل 2 – 3 ساعات.

اشربي 1 ½ كوباية مية قبل الوجبة ب 20 دقيقة.

زودي من اكل الخضروات والفاكهة الطازة, والاكلات الغنية بالبروتين.

هرمونات بتسبب زيادة الوزن
هرمونات بتسبب زيادة الوزن

9- الميلاتونين:

الميلاتونين هو الهرمون اللي بينظم النوم والصحيان, لما بنكون نايمين الجسم بيبدأ بافراز هرمونات النمو اللي بتساعد الجسم على الشفاء, وتحسين تكوين الجسم, وبناء العضلات الخالية من الدهون, ولما مش بنام كويس او مش بناخد كفايتنا في النوم, كل الحاجات دي بتتعطل وبيحصل اجهاد, وده بيأدي في النهاية لزيادة الوزن.

– ازاي تتجنبيه:

متاكليش في وقت متأخر او قبل النوم على طول.

نامي عدد ساعات كفاية.

نامي في اوضة ضلمة وتكون باردة او متهوية بشكل كويس.

وقفي كل الاجهزة الالكترونية قبل النوم.

هرمونات بتسبب زيادة الوزن
هرمونات بتسبب زيادة الوزن

11 غلطة بيقع فيهم اشخاص كتير لما بيحاولوا يخسروا وزنهم

غلطات تخسيس الوزن
غلطات تخسيس الوزن