15 ستايل لـ فساتين الصيف من الستينات هتخليكى دايما على الموضة

آية حسان
آية حسان
5018

الستينات كانت من زمان أوي صحيح، لكن موضة وستايلات الستينيات لسه موجودة وسنة ورا التانية بنلاقيها بتفرض نفسها بقوة على ساحة الموضة وكل سنة بشكل مختلف سواء فى الشتا او في الصيف، زى الـ mini skirt اللي ظهرت في الستينات واتطورت سنة بعد سنة ولسه موجودة لحد دلوقتي، ولأنه الصيف موسم الهدوم الفضفاضة والمريحة اللى تخليكى تنطلقى وتتحركي بحرية لكن كمان بشياكة، ولو كنتى من محبي الفساتين، في المقال ده بنات حوا هيقولولك على 15 ستايل لـ فساتين الصيف من الستينات هتخليكى دايما على الموضة .. 

15 ستايل لـ فساتين الصيف من الستينات هتخليكى دايما على الموضة

فستان بمربعات واسعة :

الفستان الكاروهات بمربعات واسعة موضة وستيناتى جدا، جربي تلبسيه مع كعب مناسب خصوصا بدرجات اللون الأخضر. 

فستان بمربعات واسعة
فستان بمربعات واسعة

Pastel Pink :

درجات ألوان الباستيل دايما مريحة للعين وبتديكى لوك بسيط لكن رقيق وشيك جدا فى نفس الوقت، جربي تلبسي فستان بلون الباستيل بينك مع شوز بلون نيود علشان تعملى لوك أنثوي ماحصلش.

Pastel Pink
Pastel Pink

فستايل بستايل فرنسي:

لو هنيجى نتكمل على الموضة في أى وقت، لازم هنجيب سيرة الفرنسيين، وبما انه القماش المخطط موضة الصيف ده، جربي تلبسي فستان مخطط باللون الأحمر علشان تبعدي عن الخطوط البيضا والسوداء اللى انتشرت بشكل كبير، مع شوز مريح . 

فستايل بستايل فرنسي
فستايل بستايل فرنسي

فستان كاجوال:

درجات الأحمر و النبيتى في الفساتين الكاجوال مع شوز أبيض مفيش أحلى منهم، جربيهم مع بعض او مع شوز أسود وهتعملي لوك ماحصلش. 

فستان كاجوال
فستان كاجوال

فستان بستايل الستينيات:

موضة النقشات الفلورال لسه مكملة معانا من سنتين و الحقيقة دى بتعتبر أحلى موضة في الصيف، جربي تلبسي فستان بنفشة متوسطة مع نقشات فلورال بألوان مبهجة مع شوز مناسب علشان تعملى لوك شيك وأنثوي جدا من غير أى مجهود. 

فستان بستايل الستينيات
فستان بستايل الستينيات

فستان بستايل الـ polka dots :

مش هيفع نتكلم عن فساتين الستينيات من غير ما نتكلم عن الـ polka dots طبعا، لازم على الأقل يبقى عندك فستان منهم. 

فستان بستايل الـ polka dots
فستان بستايل الـ polka dots

فستان vintage : 

مش بس شكلهم حلو، لكن كمان الفساتين الـ vintage موضتها مابتخلصش ابدا سواء كانت كاجوال او سواريه، جربي تلبسي vintage dress  بجيوب بلون أصفر فاتح وهادى مع شوز صيفي بلون بني.

فستان Vintage
فستان Vintage

فستان بياقة : 

الفساتين بياقة هتديكى لوك يحسسك انك رجعتى 16 سنة ، وكمان طريقة حلوة علشان تلبسي ستايل كلاسيكي بطريقة مودرن. 

فستان بياقة
فستان بياقة

فستان كلاسيك : 

جربي لبسي فستان أسود بحزام رفيع ونفشة بسيطة مع شوز كعب علشان تعملى classic look شيك وإليجانت مناسب لخروجاتك وللشغل. 

فستان كلاسيك
فستان كلاسيك

فستان بستايل Retro : 

لو نازلة خروجة بالنهار مع صحباتك وعايزة تعملى لوك سيمبل من غير تعب ومجهود كبير يبقى جربي تلبسي فستان ريترو بكاروهات ضيقة . 

فستان بستايل Retro
فستان بستايل Retro

فستان أبيض : 

الفستان الأبيض هيديكى ستايل ارستقراطي وشيك رغم بساطة الفستان، semi casual مناسب لخروجات النهار او لو عايزة تروحي بيه الشغل او تحضري ميتنج مهم. 

فستان أبيض
فستان أبيض

فستان بستايل الـ swing : 

فستان بوسط او waist line مميز جدا هيرفعك ويحسسك انك اطول. 

فستان بستايل الـ Swing
فستان بستايل الـ Swing

فستان بستايل الـ Boheme : 

الستايل ده من الفستان مناسب لخروجات اى وقت فى اليوم ، قطعة واحة بسيطة نازلة straight على جسمك ، البسي معاها شوز بكعب بسيط او فلات شوز مع شنطة صغيرة وحلق مناسب. 

فستان بستايل الـ Boheme
فستان بستايل الـ Boheme

فستان الـ Bow Tie : 

عايزة فستان بسيط لكن كمان بشكل مختلف، جربي الـ bow tie dresses بدرجات النيود الدافية او درجات اللون البني. 

فستان الـ Bow Tie
فستان الـ Bow Tie

فستان بلمسة من البينك : 

ممكن كمان تجربي تلبسي فستان منقوش بالمربعات او اى نقشة تفضليها – بجانب الفلورال- مع جيوب كبيرة وشوز Pumps بلون ظاهر زى الفوشيا او البينك.

فستان بلمسة من البينك
فستان بلمسة من البينك

اعرفى معانا كمان صور وأفكار outfits صباحية للصيف 

مقالات متعلقه

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

9 نصايح لستايلك هتساعدك تطلعي بلوك أحلى ومختلف في كل مرة

9 نصايح لستايلك هتساعدك تطلعي بلوك أحلى ومختلف في كل مرة

بالصور .. طريقة عبقرية تغيري بيها ستايلك بمنتهى السهولة

بالصور .. طريقة عبقرية تغيري بيها ستايلك بمنتهى السهولة