افضل 12 نوع اكل لعلاج اضطراب ومشاكل المعدة
تقريبا مافيش حد مش بيمر باضطراب او مشاكل في المعدة من وقت للتاني, واعراضه غالبا بتكون غثيان, عسر هضم, قيء, انتفاخ, اسهال, او امساك, واضطراب المعدة ممكن يكون ليه اسباب كتير, بس مهما كان السبب احنا ممكن نعالجه بحاجات طبيعية, وده اللي هنعرفه النهاردة من خلال موضوعنا هنقولك على افضل انواع الاكل لعلاج اضطراب المعدة.
افضل انواع الاكل لعلاج اضطراب المعدة:
1- الزنجبيل بيساعد على تخفيف الغثيان والقيء:
الغثيان والقيء من اكتر الاعراض الشائعة لاضطراب المعدة, والزنجبيل من المكونات اللي بتساعد على علاج الحالة دي, سواء مطبوخ, او عملتي شاي الزنجبيل وشربتيه الصبح, هو فعال في جميع اشكاله.
والدراسات اثبتت ان الست الحامل لو اخدت جرام من الزنجبيل الصبح بشكل يومي, هيقلل كتير من احساس الغثيان والقيء المرتبط بالحمل.
الزنجبيل كمان مفيد للاشخاص اللي بياخدوا علاج كيماوي او عاملين عمليات جراحية كبيرة, لان العلاجات دي بينتج عنها الغثيان والقيء, لو الشخص اخد جرام واحد جنزبيل يوميا قبل العلاج الكيماوي او الجراحة, هيقلل بشكل كبير من الاعراض.
الزنجبيل كمان مفيد وممكن يستخدم كعلاج طبيعي في حالة دوار الحركة, بيقلل كتير من الاعراض, وبيسرع من معدل افراغ المعدة, وده بدوره بيساعد على تقليل الغثيان والقيء.
والزنجبيل بشكل عام آمن على المعدة, لكن حرقة المعدة وآلام المعدة والاسهال ممكن يحصل لو الجرعة اليومية زادت عن 5 جرام.
2- البابونج بيقلل من القيء وبيهدي المشاكل المعوية:
البابونج ممكن يتشرب كشاي او يتاخد حبوب كمكمل غذائي, ومن زمان كان البابونج بيستخدم لعلاج المشاكل المعوية زي الغازات والاسهال وعسر الهضم والغثيان والقيء, والمغص عند الاطفال الرضع.
واثبتت الدراسات ان مكملات البابونج بتقلل من شدة القيء بعد العلاج الكيماوي بشكل خاص.
3- النعناع بيخفف من اعراض متلازمة القولون العصبي:
كتير من الاشخاص بيعانوا من متلازمة القولون العصبي او التهاب القولون العصبي وهو اضطراب مزمن في الامعاء بيسبب آلام في المعدة, وانتفاخ, وامساك, او اسهال.
والنعناع من المكونات اللي ممكن تساعد في التخفيف من الاعراض دي, تناول كبسولات زيت النعناع يوميا لمدة اسبوعين على الاقل ممكن يقلل بشكل كبير من آلام المعدة, والغازات والاسهال عند الاشخاص البالغين اللي بيعانوا من القولون العصبي.
والباحثين اثبتوا ان زيت النعناع بيساعد على استرخاء العضلات في الجهاز الهضمي, وده بيقلل من شدة التشنجات المعوية اللي ممكن تسبب آلم او اسهال.
والبحوث كمان اثبتت ان ورق النعناع او شاي النعناع ليها نفس التأثيرات العلاجية.
والنعناع يعتبر آمن لمعظم الناس ماعدا الاشخاص اللي بيعانوا من الارتجاع الحاد, او فتق الحجاب الحاجز, حصوات الكلى, اضطرابات الكبد والمرارة, لانها ممكن تزود المشكلة.
4- العرق سوس بيقلل عسر الهضم وبيمنع قرحة المعدة:
العرق سوس من العلاجات الشعبية القديمة اللي ممكن تساعد على علاج عسر الهضم, ومنع قرح المعدة المؤلمة, واثبتت الدراسات ان انه بيهدي آلام المعدة وعدم ارتياحها عن طريق تقليل التهاب بطانة المعدة وزيادة انتاج المخاط لحماية الانسجة من حمض المعدة.
وده ممكن يكون مفيد بشكل خاص للاشخاص اللي بيعانوا من اضطراب المعدة بسبب فرط حمض المعدة او الجزر الحمضي.
وبيساعد في تخفيف آلام المعدة وعسر الهضم من قرحة المعدة الناتجة عن فرط نمو نوع معين من البكتيريا, لان الدراسات اثبتت ان العرق سوس بيقضي على فرط نمو النوع ده من البكتيريا, وبيقلل من الاعراض, وبيساعد كمان على شفاء قرحة المعدة.
5- بذور الكتان بتخفف من الامساك وآلام المعدة:
بذور الكتان بتساعد على تنظيم حركة الامعاء وتخفيف الامساك وآلام البطن, والامساك المزمن غالبا هو اللي بيكون اقل من 3 حركات امعاء اسبوعيا وغالبا بيرتبط بألم البطن وعدم الراحة, وبذور الكتان من الحاجات اللي ممكن تقضي على الامساك.
واثبتت الدراسات ان الاشخاص اللي بياخدوا جرعة من زيت بذور الكتان حوالي 4 ملل يوميا لمدة اسبوعين بتزيد عندهم حركة الامعاء, واتساق البراز افضل من قبل كده.
ودراسة تانية اثبتت ان الاشخاص اللي بياكلوا فطاير معمولة من بذور الكتان كل يوم, كان عندهم 30% اكتر من حركة الامعاء.
6- البابايا بتحسن الهضم وممكن تكون فعالة للقرحة والطفيليات:
البابايا هي نوع فاكهة استوائية ممكن تستخدم كعلاج طبيعي لعسر الهضم, لانها بتحتوي على انزيم قوي بيساعد على تكسير البروتينات في الاكل, وده بيخلي هضمه اسهل, ولان في بعض الاشخاص من بينتجوا انزيمات طبيعية بشكل كافي لهضم الاكل بشكل كامل, في الحالة دي محتاجين انهم باخدوا انزيمات اضافية زي اللي متوفرة في البابايا عشان تساعدهم على تخفيف اعراض عسر الهضم.
وفي بعض الدول الافريقية بيستخدموا البابايا كعلاج طبيعي لقرحة المعدة, وفي بعض الدراسات اثبتت انه مفيد لحالة قرحة المعدة.
واثبتت كتير من الدراسات كمان ان بذور البابايا بتحتوي على خصائص مضادة للطفيليات المعوية.
7- الموز الاخضر بيساعد على تخفيف الاسهال:
غالبا بيصاحب الاسهال اضطراب في المعدة بتسببه عدوى او تسمم غذائي, وكتير من الدراسات اثبتت ان الموز الاخضر بيساعد على علاج الاسهال.
واثبتت دراسات ان اضافة الموز الاخضر المطبوخ كان اكتر فعالية ب 4 مرات في علاج الاسهال من النظام الغذائي المعتمد على الارز.
وفايدة الموز الاخضر القوية في علاج الاسهال بترجع انه بيحتوي على نوع خاص من الالياف اللي بتحتوي على نشويات المقاومة اللي لا يمكن هضمها, وبالتالي بتستمر من خلال الجهاز الهضمي للقولون والجزء الاخير من الامعاء, وبيتم تخميرها ببطء عن طريق بكتيريا الامعاء لانتاج احماض دهنية, بتساعد على تحفيز الامعاء انها تستوعب مية اكتر وبتظبط البراز.
8- مكملات البكتين ممكن تساعد على منع الاسهال:
لما بيحصل خلل في المعدة او مرض يتنقل عن طريق الاكل ده ممكن يسبب الاسهال, ومكملات البكتين من الحاجات اللي ممكن تساعد في علاج المشكلة دي.
والبكتين هو نوع من الالياف النباتية اللي موجودة بكميات كبيرة في التفاح والفواكة الحمضية, والبكتين لانه مش بيتهضم وبيفضل جوه الامعاء ده بيساعد بشكل فعال جدا على علاج الاسهال.
البكتين كمان بيخفف من اضطرابات المعدة من خلال تعزيز نمو البكتيريا الجيدة في الجهاز الهضمي, وبيساعد في اعادة توازن القناة الهضمية عن طريق زيادة نمو البكتيريا الجيدة وتقليل البكتيريا الضارة.
9- الاكلات منخفضة الكربوهيدرات بتقلل من الغازات والانتفاخ والاسهال:
بعض الاشخاص بيكون عندهم مشكلة في هضم نوع معين من الكربوهيدرات اسمه Fodmaps, اللي لما بتدخل للقولون وهي مش مهضومة بتتخمر بسرعة عن طريق بكتيريا الامعاء وده بيسبب الغازات والانتفاخ, وممكن كمان تسبب اسهال.
واثبتت الدراسات ان الاشخاص اللي بيعانوا من مشاكل الهضم وخصوصا اللي بيعانوا من متلازمة الامعاء المتشنجة, ان تجنب الاكلات اللي بتحتوي على نسبة عالية من النوع ده من الكربوهيدرات, ممكن انه يساعد على تخفيف الغازات والاسهال والانتفاخ.
10- الاكلات الغنية بالعناصر الحيوية “البروبيوتيك” ممكن تساعد على تنظيم حركة الامعاء:
في بعض الاوقات ممكن يكون سبب اضطراب المعدة, هو اختلال نوع معين من البكتيريا في الامعاء, واكل الاطعمة الغنية بالبروبيوتيك كويس ومفيد للامعاء, وممكن تساعد في علاج الخلل وتقليل اعراض الغازات والانتفاخ وحركة الامعاء الغير منتظمة.
ومن الاكلات الغنية بالبروبيوتيك ومفيدة لصحة الامعاء هي:
الزبادي: اللي الدراسات اثبتت انها بتحتوي على بكتيريا نشطة ممكن تساعد على علاج الامساك والاسهال.
اللبن الرايب: اللبن الرايب ممكن يساعد على تخفيف الاسهال المرتبط بالمضادات الحيوية, وممكن يساعد كمان على تخفيف الامساك, ومنتجات الالبان المخمرة بشكل خاص بتساعد على تنظيم حركة الامعاء, وبتقلل من الامساك والاسهال.
المخلل: كمان من الاكلات الغنية بالبروبيوتيك المفيدة للمعدة.
11- الكربوهيدرات الخفيفة:
المتخصصين بينصحوا الاشخاص اللي بيعانوا من اضطرابات المعدة باكل الكربوهيدرات الخفيفة زي الارز, ودقيق الشوفان, والبسكويت, والخبز المحمص.
12- مشروبات الطاقة بتساعد على منع الجفاف:
اضطراب المعدة لو اتسبب في القيء او الاسهال كده الجسم ممكن يتعرض بسهولة جدا للجفاف, لان القيء والاسهال بيخلوا الجسم يفقد كتير من المعادن اللي بتساعد على حفظ توازن الجسم, وبتحافظ على الجهاز الهضمي انه يشتغل بشكل سليم.
وغالبا في الحالة دي الجسم بيكون محتاج السوايل اللي بتحتوي بشكل طبيعي على الشوارد زي الصوديوم والبوتاسيوم وده متوفر في مشروبات الطاقة.
ومن الحاجات اللي بتحتوي على العناصر دي هي المية وعصير الفواكة, ومية جوز الهند, والمشروبات الرياضية, والشوربة, والبسكويت المالح, كلها مكونات مفيدة جدا لاستعادة فقدان السوايل, وعلاج اختلال التوازن الكهربي المرتبط بالجفاف الخفيف.
12 نوع اكل لمكافحة الامراض بطريقة طبيعية وبشكل فعال
