طريقة عمل Mini Oreo Cheesecakes اللذيذة والسهلة

بقلمآية حسان فيحلويات visibility260

ايه اللى بيحصل لما ندمج اتنين من أكتر المكونات اللي بنحبهم؛ الأوريو التشيز كيك؟ النتيجة هتبقى Mini Oreo Cheesecakes اللذيذة جدا واللي من كتر ما هتحبيها مش هترجعي للفانيليا تشيز كيك العادية تانى! لأننا هنا بدل ما نستخدم طبقة البسكوت العادية كقاعدة للتشيز كيك هنستخدم كمية كبيرة من بسكويت الأوريو الكامل! من غير شرح كتير .. خلينى أقولك على الوصفة على طول علشان تقومى تعمليها فورا..

طريقة عمل Mini Oreo Cheesecakes اللذيذة والسهلة

وقت التحضير: 30 دقيقة.

الكمية: تكفي 4 أشخاص. 

المقادير :

كمية مناسبة من بسكويت الأوريو ” حسب بتحبي القاعدة سميكة قد ايه”.

100 جرام كريم تشيز في درجة حرارة الغرفة.

ربع كوباية من الـ sour cream في درجة حرارة الغرفة.

ربع كوباية سكر. 

بيضة في درجة حرارة الغرفة.

3 حبات بسكويت اوريو متقطع قطع صغيرة.

4 حبات اوريو سليمة للتزيين. 

المقادير

طريقة العمل :

الخطوة الأولى: 

سخنى الفرن على درجة حرارة 175، وفي صينية الكيك تبدـى حطى الأوراق الخاصى بالكب كيك، وفي كل فتحة حطى بسكوتة او اتنين من بسكويت الأوريو الكاملة. 

الخطوةالأولى

الخطوة الثانية:

في بولة متوسطة الحجم اضربي الكريم تشيز مع الـ sour cream و السكر و البيضة لحد ما يمتزجوا مع بعض كويس أوى، وبعد كده حطى بسكويت الأوريو اللى كسرناه من شوية وابدأى أمزجى مرة تانية بسباتيولا او معلقة كبيرة. 

الخطوة الثانية

الخطوة الثالثة: 

وزعى الخليط فى صينية الكبك كيك بالتساوى و اخبزيهم فى الفرن لحوالي 20 دقيقة لحد ما الحواف تستوى لكن تبقى طرية شوية من المنتصف. 

النتيجة النهائية

الخطوة الرابعة : 

بالراحة حطي بسكوتة أوريو واحدة في منتصف كل ميني تشيز كيك من الأربعة اللي فى الصينة و سيبي الصينية تبرد بشكل كامل في درجة حرارة الغرفة، بعد ما تبرد خالص دخليها التلاجة وسيبيها حوالي 4 ساعات على الأقل. 

التقديم

التخزين: 

المينيى تشيز كيك دي الأفضل ليها انها تتخزن في علبة مقفولة في التلاجة وبكده تبقى صالححة معاكى لمدة أسبوع، لكن ممكن تخزنيهم في الفريزي لحد 6 شهور من غير ما تقلقي. 

اعرفى معانا كمان 5 وصفات مختلفة لطريقة عمل الكب كيك