10 حاجات المتخصصين بينصحوا متعمليهاش قبل النوم
تبعا للاحصائيات ان حوالي 27% من الاشخاص بيعانوا من مشاكل النوم بشكل دائم, وان 73% من الاشخاص بيعانوا من المشكلة دي بشكل عرضي او على فترات, لكن مشاكل قلة النوم مش دايما مرتبطة بمشاكل صحية, ممكن بعض العادات اللي احنا بنعملها بالليل وشايفين انها طبيعية بالنسبة لنا يكون ليها تأثير على نومنا وتسبب الارق, والنهاردة من خلال موضوعنا هنتعرف على عادات غلط بتسبب الارق عشان نتجنبها قبل النوم.
عادات غلط بتسبب الارق:
1- التدخين:
بالظبط زي تأثير الكافيين على الجسم النيكوتين كمان ليه تأثير محفز للجسم, وبيزود من نبضات القلب وضغط الدم وبينشط الدماغ, وكل الحاجات دي بتساهم اننا منامش نوم صحي, وحتى لو نمتي هتكون نوعية نومك مش كويس وهتصحي من النوه مرهقة كانك منمتيش, والاشخاص المدخنين معرضين اكتر للارق من غير المدخنين, بس لو قي شخص مدخن ومش قادر يبطل العادة دي ممكن يكون التدخين قبل النوم بساعة ونص على الاقل, ده هيساعد على النوم بشكل اسرع, وهيكون النوم صحي اكتر.
2- ممارسة الرياضة:
بشكل عام ممارسة الرياضة ليها تأثير كويس على نومنا لانها ممكن تساعد اننا ننام بشكل اسرع وتخفف من الاجهاد, لكن ده مش هيحصل لو مارستي الرياضة قبل النوم ب 3 – 4 ساعات او حتى 6 ساعات, لانك لو لسه راجعة من الجيم او عاملة رياضة حتى في البيت الجسم هيكون نشيط ومش هتعرفي تنامي, وخصوصا كمان لو بعد التمارين شاور سخن ده هيثير الجهاز العصبي ويحفزة اكتر.
3- شرب المية:
كمية صغيرة من السوايل قبل النوم هيكون تأثيرها كويس على الجسم, لكن لو شربتي كمية كبيرة من المية, ممكن يخليكي تصحي تاني يوم وتحت عينك في انتفاخات, وده اكيد مش معناه انك تتوقفي عن شرب المية بالليل, لكن المهم تجربي وتعرفي الكمية المناسبة من السوايل اللي متسببش اي مشاكل, والدكاترة المتخصصين بينصحوا بشكل عام ان كوباية ونص مية تعتبر المعيار المثالي لمعظم الناس.
4- القيلولة:
ممكن تكون القيلولة بالاضافة للتمارين الرياضية تأثيرها ايجابي على النوم لو اختارتي الوقت المناسب, عشان تقدري تنامي بشكل كويس بالليل, القيلولة بتاعة نص النهار المفروض تكون ما بين 1 الضهر و 4 العصر, لانك لو اخدتي قيلولة بعد الوقت ده هتدمر روتينك اليومي وهتلاقي صعوبة انك تنامي بالليل, ومع ذلك حتى القيلولة خلال فترة النهار ممكن تبوظ نومك بالليل, وعشان تاخدي اقصى استفادة من القيلولة, الافضل انها تكون كل يوم في نفس التوقيت ومتزيدش عن ساعة ونص بس, والمتخصصين بينصحوا بشكل عام ان الاشخاص اللي اصلا بيعانوا من الارق يمتنعوا انهم ياخدوا فترة القيلولة خالص.
5- ممارسة انشطة ابداعية:
الفن بشكل عام يعتبر وسيلة كويسة للراحة او الاسترخاء والبعد عن ضغوط الحياة, لكن ده مش بينطبق لو الموضوع متعلق بالنوم, لان الرسم, او الكتابة, او العزف هتنشط الدماغ, وبالتالي لو عملتيها لوقت متأخر مش هتعرفي تنامي.
والانشطة الابداعية عموما محتاجة مجهود ذهني, وعشان المخ يهدى او يسترخي محتاج وقت, عشان كده الافضل تجنب اي نشاط عقلي قبل النوم بساعة على الاقل, وممكن بدل ده تقري كتاب او تمارسي رياضة التأمل.
6- استخدام الاجهزة الالكترونية:
بينصح باننا نوقف تشغيل اللاب توب والموبايل قبل النوم بفترة لان الاجهزة دي بيخرج منها اضاءة بتأثر بشكل نومي على نومنا, والافضل كمان اننا نتجنب قراءة كتاب على الموبايل او اللاب توب قبل النوم, وبدل كده اقري كتاب مطبوع, او جهاز الكتروني خاص اقل ضرر للعين والنوم.
وكمان اتوقفي عن الشغل بالليل, والا ممكن تفضلي صاحية على السرير تفكري في كل المهام اللي وراكي, وبدل كده حاولي تصفي ذهنك, وتعملي خطة تاني يوم وتدونيها عشان تبقى جاهزة عندك.
7- بتاخدي حبوب:
لو خايفة انك متعرفيش تنامي, ممكن ده يخليكي تاخدي حبوب منومة, وفي اشخاص تانيين بياخدوا حبوب مضادة للاكتئاب لان في منها بيساعد على النوم لكن كمان في انواع تانية بتخلي النظام العصبي يقظ ونشيط اكتر, وكمان مسكنات الالم اللي بعض الاشخاص بياخدوها بردو مش بتساعد على النوم الصحي.
لكن لو مضطرة تاخدي حبوب, يبقى الافضل تكون باستشارة دكتور يكتب النوع المناسب ويقولك على الوقت المناسب اللي تاخدي فيه الحبوب, ولازم تتعرفي على كل الاثار الجانبية لاي حبوب لانه معظمها بيسبب اضطرابات في النوم.
8- العصبية:
العصبية مش بتساعد ابدا انك تنامي نوم كويس او صحي, فلو مثلا دخلتي في مشادة مع شخص على الانترنت او شوفتي الاخبار او غيرها من الحاجات اللي ممكن تعصبك, متتوقعيش في الحالة دي انك هتعرفي تنامي, حتى ابسط الحاجات ممكن تسبب مشاكل النوم زي مثلا قراءة كتاب مخيف او حزين, حتى المشاعر الايجابية مش كويسة في الحالة دي لانك هتكوني متحمسة جدا قبل النوم ومش هتعرفي تنامي, زي مثلا يكون شخص متحمس زيادة بعد ماتش كورة مهم او محادثة شيقة مع صديق ده اكيد مش هيساعد على النوم.
عشان كده انتي محتاجة تتأكدي انك عقلك هادي ومسترخي قبل النوم, وحاولي تتجنبي اي حاجة ممكن تسبب لك مشاعر قوية سواء فرح او حزن قبل النوم بساعة على الاقل.
9- شاور سخن قبل النوم:
كتير من الاشخاص بيفتكروا ان الشاور السخن بيساعد في النوم كويس, لكن الدكاترة اثبتوا ان الاختلاف في درجة الحرارة بيساعد على النوم, وكل ما زاد او ارتفع الاختلاف ده كل ما نمنا اسرع, عشان كده لو انتي في حالة نشاط اوي خدي شاور بارد.
لان ارتفاع حرارة المية بيسبب مشاكل في النوم وبيأثر كمان على لون البشرة, لانه بيحفز تدفق الدم لطبقات البشرة العليا, لو اخدتي شاور سخن لمدة اكتر من 10 دقايق, هتزيلي طبقة الدهون الطبيعية من البشرة, وهتكون معرضة اكتر للخطر.
10- تنامي مع حيوان اليف:
يمكن ده بيحصل كتير مع الاشخاص اللي بيحبوا الحيوانات الاليفة وبيربوها في البيت انهم بينيموها جنبهم, وده اكيد مش كويس, لان نمط او طريقة نوم الحيوانات مختلفة عن البشر, فترة نوم الحيوانات بتكون اقصر, وبيغير من وضعية النوم اكتر من البشر, وده ممكن يخليكي تصحي اكتر من مرة اثناء فترة الليل.
ده غير ان جلد الحيوانات او شعرهم ممكن يكون ليه تأثير سلبي على صحتك ونومك, حتى لو معندكيش حساسية من الحيوانات فانتي معرضة لده.
تكنيك مذهل وفعال للتخلص من الارق هيخليكي تنامي في دقيقة واحدة بس !
