9 وجبات سريعة ولذيذة ممكن تاكليها لو ماشية على نظام الكيتو لتخسيس الوزن
كلنا عارفين ان الوجبات السريعة من اكتر الحاجات اللي مش مناسبة لاي نظام غذائي للتخسيس, واختيار وجبة سريعة ممكن تمشي مع الدايت ده بيكون موضوع صعب جدا, خصوصا مع الانظمة اللي بيكون فيها تقييد في انواع معينة من الاكل زي نظام الكيتو اللي اتكلمنا عليه قبل كده وقلنا انه بيعتمد على نسبة عالية من الدهون, وتقليل الكربوهيدرات, واستهلاك البروتين بشكل معتدل, وزي ما احنا عارفين ان الوجبات السريعة اغلبها بتكون فيها نسبة الكربوهيدرات عالية, لكن في اختيارات ممكن ناكلها وده اللي هنعرفه النهاردة مع بعض, هنتعرف على 9 وجبات سريعة مناسبة لنظام الكيتو, ممكن تاكليها من غير ما تبوظي النظام بتاعك.
وجبات سريعة مناسبة لنظام الكيتو:
1- برجر من غير عيش كيزر Bunless Burgers:
وجبة البرجر عادة بتكون عالية الكربوهيدرات بسبب الكيزر, وعشان تستمتعي بوجبة سريعة ولذيذة في نظام الكيتو ببساطة استغني عن الكيزر واي طبقة او اضافات تكون عالية الكربوهيدرات.
والطبقة عالية الكربوهيدرات اللي المفروض تستغني عنها, صوص المسطردة بالعسل, الكاتشاب, صلصة الترياكي, والبصل المقدد, دي تقريبا اكتر العناصر في وجبة البرجر بتكون عالية الكربوهيدرات.
ممكن تبدلي الطبقة دي بالمايونيز, صلصة, بيض مقلي, افوكادو, مسطردة, خس, صوص الرانش, بصل او طماطم لخفض الكربوهيدرات, واضافة دهون زيادة لوجبتك.
ومع الوجبة زودي كمية الالياف عن طريق اضافة طبق سلطة جانبي مع صوص عالي الدهون.
2- بوريتو منخفض الكربوهيدرات Low-Carb Burrito Bowls:
طبق البوريتو الواحد تقريبا بيحتوي على اكتر من 300 سعر حراري, و50 جرام كربوهيدرات, وبما ان نظام الكيتو بيعتمد على خفض نسبة الكبروهيدرات “عادة بيكون اقل من 5% من اجمالي السعرات الحرارية”, يبقى في الحالة دي لازم نشيل طبقات من البوريتو, ولحسن الحظ اننا ممكن نعمل طبق بوريتو لذيذ من غير اضافات كربوهيدرات زيادة.
ممكن نبدأ بقاعد منخفضة الكربوهيدرات زي الخضروات الورقية الخضرا, وضيفي للطبق اختياراتك المفضلة من البروتين والدهون.
وتأكدي انك تتجنبي الطبقة اللي فوق اللي بتكون مليانة كربوهيدرات زي التورتيا شيبس, الفاصوليا, الذرة, والصوصات الحلوة.
وبدل ده ضيفي طبقات عالية الدهون ومنخفضة الكربوهيدرات زي شرايح الافوكادو, خضار سوتيه, كريمة طبخ, صلصة, جبنة, بصل, اعشاب طازة.
اختاري طبق البوريتو من غير الارز والفاصوليا, وزودي الاختيارات الغنية بالدهون ومنخفضة الكربوهيدرات.
3- وجبات البيض للفطار Egg-Based Breakfasts:
اختيار وجبة فطار من الوجبات السريعة مناسبة لنظام الكيتو مش حاجة صعبة ابدا.
معظم مطاعم الوجبات السريعة بتعتمد على تقديم البيض في وجبة الفطار, واللي يعتبر وجبة مثالية جدا للاشخاص اللي ماشيين على نظام الكيتو, مش بس عشان بتحتوي على نسبة عالية من الدهون والبروتين, لكن كمان هي منخفضة الكربوهيدرات جدا.
والبيضة الواحدة تقريبا بتحتوي على اقل من 1 جرام كربوهيدرات.
وعلى الرغم من ان اغلب اطباق البيض ببتقدم مع الخبز او الهاش براونز, لكن احنا ممكن نعمل تعديلات في الوجبة تناسب نظام الكيتو.
ممكن كمان تختاري وجبة البيض الاومليت مع الجبنة والخضار يعتبر بديل سريع مناسب جدا لنظام الكيتو.
يعني الملخص ان وجبات الفطار اللي اساسها البيض تعتبر مثالية جدا للاشخاص اللي ماشيين على نظام الكيتو, اهم حاجة انك تتجنبي مع الوجبة المكونات اللي بتحتوي على كربوهيدرات عالية زي الخبز المحمص, والهاش براونز, والبان كيك, والبسكويت.
4- فراخ من غير كيزر Bunless Chicken Sandwich:
واحدة من اسهل الطرق لاختيار وجبة سريعة مناسبة لنظام الكيتو هي انها تكون بسيطة.
زي الفراخ الجريل او المشوية من غير كيزر, مع طبقة غنية بالدهون, ومعظم مطاعم الوجبات السريعة تقريبا عندها الاختيار ده بس اهم حاجة تسألي او تكوني عارفة الوجبات دي.
يعني لما تطلبي الفراخ المشوية اتجنبي الصوصات الحلوة, والعيش الكيزر, وزودي من المكونات عالية الدهون.
5- سلطات منخفضة الكربوهيدرات:
السلطات في مطاعم الوجبات السريعة ممكن تكون عالية الكربوهيدرات جدا.
وعشان نحافظ على السلطة تكون منخفضة الكربوهيدرات يبقى لازم نتجنب بعض الاضافات خصوصا اللي بتحتوي على نسبة عالية من السكر, زي الصوصات الحلوة, الفاكهة وغيرها من المكونات عالية الكربوهيدرات.
اتأكدي انك بتتجنبي في السلطة الخبز المحمص, والمكسرات, والتورتيلا.
6- مشروبات مناسبة لنظام الكيتو:
كتير من المشروبات اللي بتتقدم في مطاعم الوجبات السريعة بتحتوي على نسبة عالية من السكر, من الميلك شيك, والشاي المحلى, والمشروبات المتحلية بالسكر.
على سبيل المثال مشروب واحد صغير من Vanilla Bean Coolatta من دانكن دوناتس بيحتوي تقريبا على 88 جرام سكر يعني حوالي 22 معلقة سكر صغيرة.
لكن لحسن الحظ ان في مشروبات كتير من مطاعم الوجبات السريعة مناسبة لنظام الكيتو.
بعض اختيارات المشروبات منخفضة الكربوهيدرات:
– شاي مثلج من غير سكر.
– القهوة مع الكريمة.
– القهوة السوداء المثلجة.
– الشاي السخن مع عصير الليمون.
– المية الفوارة “مية الصودا”.
وممكن تبقي محتفظة معاكي في شنطتك على طول سكر دايت عشان تستخدميه بدل السكر العادي لتحلية المشروبات من غير اضافة كربوهيدرات.
يعني الملخص عشان تحافظي على نظام الكيتو خلي اعتمدي على الشاي من غير سكر والقهوة مع الكريمة والمية الفوارة.
7- برجر ملفوف بالخس Lettuce-Wrapped Burger:
في بعض مطاعم الوجبات السريعة بقت تعمل بالفعل وجبات منخفضة الكربوهيدرات خاصة بنظام الكيتو, زي وجبة البرجر مع الخس تعتبر من الوجبات المناسبة جدا للاشخاص اللي ماشيين على نظام الكيتو.
وممكن انتي تطلبي بنفسك تكون وجبة البرجر من غير كيزر, ويكون ملفوف في الخس بس, وزي ما قولنا في وجبات البرجر عموما من اي مطعم
اتجنبي صوص المسطردة بالعسل, الكاتشاب, صلصة الترياكي, والبصل المقدد, لان دي تقريبا اكتر العناصر في وجبة البرجر بتكون عالية الكربوهيدرات.
ممكن تبدلي الطبقة دي بالمايونيز, صلصة, بيض مقلي, افوكادو, مسطردة, خس, صوص الرانش, بصل او طماطم لخفض الكربوهيدرات, واضافة دهون زيادة لوجبتك
وجبات سريعة مناسبة لنظام الكيتو
8- Unwiches:
لو ماشية على نظام الكيتو يبقى لازم تتجنبي الخبز تماما من نظامك الغذائي.
ولما تيجي تختاري وجبة غدا او عشا من مطعم من مطاعم الوجبات السريعة اختاري Unwiches, وهي عبارة عن حشوات ساندوتشات من غير خبز, بتتكون بس من اللحمة والجبنة والخضروات منخفضة الكربوهيدرات, وده بيخليها اختيار ممتاز جدا للاشخاص اللي ماشيين على النظام الكيتوني.
9- الوجبات السريعة اثناء التنقل:
لو عايزة وجبة سريعة وخفيفة اثناء التنقل وانتي ماشية او سايقة العربية مثلا, حاجة تكون سناكس خفيف مش شاندوتشات او وجبة كاملة, لازم بردو يكون سناكس عالي الدهون ومنخفض الكربوهيدرات عشان تحافظي على النظام الكيتو.
بعض الاختيارات للوجبات السريعة اثناء التنقل:
– البيض المسلوق.
– زبدة الفول السوداني.
– شرايح الجبنة.
– الفول السوداني.
– اللوز.
– بذور زهرة عباد الشمس “اللب السوري”.
– بيف مقدد.
– لحمة مقددة.
– تونة.
ايه هو ال Ketogenic Diet وليه المشاهير بيفضلوه لتخسيس الوزن
