ماسك ليلي لتنعيم وتطويل وتكثيف الشعر

ريهام محمود
ريهام محمود
في
شعر
14810

اكيد في كتير مننا سمع عن الماسك الليلي او ال Sleeping mask هو من الطرق الرائعة جدا لعلاج الشعر لانه بيعمل تأثير على الشعر طول الليل غير الماسكات العادية او التقليدية اللي بنحطها كام ساعة بس ونغسلها, وفي السوق هنلاقي ماركات كتير منزلة الماسك الليلي, لكن احنا النهاردة زي ما عودنا بنات حوا جايبين لكم طريقة ماسك ليلي للشعر تعملوه بنفسك في البيت, والماسك ليه فوايد كتير جدا, بيساعد على تغذية وترطيب وتنعيم الشعر, بيمنع التساقط, بيساعد على تطويل الشعر وتكثيفه وبيخليه اقوى وبيلمع وشكله صحي.

ماسك ليلي للشعر:

– تعالوا نتعرف الاول على فوايد مكوناته:

1- جل صبار الالوفيرا: الالوفيرا يعتبر مرطب طبيعي للشعر, بيقوي بصيلات الشعر, بيساعد على علاج قشرة الشعر, وبيساعد كمان على تنعيم الشعر وبيديه لمعان.

2- عصير الليمون: عصير الليمون بيوازن درجة حموضة فروة الراس, وبيحفز بصيلات الشعر وبيعزز نمو الشعر, وبيساعد كمان على علاج ومنع القشرة.

3- زيت الخروع: زيت الخروع من الزيوت الغنية بالاحماض الدهنية الاساسية اللي بتساعد على ترطيب وتنعيم الشعر.

ماسك ليلي للشعر 1
ماسك ليلي للشعر 1

– مكونات الماسك:

½ كوباية زيت خروع.

عصير ليمونة.

2 معلقة كبيرة جل صبار الالوفيرا.

– طريقة التحضير:

طريقتة بسيطة جدا هاتي اي برطمان فاضي عندك وضيفي كل المكونات مع بعضها وقلبيها.

ماسك ليلي للشعر 2
ماسك ليلي للشعر 2

– طريقة الاستخدام:

خدي من الخليط دلكي بيه فروة الراس, والشعر كله لحد الاطراف, البسي طاقية شعر او كيس بلاستيك, وممكن تربطي فوقيه ايشارب او سكارف عشان تخلي فروة الراس تتشرب الخليط كله كويس, ونامي بيه طول الليل واغسليه الصبح بشامبو خفيف ممكن تستخدموا شامبو جونسون بتاع الاطفال.

ماسك ليلي للشعر 3
ماسك ليلي للشعر 3

طريقة شامبو لبن جوز الهند تعمليه بنفسك في البيت لشعر ناعم وصحي

طريقة شامبو لبن جوز الهند
طريقة شامبو لبن جوز الهند

مقالات متعلقه

7 فوايد واستخدامات لزيت السمسم لشعر صحي

7 فوايد واستخدامات لزيت السمسم لشعر صحي

ماسك فعال لعلاج الشعر الهايش

ماسك فعال لعلاج الشعر الهايش

7 طرق طبيعية فعالة باستخدام زيت الزيتون لعلاج قشرة الراس

7 طرق طبيعية فعالة باستخدام زيت الزيتون لعلاج قشرة الراس