تيراميسو تارت بطريقة جديدة سهلة وسريعة

بقلمريهام محمود فيحلويات visibility240

التيراميسو ليه طرق كتير لعمله والنهاردة جايبين لبنات حوا طريقة جديدة وسهلة وسريعة وهي تيراميسو تارت, يعني لو عايزة تعملي صنف حلو على السريع او جالك ضيوف فجأة وعايزة تقدمي لهم حاجة حلوة الطريقة دي هتكون انسب اختيار ليكي لانه مش بياخد وقت في تحضيره.

تيراميسو تارت:

– مقادير الطبقة الخارجية:

339 جرام اي نوع بسكويت سادة من غير ملح.

100 جرام زبدة غير مملحة, سايحة.

– مقادير الحشو:

400 جرام شوكولاتة غامقة.

250 ملليلتر كريمة سميكة.

– مقادير كريمة التزيين:

400 ملليلتر كريمة خفق “كريم شانتيه”.

1 معلقة صغيرة مستخلص الفانيليا.

4 معالق كبيرة اي نوع جبنة كريمي.

كاكاو.

– الطريقة:

1- اول حاجة هنعمل القعدة او الطبقة الخارجية, في الكبة بتاعة الخلاط حطي البسكويت واضربيه لحد ما يبقى ناعم خالص, وضيفي الزبدة واضربيهم تاني مع بعض, في قالب طويل ضد الالتصاق حطي خليط البسكويت واضغطي عليه بالمعلقة كويس من فوق ومن الجناب بحيث انه ياخد شكل القالب, بعدها شيليه في التلاجة يتماسك شوية لحد ما تحضري الحشو.

تيراميسو تارت
تيراميسو تارت

2- لتحضير الحشو, اخلطي الشوكولاتة مع الكريمة وحطيهم في الميكروويف لمدة 20 ثانية لحد ما يسيحوا, ولو مش متوفر ميكروويف ممكن تسيحيهم على حمام مية سخنة لحد ما يدوبوا خالص والخليط يبقى ناعم مافيش فيه اي كتل.

تيراميسو تارت
تيراميسو تارت

3- صبي خليط الشوكولاتة جوه قالب البسكويت اللي حضرناه, وبعدين حطيه في التلاجة تاني لمدة 20 دقيقة.

تيراميسو تارت
تيراميسو تارت

4- لتحضير الكريمة, في طبق كبير اخلطي كريمة الخفق مع الفانيليا واضربيهم بالمضرب اليدوي على سرعة عالية لحد ما الخليط يزيد معاكي ويبقى ناعم, بعدها ضيفي لهم الجبنة واضربيهم تاني مع بعض.

تيراميسو تارت
تيراميسو تارت

5- حطي خليط الكريمة في كيس تزيين واختاري اي شكل انتي تفضليه, وابدي اعملي خطوط زجزاج جنب بعض بطول القالب كله لحد ما تغطي الوش كله بالكريمة, وفي الاخر رشي رشة كاكاو على الوش.

تيراميسو تارت
تيراميسو تارت

الطريقة بالفيديو:

بالفيديو : وصفة الريد فيلفيت تشيز كيك اللذيذة Red Velvet Cheesecake

بالفيديو وصفة الريد فيلفيت تشيز كيك اللذيذة Red Velvet Cheesecake
بالفيديو وصفة الريد فيلفيت تشيز كيك اللذيذة Red Velvet Cheesecake