حمية رواد الفضاء لمدة 13 يوم هتساعدك على خسارة الوزن والتخلص من كل مشاكل المعدة

ريهام محمود
ريهام محمود
5433

حمية رواد الفضاء لخسارة الوزن من انواع الحميات المعروفة اللي بتساعد على تسريع عملية التمثيل الغذائي او الحرق, وبالتالي ده بيساعد تخسري وزن بشكل اسرع, والنهاردة من خلال موضوعنا هنقولك ايه هي حمية رواد الفضاء وازاي تعمليها.

حمية رواد الفضاء لخسارة الوزن:

– ايه هي حمية رواد الفضاء؟

هو الحقيقة ان رواد الفضاء مش بيستخدموا النظام الغذائي ده, لكن هو اتسمى كده لانه اللي بيمشي عليه محتاج ضبط نفس رائد الفضاء عشان تقدري تستمري عليه, لانه هيبقى في قايمة اكلات المفروض انك تتجنبيها خلال فترة الحمية, والنظام بيعتمد بشكل كامل تقريبا على منتجات البروتين, وبتقللي فيه من الكربوهيدرات والالياف بشكل كبير.

وهتحتاجي انك تقللي كمية استهلاكك اليومي للسعرات الحرارية, وبسبب كمية البروتين اللي هتاكليها بيساعد النظام الغذائي ده في فقدان الوزن بسرعة من غير ما يسبب ضرر للعضلات.

حمية رواد الفضاء لخسارة الوزن 1
حمية رواد الفضاء لخسارة الوزن 1

– قللي من استهلاك المنتجات دي:

1- المشروبات الغازية وعصاير الفاكهة.

2- الملح والسكر.

3- الخضروات النشوية “البطاطس, البنجر, الفجل, الجزر”.

4- الارز والمكرونة.

5- الخبز والحبوب.

6- منتجات اللحوم المدخنة.

حمية رواد الفضاء لخسارة الوزن 2
حمية رواد الفضاء لخسارة الوزن 2

– زودي من استهلاك المنتجات دي:

1- كلي السمك بدل اللحم البقري, والبيض بدل اللحوم العالية الدهون.

2- المشروم.

3- البيض.

4- السمك والفراخ.

5- الطماطم والخيار.

6- الخس والكرنب.

7- البروكلي والقرنبيط والفاصوليا الخضرا.

8- القرع.

9- السلطة.

10- الجبنة, والتوفو.

11- الحليب النباتي “حليب اللوز, حليب الارز, حليب الصويا”.

واي منتجات تانية مش موجودة في قايمة الممنوعات اللي فاتت تبقى مسموح اكلها.

حمية رواد الفضاء لخسارة الوزن 3
حمية رواد الفضاء لخسارة الوزن 3

– مثال للنظام:

– وجبة الفطار: بيض مسلوق او مشوي + فنجان قهوة من غير لبن او سكر.

– وجبة الغدا: ½ فرخة متوسطة الحجم مع ½ لتر شوربة اللي اتسلقت فيها الفراخ + سلطة مع الطماطم والمشروم + كوباية من حليب الصويا او القهوة من غير لبن او سكر.

– وجبة خفيفة: كوباية برتقان متقطع او شاي اخضر.

– وجبة العشا: كوباية حليب صويا او لوز اي حليب نباتي تختارية, وسمك, و 150 جرام توفو.

ممكن تستبدلي التوفو بالجبنة, وسمك بدل الفراخ, وشاي اخضر بدل القهوة, وتفاح بدل البرتقان.

يعني تقدري تبدلي زي ما انتي عايزة في الوجبات المهم تمشي على القايمة المسموحة وتبعدي عن الممنوعات.

حمية رواد الفضاء لخسارة الوزن 4
حمية رواد الفضاء لخسارة الوزن 4

– ملاحظة مهمة:

متتجاهليش الفيتامينات والمعادن, واتأكدي انك تمارسي المشي او الجري يوميا, واشربي كمية مية كتير ميقلش عن 2 لتر في اليوم.

حمية رواد الفضاء لخسارة الوزن 5
حمية رواد الفضاء لخسارة الوزن 5

– ازاي تتخلصي من مشاكل المعدة:

لو بتعاني من مشاكل في الجهاز الهضمي, ممكن تعالجيها او تخففي منها بشوية تغييرات في اسلوب حياتك, والنظام الغذائي اللي احنا قولناه ممكن يساعدك في ده كمان.

اهم حاجة انك تقللي بقدر الامكان او تمنعي الكربوهيدرات البسيطة زي “السكر, المكرونة, الخبز الابيض, عصير الفواكة, وغيرها” لانه لما بيكون الجهاز الهضمي مش متوازن, الكربوهيدرات عالية السكر والسكر بتتخمر في القولون وده بيسبب الانتفاخ والغازات.

والنظام الغذائي بتاعنا لانه غني بالبروتين بيساعد جدا في علاج متلازمة الامعاء المتهيجة ومشاكل المعدة بشكل عام مع شوية نصايح تانية:

– خليكي رطبة طول اليوم يعني اشربي مية كتير, زي ما قولنا في النظام ميقلش عن 2 لتر في اليوم.

– اتجنبي الاكلات المقلية والحارة والدهنية والسكريات والشاي الاسود والمشروبات الغازية.

– ابعدي عن التدخين.

– كتري من اكل البرقوق.

– كلي الحاجات الغنية بالبروبيوتيك زي “الزبادي, الجبنة, المخلل, خل التفاح”.

– متناميش بعد الاكل على طول.

– اطبخي بزيت الزيتون بدل الزبدة والسمنة.

– نامي كويس.

– حاولي تشربي انواع الشاي المهدئة زي “شاي البابونج, النعناع, الجنزبيل”.

حمية رواد الفضاء لخسارة الوزن 6
حمية رواد الفضاء لخسارة الوزن 6

ياللا قولوا لنا ايه رايكم في الدايت ده؟ ومين هتجربوا.

سر هيساعدك على تخسيس الوزن في 5 دقايق بس في اليوم

المساج لتخسيس الوزن
المساج لتخسيس الوزن

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن