لو بتعاني من ألم القدمين والركبة والوركين..اعرفي معانا 6 تمارين هتخلصك من الألم

ريهام محمود
ريهام محمود
في
صحة
3076

كتير من الاشخاص بيعانوا من ألم الركبة اللي يعتبر تقريبا تاني اكبر ألم مزمن ممكن يحصل لنا, في اللي ممكن يعاني من ألم خفيف من وقت للتاني, وفي اشخاص بيكون عندهم الالم مزمن وايا كانت الحالة, النهاردة هنشوف مع بعض 6 تمارين لعلاج ألم الركبة والقدم والوركين.

تمارين لعلاج ألم الركبة والقدم والوركين:

1- تمرين Heel raises:

– اول حاجة هاتي كرسي واقفي وراه.

– اتني رجل واحدة لفوق.

– والرجل التانية ارفعي الكعب من على الارض ببطء لحد ما تبقي واقفة على صوابع القدم.

– ارجعي نزلي كعب الرجل على الارض ببطء.

– كرري التمرين من 10 – 15 مرة لكل رجل.

التمرين ده بيقوي منطقة الكاحلين, وبيشتغل على العضلات اللي حوالين الركبة.

تمارين لعلاج ألم الركبة والقدم والوركين 1
تمارين لعلاج ألم الركبة والقدم والوركين 1

2- تمرين Toe walking:

التمرين ده بسيط جدا تقدري تعمليه وانتي ماشية في البيت او بتعملي شغل البيت, كل اللي هتعمليه انك هتمشي على اطراف صوابعك بسرعة, التمرين ده بيقوي عضلات السمانة, ويعتبر تمرين لصوابع القدمين.

استمري في المشي بالطريقة دي لمدة من 5 – 15 دقيقة او لحد ما تحسي انك تعبتي.

تمارين لعلاج ألم الركبة والقدم والوركين 2
تمارين لعلاج ألم الركبة والقدم والوركين 2

3- تمرين Ankle circles:

– التمرين ده بيقوي منطقة الكاحل.

– اقفي او اقعدي وارفعي رجل واحدة لفوق.

– حركي رجلك في حركات دائرية ببطء.

– كرري التمرين 10 مرات حركات دائرية داخلية, و 10 مرات دائرية خارجية لكل رجل.

تمارين لعلاج ألم الركبة والقدم والوركين 3
تمارين لعلاج ألم الركبة والقدم والوركين 3

4- تمرين Resistance training:

للتمرين ده هتحتاجي شريط مقاومة, ممكن تستخدمي اي شريط مطاطي يكون قوي.

– ثبتي الشريط في رجل الكنبة او اي قطعة اثاث تكون ثابتة.

– حطي رجل تحت التانية زي ما هو باين قدامنا في الصورة, واتني الركبة بسيط.

– حطي رجلك في الشريط وشديها ببطء, واتني القدم لفوق.

– كرري التمرين من 10 – 15 مرة لكل رجل.

التمرين ده بيقوي عضلات الساق, وعضلات الفخد الداخلية والخارجية.

تمارين لعلاج ألم الركبة والقدم والوركين 4
تمارين لعلاج ألم الركبة والقدم والوركين 4

5- تمرين Toe games:

ده تمرين بسيط جدا لصوابع القدمين.

– اتني صوابع رجلك لجوه زي ما هو باين قدامنا في الصورة كده.

– حطي فوطة على الارض وحاولي تمسكيها بصوابع رجلك وهي متنية.

– او ممكن تحطي ظلطة صغيرة على الارض او اي حاجة صغيرة وحاولي تحطيها جوه سلة باستخدام صوابع رجلك بس.

تمارين لعلاج ألم الركبة والقدم والوركين 5
تمارين لعلاج ألم الركبة والقدم والوركين 5

6- تمرين Walking on balls:

– هاتي كورة تنس او اي كورة بنفس الحجم.

– اقعدي على كرسي.

– حطي القدم على الكورة, وابدأي حركي الكورة ببطء ناحية صوابع القدم وبعدين لورا, يعني حركي رجلك عليها رايح جاي من قدام لورا.

– واعملي التمرين وقت على قد ما تقدري, هو تدليك مريح جدا للقدم.

تمارين لعلاج ألم الركبة والقدم والوركين 6
تمارين لعلاج ألم الركبة والقدم والوركين 6

– نقط الضغط:

لو بتعاني من ألم في القدمين بعد يوم طويل ممكن تستخدمي طريقة التدليك على نقط الضغط ودي تعتبر طريقة علاج معروفة على مستوى العالم كله, حطي صوابعك الابهام على النقط اللي موجودة في الصورة “بين اول صوباعين واخر صوباعين”, وبعيد عن الصوابع حوالي 1 سم او نص بوصة, ودلكيها بالراحة لمدة 15 دقيقة.

تمارين لعلاج ألم الركبة والقدم والوركين 7
تمارين لعلاج ألم الركبة والقدم والوركين 7

11 طريقة فعالة للحصول على سيقان مثالية

تمارين لسيقان مثالية
تمارين لسيقان مثالية

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

نصايح لصيام صحي في رمضان

نصايح لصيام صحي في رمضان

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك