تصميم لرسم ضوافرك يوم فرحك خطوة بخطوة بالصور

بقلمريهام محمود فيأظافر visibility285

كل عروسة اكيد بتهتم بكل تفصيلة في طلتها عشان تطلع بلوك مثالي في ليلة العمر من غير ولا غلطة, وواحدة من التفاصيل المهمة هي شكل الضوافر ورسمة المانيكير, لان دي اللي هتلبسي فيها الخاتم اللي هيربطك بنصك التاني, عشان كده لازم نهتم بالتفصيلة دي جدا, والنهاردة هنشوف مع بعض تصميم لرسم ضوافرك يوم فرحك.

والرسمة اللي معانا النهاردة ناعمة جدا ورقيقة ومناسبة لكل الاذواق تقريبا, وهنستخدم فيها الوان طبيعية ونيود وهي درجات الوردي الكلاسيكي مع اللون الابيض, والماركة المستخدمة هي Essie المعروفة بألوانها المميزة جدا والمختلفة.

تعالوا نشوف مع بعض بالخطوات والصور تصميم لرسم ضوافرك يوم فرحك:

1- الخطوة الاولى:

اول حاجة نضفي ضوافرك وامسحيهم بالاسيتون عشان تشيلي اي زيوت من عليهم ويديكي نتيجة افضل, بعدها حطي على ضوافرك كلها طبقة Base coat اي نوع مفضل عندك, وممكن تستخدمي طبقة Base coat شفافة, او بينك فاتح.

تصميم لرسم ضوافرك يوم فرحك
تصميم لرسم ضوافرك يوم فرحك

2- الخطوة التانية:

الخطوة التانية هنستخدم فيها اللون الابيض, ارسمي على الجزء اللي تحت من الضوفر شكل Half moon او نص قمر.

تصميم لرسم ضوافرك يوم فرحك
تصميم لرسم ضوافرك يوم فرحك

3- الخطوة التالتة:

في الخطوة دي هنرسم نفس شكل نص القمر بدرجات الوردي المختلفة والنيود على زوايا الضوفر من الجنبين.

تصميم لرسم ضوافرك يوم فرحك
تصميم لرسم ضوافرك يوم فرحك

4- الخطوة الرابعة:

في اخر خطوة ارسمي شكل نص قمر على الجزء اللي فوق من الضوفر باللون الابيض, واللمسة النهاية هتكون مع طبقة Top coat بتلمع.

تصميم لرسم ضوافرك يوم فرحك

وده هيكون الشكل النهائي للتصميم.

تصميم لرسم ضوافرك يوم فرحك
تصميم لرسم ضوافرك يوم فرحك

نصايح ايه اللى تعمليه و ايه اللى تتجنبيه علشان تحصلى على مانيكير مثالى لفرحك

نصايح ايه اللى تعمليه و ايه اللى تتجنبيه علشان تحصلى على مانيكير مثالى لفرحك
نصايح ايه اللى تعمليه و ايه اللى تتجنبيه علشان تحصلى على مانيكير مثالى لفرحك