فوايد واستخدامات غير تقليدية للفلفل..اعرفيها معانا

بقلمريهام محمود فيمنوعات visibility337

الفلفل بانواعه سواء الفلفل الاسود او الفلفل الاحمر الحار “الشطة” تقريبا من المكونات اللي بنستخدمها في معظم اكلاتنا, لكن الفلفل مش مجرد نوع توابل بيدي طعم للاكل, هو ليه فوايد صحية كتير لانه بيحتوي على البوتاسيوم, والمغنسيوم, والحديد, وفيتامين K, وفيتامين C, والنهاردة هنعرف استخدامات الفلفل مش بس للاكل لكن هنعرف فوايد واستخدامات اكتر ليه.

استخدامات الفلفل:

1- مبيد طبيعي للحشرات:

الفلفل الاحمر الحار “الشطة” يعتبر مبيد طبيعي للحشرات والناموس, اخلطي معلقة صغيرة شطة مع 2 معلقة كبيرة منظف اطباق و 2 معلقة كبيرة زيت نباتي, ضيفي المكونات ل3 لتر مية تقريبا, وحطيهم في ازازة ببخاخ ورجيها, ورشي اي مكان بتعاني فيه من ناموس او حشرات.

استخدامات الفلفل
استخدامات الفلفل

2- لصحة الفم:

الفلفل الاسود والملح ممكن تستخدميهم كغرغرة للفم, لعلاج تجاويف الفم, وتخفيف الم الاسنان, والتخلص من ريحة الفم الكريهة, اخلطي ½ معلقة صغيرة ملح ورشة فلفل صغيرة, في مية دافية واعملي بيهم غرغرة للفم, ولو بتعاني من التهاب الحلق, امزجي رشة من الشطة مع ½ معلقة صغيرة ملح وفصوص ثوم مهروسة وضيفيهم لمية دافية واعملي بيهم غرغرة, الخليط ده يعتبر مطهر طبيعي.

استخدامات الفلفل
استخدامات الفلفل

3- بيحافظ على الوان الهدوم:

لو عندك لبس خايفة لونه يبهت ويروح بعد الغسيل, ضيفي معلقة صغيرة فلفل للغسيل, هيحافظ على الوان الهدوم زاهية وهيمنع ان اللون يبهت او يروح.

استخدامات الفلفل
استخدامات الفلفل

4- لمنع النمل:

لو بتعاني من نمل في المطبخ او في اي مكان في الشقة, الفلفل الحار او الشطة من الحاجات الفعالة جدا في طرد النمل, بس حطي رشة شطة على اي مكان بتشوفي فيه نمل او بيخرج منه, هيمنع النمل تماما من مطبخك او من اي مكان.

استخدامات الفلفل
استخدامات الفلفل

5- اكل مغذي للعصافير:

لو بتربي عصافير في البيت, حطي لهم كمية بسيطة من الشطة مع الاكل بتاعهم, هما مش هيميزوا طعم الشطة, لكن فيتامين C اللي موجود في الفلفل مفيد جدا ليهم.

استخدامات الفلفل
استخدامات الفلفل

6- لحماية النباتات من الحشرات:

لو عندك زرع في البيت عشان تحميه من الحشرات, مش محتاجة مبيد حشري, ببساطة رشي خليط من الفلفل الاسود والدقيق حوالين الزرع بتاعك, هتبعد اي حشرات.

استخدامات الفلفل
استخدامات الفلفل

7- الاقلاع عن التدخين:

الدراسات اثبتت ان المدخنين لو شموا زيت الفلفل الاسود, ده بيقلل رغبتهم جدا في التدخين, وكمان المدخنين المشاركين في تجربة شم زيت الفلفل للاقلاع عن التدخين, قالوا انهم حسوا بحرقان خفيف في الحلق بعد ما شموه, والاحساس ده تقريبا مشابه لنفس احساس التدخين, اي مدخن بيحاول يبعد عن عادة التدخين كل ما يلاقي نفسه عايز يشرب سجاير يحط نقطة صغيرة من زيت الفلفل على قطنة ويشمها هيلاقي رغبته في الشرب اختفت.

استخدامات الفلفل
استخدامات الفلفل

8- لعلاج انسداد الانف:

الفلفل الاسود فيه مواد طبيعية بتهيج اغشية الانف عشان كده لما بنشمه دايما بنعطس, ومن هنا بتيجي فايدته في علاج انسداد الانف والجيوب الانفية, ضيفي 5 نقط من زيت الفلفل الاسود مع نقطتين من زيت الكافور لمية مغلية, وشمي الخليط ده هيساعد على علاج الجيوب الانفية, وفتح الممرات الانفية المسدودة.

استخدامات الفلفل
استخدامات الفلفل

9- علاج الكحة:

الفلفل الحار “الشطة” بيساعد في تخفيف البلغم في الصدر وعلاج تهيج الحنجرة, اخلطي ½ معلقة صغيرة شطة مع ½ معلقة صغيرة جنزبيل فريش مع معلقة كبيرة عسل نحل ومعلقة كبيرة خل تفاح, وخدي معلقة صغيرة من الخليط ده كل ما تحتاجي.

استخدامات الفلفل
استخدامات الفلفل

– استخدامات اضافية:

1- لو التكييف حصل فيه تسريب, حطي فيه فلفل اسود عشان تقفلي الثقوب اللي بتسرب كحل مؤقت لحد ما يتصلح.

2- لتخفيف التهاب الحلق, اخلطي 1/8 معلقة صغيرة فلفل حار “شطة” مع 2 معلقة كبيرة عسل نحل, خدي معلقة صغيرة من الخليط مرة واحدة في اليوم.

3- خليط الفلفل الاسود والعسل او الفلفل الاسود مع المية بيساعد على تخفيف الامساك وعسر الهضم, لانه بيساعد على طرد السموم من الجسم.

4- الفلفل ممكن كمان يكون مفيد جدا لبشرتك لو بتعاني من الاكزيما او الطفح الجلدي, اخلطي شوية من فلفل اسود مع سمنة, وحطي الخليط على المنطقة المصابة.

5- لو اتجرحتي جرح بسيط عشان توقفي الدم ممكن ترشي عليه شوية شطة صغيرين جدا هيوقف النزيف, ممكن تحسي بلسعه بسيطة وده طبيعي, بس استخدمي الطريقة دي للجروح السطحية بس مش العميقة.

6- عشان تبعدي الفيران عن البيت, ممكن ترشي فلفل اسود في الاماكن اللي ممكن يدخلوا منها او في اماكن متفرقة من البيت في الاركان, هتمنع اي فار يقرب من المكان, ولو في فار موجود ممكن ترشي عليه زيت الفلفل الاسود هيهرب على طول.

استخدامات الفلفل
استخدامات الفلفل

فوايد واستخدامات خل التفاح الجمالية والصحية

فوايد واستخدامات خل التفاح
فوايد واستخدامات خل التفاح