موضة صنادل الصيف summer sandals لسنة 2018

بقلمآية حسان فيموضة وأزياء visibility882

الصنادل الصيفية او الـ summer sandals بتعتبر جزء أساسي من موضة كل صيف، لكن الصيف ده الصندل الفلات او الـ flat sandals هى اللى بتعتبر Trendy ومنتشرة بشكل كبير، وعلشان احنا فى بنات حوا بيهمنا دايما تعرفي كل جديد عن الموضة و الأزياء، فى المقال ده هنعرف مع بعض ازاى تلبسي الصنادل الصيفية في 2018 وكمان هنشوف مع بعض ألبوم كامل لستايلات مختلفة تلهمك للـ look الجديد بتاعك، خلينا نبدأ مع بعض.

موضة صنادل الصيف summer sandals لسنة 2018

النوع ده من الشوز شيك جدا وكمان مريح فى اللبس و خفيف من غير ما يضايقك او تحسي انه تقيل في رجلك، و بتقدرى تلبسيه مع الـ skirts و البنطلونات و الفساتين و تقريبا كل حاجة، علشان كده مهم يكون فى منه في دولابك قطعة على الأقل علشان تقدرى تستخدميها فى أى outfit تحبيه. 

1- flat sandals : 

الصندل الفلات هيساعدك تعملى لوك كاجوال وفي نفس الوقت تطلعي بشكل شيك و تبقى مرتاحة وانتى لابساه، وده لأنه تقريبا مالوش ووزن و خفيف جدا فى رجلك وكونه فلات دهه يخلييه مريح لرجلك من غير اى تعب وتقدرى تلبسيه بالليل او بالنهار ، وهتلاقى منه الجلد و الشامواه بأشكال وتطريز وألوان مختلفة تقدرى تختاري منها اللى يناسبك. 

flat sandals

2- diamond sandals :

نوع تانى من الصندل  لكن الفرق انه الـ diamond sandals تقدرى تلبسيها على الفساتين السواريه وتستغنى بيها عن شوز الكعب العالي اللى بيبقى مزعج ومؤلم، وبكده تكونى عملتى لوك شيك ومريح. 

diamond sandals

3- seude sandals : 

خامة تانية هتلاقيها موجودة فى الـ summer  sandals هى خامة الـ seude او القطيفة و الشامواه، شكلها شيك واليجانت و تقدرى تلبسي الفلات صندل من الخامة دى على البنطلون الجينز او لو بتعملى لوك semi formal للشغل. 

seude sandals

4- leather sandals : 

ٍكمان الصندل  الجلد كمان عملى جدا والمميز فيه انك تقدرى تلبسيه فى معظم المناسبات وتقريبا على أى لوك تحبى تعمليه – ماعدا السواريه- يعنى ممكن تلبسيه مع جينز او على دريس و حتى تعملى بيه لوك فورمال للشغل واجتماعاتك المهمة. 

leather sandals

5- golden sandals : 

الـ Golden Sandals شكلها مميز و هيفكرك بالستايلات المستوحاة من الاغريق، ممكن تلبسيه على فستان أبيض علشان تبرزى الـ foot wear بتاعك و تحوليه لقطعة اساسية فى ستايلك، تقدرى تنسقيه زى ما تحبي لكن بننصحك ماتلبسيهوش فى الشمس الشديدة بالنهار بسبب لون الملفت. 

golden sandals

شوفى معانا كمان  ألبوم كامل تتعرفى منه على موضة صنادل صيف 2018 

اعرفى معانا كمان ازاى تلبسي موضة الـ Pastel Sandals لصيف 2018