طريقة عمل دوناتس البطاطس بالجبنة

بقلمريهام محمود فيأكلات سريعة visibility923

لو زهقتوا من الطرق التقليدية للبطاطس, وعايزين تجددوا وتاكلوها بطريقة مختلفة, شوفوا معانا وصفتنا النهاردة وهي دوناتس البطاطس بالجبنة الموتزاريلا والجبنة الشيدر, الوصفة سهلة جدا ومكوناتها بسيطة ومش بتاخد وقت في التحضير.

دوناتس البطاطس بالجبنة:

– المكونات:

من 4 – 5 ثمرات بطاطس متوسطين الحجم.

¼ كوباية جبنة موتزاريلا مبشورة.

¼ كوباية جبنة شيدر متقطعة مكعبات.

¼ كوباية قشطة تقيلة “Heavy cream” او كريمة الطبخ.

2 معلقة كبيرة دقيق.

ملح وفلفل.

– للقلي:

دقيق.

و 3 بيضات مضروبين.

بقسماط مطحون.

زيت للقلي.

دوناتس البطاطس بالجبنة
دوناتس البطاطس بالجبنة

– الطريقة:

ناخد نص كمية البطاطس نسلقها ونسيبها تبرد وبعدين نهرسها, والنص التاني نبشره بالمبشرة ني زي ما هو.

في طبق كبير اخلطي البطاطس المبشورة مع البطاطس المسلوقة والمهروسة, والدقيق, والملح, والفلفل, ونوعين الجبنة والكريمة, وقلبي المكونات كلها مع بعض لحد ما يختلطوا كويس.

دوناتس البطاطس بالجبنة
دوناتس البطاطس بالجبنة

هاتي قوالب السيليكون بتاعة الدوناتس, ووزعي فيها الخليط واضغطي عليه بالمعلقة وساوية كويس, وحطيه في التلاجة لحد ما يتماسك ويبقى جامد.

دوناتس البطاطس بالجبنة
دوناتس البطاطس بالجبنة

بعد ما الخليط يبقى متماسك كويس, طلعيه من القوالب للتحمير.

دوناتس البطاطس بالجبنة

حطي شوية دقيق في طبق, وفي طبق تاني البيض, وطبق تالت حطي فيه البقسماط المطحون, اغمسي كل واحدة دوناتس الاول في الدقيق وبعدين البيض وبعدين البقسماط.

وفي طاسه فيها زيت غزير سخن, حطي وحدات الدوناتس, وقلبيها على الناحيتين لحد ما تاخد اللون الدهبي, طلعيها على ورق مطبخ, وقدميها مع الكاتشب او اي صوص تفضليه.

دوناتس البطاطس بالجبنة

الطريقة بالفيديو:

وصفة حلقات البصل المقلية باللحمة Onion Ring Steak Cups

حلقات البصل المقلية
Onion Ring Steak Cups